પૂર્વ દિગ્ગજ પાકિસ્તાની ક્રિકેટર વસીમ અકરમ હાવમાં સતત પાકિસ્તાની ક્રિકેટરો પર નિશાન સાધવાને કારણે ચર્ચામાં છે. વર્લ્ડ કપ 2023 દરમિયાન પોતાના નિવેદનોને કારણે સમાચારમાં હતો, ત્યારે તેનો એક ઈન્ટરવ્યુ વીડિયો સામે આવ્યો હતો જેમાં તે ચોધાર આંસુએ રડતા જોવા મળ્યા હતા. જેમ જેમ આ વીડિયો વાયરલ થવા લાગ્યો, ત્યારે પાકિસ્તાનના ક્રિકેટ ચાહકો ચોક્કસપણે જાણવા માટે ઉત્સુક હશે કે શું થયું.
વસીમ અકરમ કેમ રડતા જોવા મળ્યા?
હાલમાં વસીમ અકરમ તેની બીજી પત્ની શિનેરિયા અકરમ સાથે છે. શિનેરિયા એક ઓસ્ટ્રેલિયન સામાજિક કાર્યકર છે જેણે 2013માં પૂર્વ પાકિસ્તાની દિગ્ગજ સાથે લગ્ન કર્યા હતા. પરંતુ આ પહેલા પણ વસીમ પરિણીત હતો અને તેની પહેલી પત્ની હુમા હતી.
જોકે, હુમાનું મૃત્યુ 2009માં થયું હતું. તે વસીમ અકરમની પ્રથમ પત્ની હતી. પાકિસ્તાની ચેનલ એ સ્પોર્ટ્સ પર એક ઇન્ટરવ્યુ દરમિયાન, હોસ્ટ ફખર-એ-આલમે વસીમને તેના વિશે એક પ્રશ્ન પૂછ્યો. આ પછી વસીમ અકરમે હુમા સાથેની તેની પહેલી મુલાકાતથી લઈને તેની અંતિમ ક્ષણો સુધીની આખી વાર્તા સંભળાવી.
વસીમ અકરમે જણાવ્યું કે જ્યારે હુમા 18 વર્ષની હતી અને અકરમ પણ 20-21 વર્ષનો હતો ત્યારે બંને પહેલીવાર ક્લિફ્ટનમાં મળ્યા હતા. ત્યાંથી તેમની નિકટતા વધી અને ત્યારબાદ હુમા 1992ના વર્લ્ડ કપ દરમિયાન ઓસ્ટ્રેલિયા પહોંચી. આ રીતે તેમની લવ સ્ટોરી શરૂ થઈ. આ પ્રેમની શરૂઆત હતી. ત્યારબાદ 2009માં જ્યારે અકરમ IPLમાં KKR સાથે જોડાયા બાદ દક્ષિણ આફ્રિકા ગયો હતો. એ પછી જ હુમાની તબિયત બગડી. આખરે ચેન્નાઈમાં લાંબી સારવાર દરમિયાન વસીમ અકરમની પહેલી પત્નીનું અવસાન થયું. પોતાની સમસ્યાઓ અને હુમાની અંતિમ ક્ષણો જણાવતા અકરમ ભાવુક થઈ ગયો અને રડવા લાગ્યા હતા.
આ પણ વાંચો: Amit Shah-Sardar/ સરદાર વલ્લભભાઈ પટેલની જન્મજયંતિ પર એકતાના શપથ લેવડાવતા ગૃહપ્રધાન
આ પણ વાંચો: National Unity Day/ PM મોદી સરદાર જયંતીના અવસર પર ‘મેરા યુવા ભારત’ લોન્ચ કરશે
આ પણ વાંચો: National Unity Day/ અમદાવાદમાં CM ભૂપેન્દ્ર પટેલે ‘રન ફોર યુનિટી’નું કરાવ્યું પ્રસ્થાન
