Subhash Chandra Loan Settlement Controversy: મીડિયા ઉદ્યોગ સાથે જોડાયેલા સુભાષ ચંદ્રાના આશરે 22,006 કરોડ રૂપિયાના દેવાને માત્ર 6.5 કરોડ રૂપિયામાં સેટલ કરવાની મંજૂરી મળ્યાના અહેવાલ બાદ બેન્કિંગ સિસ્ટમ અંગે ચર્ચા તેજ થઈ છે. આ નિર્ણયને કારણે ‘હેરકટ’ અને મોટા ડિફોલ્ટરોને મળતી રાહત અંગે રાજકીય તથા આર્થિક ક્ષેત્રમાં સવાલો ઉઠી રહ્યા છે. રિપોર્ટ અનુસાર, કુલ દેવાની સામે ચૂકવવાની રકમ અત્યંત ઓછી છે. ગણતરી પ્રમાણે આ લગભગ 99.97 ટકા જેટલી રકમની રાહત સમાન બને છે. આ કારણે સામાન્ય લોનધારક(Vijay Mallya) અને મોટા કોર્પોરેટ ડિફોલ્ટર સાથેની વ્યવસ્થાની સરખામણીને લઈને ચર્ચા શરૂ થઈ છે.

Vijay Mallyaનો કટાક્ષ

આ મામલે વિજય માલ્યાએ(Vijay Mallya) સોશિયલ મીડિયા પર પોતાની પ્રતિક્રિયા આપી હતી. તેમણે પોતાના કેસનો ઉલ્લેખ કરતાં સવાલ કર્યો કે એક તરફ તેમના પરના દેવામાં મોટી રકમની વસૂલાત થઈ હોવા છતાં તેમને રાહત મળતી નથી, જ્યારે બીજી તરફ હજારો કરોડના દેવાના કેસમાં ખૂબ જ ઓછી રકમ ચૂકવીને મામલો સમાપ્ત થતો દેખાય છે. કોંગ્રેસ નેતા જયરામ રમેશે પણ આ મુદ્દે સરકાર અને બેન્કિંગ વ્યવસ્થા પર નિશાન સાધ્યું છે. તેમણે કટાક્ષ કરતાં કહ્યું કે આને માત્ર ‘હેરકટ’ કહેવું યોગ્ય નથી, કારણ કે દેવામાં આપવામાં આવેલી રાહત અત્યંત મોટી છે. તેમણે ઇન્સોલ્વન્સી એન્ડ બેન્કરપ્સી કોડના હેતુ અને તેના અમલ અંગે પણ પ્રશ્નો ઉઠાવ્યા.

બેન્કોને નુકસાન કોણ ભોગવે?

આ સમગ્ર મામલાનો સૌથી મોટો સવાલ એ છે કે જો હજારો કરોડ રૂપિયાનું દેવું ખૂબ જ ઓછી રકમમાં સેટલ થાય, તો બાકી રકમનું નુકસાન કોણ સહન કરે? બેન્કિંગ(Vijay Mallya) સિસ્ટમમાં આવા નિર્ણયોની અસર અંતે બેન્કોની નાણાકીય સ્થિતિ અને પરોક્ષ રીતે સામાન્ય જમાકર્તાઓ તથા કરદાતાઓ સુધી પહોંચી શકે છે.

સામાન્ય લોનધારક માટે અલગ નિયમ?

સામાન્ય વ્યક્તિ લોન લે ત્યારે નિયમિત હપ્તા ચૂકવવા ઉપરાંત વ્યાજ, ક્રેડિટ સ્કોર અને વસૂલાતની પ્રક્રિયાનો સામનો કરે છે. તેથી મોટા કોર્પોરેટ દેવાની મોટી રકમમાં રાહત મળે ત્યારે સામાન્ય લોનધારકોમાં અસમાનતાની લાગણી ઊભી થવી સ્વાભાવિક છે. સુભાષ ચંદ્રાના કેસે ઇન્સોલ્વન્સી પ્રક્રિયા, બેન્કોની વસૂલાત અને મોટા ડિફોલ્ટરોને મળતી રાહત અંગે ફરી ચર્ચા જગાવી છે. હવે આ પ્રકારના સેટલમેન્ટમાં નિયમો, બેન્કોના હિત અને જાહેર નાણાં પર થતી અસર અંગે વધુ પારદર્શિતા કેટલી જરૂરી છે તે મુદ્દો મહત્વનો બની રહ્યો છે.

આ પણ વાંચો:નેપાળમાં ભીષણ પૂરનો પ્રકોપ: 160ના મોત, 133 ભારતીય શ્રદ્ધાળુઓ પણ સંપર્કવિહોણા

આ પણ વાંચો:નેપાળમાં તિબેટથી આવેલા ભયંકર પૂરથી ભારે તબાહી, 1000 લોકોના વહી જવાની આશંકા

આ પણ વાંચો:નેપાળમાં હિમાલયનું મહાસંકટ; ગ્લેશિયર તૂટવાથી સર્જાયું ભીષણ પૂર, 160થી વધુ લોકોના મોત