ભારતની સૌથી પ્રિય મોબાઇલ કંપની શાઓમી છે. શાઓમીની મોબાઇલ સિરીઝ ભારતમાં સૌથી વધુ વેચાય છે. લોકો તેના ઉત્પાદન પર ખૂબ ભરોસો રાખે છે. મોબાઇલ સિવાય શાઓમીનાં એર પ્યુરિફાયર, સ્માર્ટ મોબ, એક્સેસરીઝ જેવા ઉત્પાદનો પણ બનાવવામાં આવ્યાં છે. પરંતુ હવે આ પછી શાઓમી સ્માર્ટ કપ લઈને આવી રહ્યુ છે.
એક અહેવાલ મુજબ, શાઓમીએ ચીનમાં વોર્મ કપ નામનું પ્રોડક્ટ લોન્ચ કર્યું છે. આ એક વાયરલેસ કપ છે, જેની કિંમત 2 હજાર ભારતીય રૂપિયા રાખવામાં આવી છે. જો તમને આ કપ વિશે ખબર નથી, તો અમે તમને તેના વિશે જણાવીશું. આ શાઓમી વોર્મ કપમાં, યૂઝર્સની કોફી 55 ° સે. સતત તાપમાન પર રહેશે. આ વાયરલેસ ચાર્જિંગ ટેકનોલોજી દ્વારા કરવામાં આવશે. યૂઝર્સને તેની ચા અથવા કોફી ગરમ રાખવા માટે ફક્ત વાયરલેસ ચાર્જિંગ પેડની ઉપર રાખવાની જરૂર છે. શાઓમીનું કહેવું છે કે તે ટ્રેડિશનલ વાયર્ડ હીટિંગ હાઇટેક છે અને તેનાથી વધુ સુરક્ષિત છે.
એવું કહેવામાં આવે છે કે આ ગરમ કપ સિરામિકથી બનેલો છે અને તે સંપૂર્ણપણે વોટરપ્રૂફ છે. જણાવી દઇએ કે, આ વાયરલેસ વોર્મ કપને બાકીનાં સામાન્ય કપની જેમ સાફ કરી શકાય છે. સૌથી અગત્યની બાબત એ છે કે જ્યારે તમે વાયરલેસ ચાર્જિંગ પેડનો ઉપયોગ કરી રહ્યાં નથી, ત્યારે તમે તેનો ઉપયોગ શાઓમી ફોનને ચાર્જ કરવા માટે કરી શકો છો.
જો તમે તમારા સ્માર્ટફોનને કપનાં ચાર્જિંગ પેડ પર મુકો છો તો તે ચાર્જ થઇ જશે. આ પેડ શાઓમી, સેમસંગ, એપલ અને ઘણી અન્ય સ્માર્ટફોન બ્રાન્ડને સપોર્ટ કરે છે. પરંતુ ધ્યાનમાં રાખો કે તમારો ફોન વાયરલેસ ચાર્જિંગને પણ સપોર્ટ કરે છે, તો જ તમે તેના પર તમારા ફોનને ચાર્જ કરી શકશો. જો તમે આ ગરમ કપ ખરીદવા માંગો છો, તો તમે તેને શાઓમીનાં સેલમાં ખરીદી શકો છો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.