ભારતીય ક્રિકેટ ટીમ 27 ઓગસ્ટથી શરૂ થઈ રહેલા એશિયા કપ 2022 માટે દુબઈ પહોંચી ગઈ છે. રોહિત શર્માની આગેવાની હેઠળની ટીમ ઈન્ડિયા 28 ઓગસ્ટે કટ્ટર હરીફ પાકિસ્તાન સામે પોતાના અભિયાનની શરૂઆત કરશે. તમામની નજર આ મેચ પર રહેશે. જો કે આ શાનદાર મેચ પહેલા ભારતીય ક્રિકેટ ટીમના પૂર્વ કેપ્ટન વિરાટ કોહલી અને વર્તમાન પાકિસ્તાન ક્રિકેટ ટીમના કેપ્ટન બાબર આઝમ એકબીજાને મળ્યા હતા, જેનો એક વીડિયો પણ સોશિયલ મીડિયા પર વાયરલ થઈ રહ્યો છે. ભારત એશિયા કપના ઈતિહાસમાં સૌથી સફળ ટીમ છે અને બે વખત ડિફેન્ડિંગ ચેમ્પિયન પણ છે. પાકિસ્તાને છેલ્લે 2012માં ટૂર્નામેન્ટ જીતી હતી.
Hello DUBAI 🇦🇪
Hugs, smiles and warm-ups as we begin prep for #AsiaCup2022 #AsiaCup | #TeamIndia 🇮🇳 pic.twitter.com/bVo2TWa1sz
— BCCI (@BCCI) August 24, 2022
બીસીસીઆઈએ તેના સોશિયલ મીડિયા હેન્ડલ પર એક વીડિયો અપલોડ કર્યો છે. આમાં હાર્દિક પંડ્યા, યુઝવેન્દ્ર ચહલ રાશિદ ખાન અને મોહમ્મદ નબી સાથે ચેટ કરતા જોઈ શકાય છે. આ દરમિયાન ધ્યાન વિરાટ કોહલી પર હતું કારણ કે તે પાકિસ્તાનના કેપ્ટન બાબર આઝમને મળ્યો હતો. બાબર તેના તાજેતરના ફોર્મ મુજબ વિશ્વના ટોચના બેટ્સમેનોમાંનો એક છે જ્યારે કોહલી લાંબા સમયથી ફોર્મમાં પરત ફરવા માટે સંઘર્ષ કરી રહ્યો છે.