Cosmetics Treatment: મુંબઈમાં બે દિવસ અગાઉ મોડેલ અને અભિનેત્રી ‘કાંટાલગા’ ફેમ શેફાલી જરીવાલાનું કાર્ડિઆક અરેસ્ટથી મોત થયું હોવાનું ચર્ચાઈ રહ્યું છે. 28 જૂનનાં રોજ રાત્રે અંતિમ શ્વાસ લેનારી અભિનેત્રીનાં મોતથી ફિલ્મ ઈન્ડસ્ટ્રી, ફેશન ઈન્ડસ્ટ્રીનાં લોકો તેનાં અકાળ મૃત્યુથી ચોંકી ઉઠ્યાં છે. કહેવાઈ રહ્યું છે કે શેફાલી જરીવાલા સુંદરતા જાળવી રાખવા ઘણાં વર્ષોથી એન્ટી એજીંગ દવાઓ લેતી હતી. તેમજ અન્ય કોસ્મેટિક્સ ટ્રીટમેન્ટનો પણ ઉપયોગ કરી હતી કે શું, તેમજ બીજા કોઈ કારણોસર મોત થયું છે તે દિશામાં પોલીસે ફોરેન્સિક ટીમ સાથે મળી તપાસનાં ચક્રો ગતિમાન કર્યા છે. પરંતુ શું સુંદરતા જાળવી રાખવા લેવામાં આવતી દવાઓ, ઈન્જેક્શન કે અન્ય બોટોક્સ જેવી સર્જરી કરાવવાથી શું જીવનું જોખમ ઊભું થાય છે? ફિલ્મ ઈન્ડસ્ટ્રીની અભિનેત્રીઓ આ મામલે શું કહે છે? સુંદરતા ઘેલી માનુનીઓ જેનો બહોળા પ્રમાણમાં ઉપયોગ કરે છે તે બોટોક્સ, ફિલર્સ અને કોસ્મેટિક સર્જરી શું છે?
બોટોક્સ: બોટોક્સ (ક્લોસ્ટ્રિડિયમ બોટ્યુલિનમ) નામના બેક્ટેરિયમ દ્વારા ઉત્પાદિત ઝેર પર આધારિત દવાનું વ્યાપારી નામ છે જે ગંભીર ખોરાક ઝેર (બોટ્યુલિઝમ)નું કારણ બને છે. જ્યારે સ્થાનિક રીતે ઓછી માત્રામાં ઇન્જેક્ટ કરવામાં આવે છે, ત્યારે બોટોક્સ ન્યુરોટ્રાન્સમીટર એસિટિલકોલાઇનના પ્રકાશનને અવરોધે છે, જે સ્નાયુઓની સંકોચન કરવાની ક્ષમતામાં દખલ કરે છે. તેનો ઉપયોગ સ્નાયુઓમાં તીવ્ર ખેંચાણ અથવા તીવ્ર, અનિયંત્રિત પરસેવાની સારવાર માટે થાય છે. ચહેરાની કરચલીઓની સારવાર માટે કોસ્મેટિક હેતુઓ માટે પણ બોટોક્સનો ઉપયોગ કરી શકાય છે. પરિણામો ઇન્જેક્શન પછી લગભગ ત્રણ થી સાત દિવસ પછી દેખાય છે અને ઈન્જેક્શન કઈ સ્થિતિની સારવાર માટે બનાવાયેલ છે તેના આધારે બે મહિનાથી છ મહિનાથી વધુ સમય સુધી ટકી શકે છે.
ફિલર્સ: ડર્મલ ફિલર્સ એ હાયલ્યુરોનિક એસિડ બેઝવાળા જેલ છે, જેને તમારા ચહેરાના ચોક્કસ વિસ્તારોમાં ઇન્જેક્ટ કરી શકાય છે જેથી કરચલીઓ ઘણાં અંશે દૂર કરી શકાય છે, ઊંડા ડાઘ જતા રહે છે અથવા તમારા ચહેરાના ચોક્કસ ભાગોનો આકાર બિન-સર્જિકલ રીતે બદલી શકાય. હાયલ્યુરોનિક એસિડ એ શરીરમાં કુદરતી રીતે જોવા મળતો પદાર્થ છે, અને સમય જતાં ડર્મલ ફિલર સામાન્ય શરીર પ્રક્રિયાઓ દ્વારા તૂટી જાય છે.
કોસ્મેટિક સર્જરી: સૌંદર્યલક્ષી અથવા કોસ્મેટિક શસ્ત્રક્રિયા એ શરીરનાં અંગોને સુંદર આકાર આપવામાં મદદ કરે છે, જે વય-સંબંધિત ફેરફારોને આધિન હોય છે અથવા જેમાં અસામાન્ય લક્ષણો હોય છેયઆ સમસ્યાઓના ઉકેલ માટે ઉપયોગમાં લેવાતી પ્રક્રિયાઓ ઘણીવાર હોસ્પિટલમાં કરવામાં આવે છે.
આડઅસર શું હોઈ શકે?
બોટોક્સ: ચહેરાના ભાગોમાં અસમાન દેખાવ, સ્નાયુઓનું વધુ પેરાલિસિસ, એલર્જિક રિએક્શન, હેડએક, બ્રુઇઝિંગ, ટેમ્પરરી ડ્રોપી આઇલિડ.
ફિલર્સ: ચામડી નીચે ગાંઠ, ઈન્ફેક્શન, એલર્જી, અસમાન સ્વરૂપ, બ્લડ ક્લોટ્સ, ક્લોગ્ડ બ્લડ વહિની.
કોસ્મેટિક સર્જરી: ઈન્ફેક્શન, સ્કારિંગ, બ્લીડિંગ, એનસ્થેસિયાની જટિલતા, અસંતોષકારક પરિણામ, ફરીથી સર્જરીની જરૂર.
સાવચેતી શું રાખવી?
•સર્ટિફાઇડ અને અનુભવી ડોક્ટર કે ડર્મેટોલોજિસ્ટ પાસેથી જ કરાવવું.
•કોઈ પણ પ્રોડક્ટ કે સર્જરી પહેલાં એલર્જી ટેસ્ટ કરાવવું.
•અપેક્ષાઓ વાસ્તવિક રાખવી — દરેકનું શરીર અલગ પ્રતિક્રિયા આપે છે.
•સર્જરી પછી કાળજી ખૂબ જરૂરી છે.
બોલિવૂડમાં કોસ્મેટિક સર્જરી, બોટોક્સ, ફિલર્સ
બોલિવૂડમાં ઘણાં કલાકારો પોતાના દેખાવને જેવો છે તેવો જાળવી રાખવા માટે બોટોક્સ, ફિલર્સ કે કોસ્મેટિક સર્જરીનો સહારો લે છે. ઘણા લોકો સ્વયં આ વાત સ્વીકારી છે, જ્યારે કેટલીકવાર આંખે ઉડીને વળગે તેવું દેખાય છે.
View this post on Instagram
જેણે ખુલ્લેઆમ સ્વીકાર્યું છે
શ્રુતિ હસન — Rhinoplasty (નાકની સર્જરી) વિશે ખુદ બોલી છે.
અનુષ્કા શર્મા — હોઠના ફેરફાર (Lip Fillers)ની ચર્ચા ખૂબ થઈ હતી, તેમણે એકવાર કહ્યું કે તેમણે પોતાના લૂક સાથે પ્રયોગ કર્યો છે.
કોયના મિત્રા — Nose Job વિશે ખુલ્લેઆમ સ્વીકાર્યું, પછી સારી સર્જરી પણ કરાવી.
આયેશા ટાકિયા — તેમના હોઠો અને ચહેરાના ફેરફારો વિશે સ્પષ્ટ અલગોતાની ચર્ચા થઈ.
શિલ્પા શેટ્ટી — નાકની સર્જરી (Rhinoplasty) થોડા વર્ષ પહેલા ખુલ્લી થઈ.
વિધાનતા કપૂર — ભરાવદાર હોઠ અને ચહેરાના ફેરફારને લઇને ચર્ચાઓ થયા.
જેનાં વિશે ચર્ચા હોય છે (પણ ઓફિશિયલ નથી)
•કરિશ્મા કપૂર, કરિના કપૂર, કેટરીના કૈફ, પ્રિયંકા ચોપરા — ઘણા લોકોએ નાકને સુંદર બનાવવા, બોટોક્સ, ફિલર્સનો સહારો લીધો હોવાનો અંદાજ લગાવ્યો છે.
•માલાઇકા અરોરા, જાહ્નવી કપૂર, મલાઇકા શેરાવત, સારા અલી ખાન — લિપ ફિલર્સ, ચીન ફિલર્સ, ફેસ કન્ટૂરિંગ વગેરે વિશે ઘણી ગોસિપ અને (પહેલા અને પછીનાં ફોટા) વાયરલ થાય છે.
મુખ્ય મુદ્દો એ છે કે ફિલ્મ ઇન્ડસ્ટ્રીમાં સારો દેખાવ ખૂબ મહત્વનો ગણાય છે. આ મામલે ગળાકાપ સ્પર્ધાત્મક વાતાવરણ હંમેશા જોવા મળ્યું છે. તેથી આ ટ્રીટમેન્ટ કરાવવી સામાન્ય છે. ઘણીવાર સ્ટાર કલાકારો ખુદ ખુલ્લેઆમ વાત કરે છે, ઘણીવાર ચુપચાપ કરે છે.
શ્રુતિ હસન
•ક્યાં બદલાવ: Rhinoplasty (નાકની સર્જરી)
•શ્રુતિનો જવાબ: “હું સર્જરીને સપોર્ટ કરું છું. એ મારા જીવનની અંગત પસંદ છે. હું મારા શરીર પર કામ કરાવવાનું ખોટું નથી માનતી.”
અનુષ્કા શર્મા
•ક્યાં બદલાવ: હોઠના ફિલર્સ
•ઉદાહરણ: 2014માં ‘બોમ્બે વેલ્વેટ’ વખતે લિપ બદલાવને લઈ ટ્રોલિંગ થયું. અનુષ્કાએ સામેથી કહ્યું, “હું એનાથી છુપાવતી નથી, હોઠને સુંદર બનાવવા એ કામચલાઉ ટ્રીટમેન્ટ હતી.”
કોયના મિત્રા
•ક્યાં બદલાવ: Nose Job (Rhinoplasty) નાકને સુંદર આકાર આપવો
•કોયનાનો ખુલાસો: Nose Job પછી સ્કિન ડેમેજ થઈ અને ફરીથી સર્જરી કરાવવી પડી. તેને બહાદુર બનીને કહ્યું — “તે એક આપત્તિ હતી, પણ મેં તેનો સામનો કર્યો.”
શિલ્પા શેટ્ટી
•ક્યાં બદલાવ: Rhinoplasty
•શિલ્પાનું માનવું: શિલ્પા શેટ્ટીએ ઈન્ટરવ્યૂમાં કહ્યું હતું કે “મારું નાક પહોળું હતું, હું ખુશ ન હતી. મોડેલિંગ કારકિર્દી પછી નાકની સર્જરીએ મને મદદ કરી.”
આયેશા ટાકિયા
•ક્યાં બદલાવ: હોઠને આકાર આપવો, ભરાવદાર ગાલ
•પહેલા-પછીનાં ફોટો: સોશિયલ મીડિયામાં ફોટો વાયરલ થયા, સવાલ પૂછતાં ટ્રોલનો કોઈ જવાબ આપ્યો નહીં.
કેટરીના કૈફ (અફવા)
•ક્યાં બદલાવ: હોઠ, નાક (ક્યારેય ખુલ્લેઆમ કબૂલ્યું નથી)
•પહેલા-પછીનાં ફોટો પરથી ફેન્સએ સહેરા પર કેટલાક બદલાવ જોયા.
મલાઇકા અરોરા, જાહ્નવી કપૂર, સારા અલી ખાન (અફવા): કોઈ અભિનેત્રીએ કોસ્મેટિક્સનો સહારો લીધો છે તેવું જણાવ્યું નથી. બોલિવૂડમાં ચહેરાની સુંદરતા જાળવી કરવા માટે બોટોક્સ, ફિલર્સ, નાક, હોઠ, ચહેરાને શેપ આપવો એ સામાન્ય વાત છે. જોકે, હવે અભિનેત્રીઓ ખુલ્લેઆમ વધતી જવાથી ઘણા સેલિબ્રિટી હવે ખૂલીને સર્જરી કર્યાનું સ્વીકારે છે.
