લંડન,
ક્રિકેટના મક્કા કહેવાતા લોર્ડ્સ ગ્રાઉન્ડ ખાતે રમાયેલી ટી-૨૦ ઇન્ટરનેશનલ મેચમાં બે વખતની વર્લ્ડ ચેમ્પિયન વેસ્ટ ઇન્ડીઝની ટીમે ૭૨ રને શાનદાર વિજય મેળવ્યો છે, જયારે પાકિસ્તાનના પૂર્વ કેપ્ટન શાહિદ આફ્રિદીના નેતૃત્વ હેઠળ રમી રહેલી ICC વર્લ્ડ T-૨૦ ઈલેવન ટીમનો પરાજય થયો હતો.
પ્રથમ બેટિંગ કરતા વેસ્ટ ઇન્ડીઝની ટીમે ૪ વિકેટના નુકશાને ૧૯૯ રનનો વિશાળ સ્કોર ખડકયો હતો. ત્યારે આ ટાર્ગેટના જવાબમાં આફ્રિદીની સેના ૧૬.૪ ઓવરમાં જ માત્ર ૧૨૭ રનના સ્કોરે સમેટાઈ ગઈ હતી અને ૭૨ રને પરાજયનો સ્વાદ ચાખ્યો હતો.
ક્રિકેટના મક્કામાં રમાયેલી આ ટી-૨૦ મેચ એક સામાન્ય મેચથી અલગ હતી, કારણ કે ક્રિકેટના ઈતિહાસમાં પહેલીવાર કોઈ પણ મેચમાં એક એવું દ્રશ્ય જોવા મળ્યું જે આમ રીતે કોઈ પણ મેચમાં જોવા મળતું નથી. લોર્ડ્સમાં રમાયેલી આ મેચ દરમિયાન જ્યાં કોમેન્ટેટર મેદાન પર જ રહીને ફિલ્ડ પર રહેલા ખેલાડીઓ સાથે વાત કરી રહ્યા હતા.
તમે જોઈ શકો છો કે, ઈંગ્લેંડના ભૂતપૂર્વ ખેલાડી અને આ મેચમાં કોમેન્ટ્રી કરી રહેલા નાસિર હુસૈન ચાલુ મેચમાં ખેલાડીઓ સાથે વાત કરી રહ્યા છે.
