How to stay safe from WhatsApp scams: આજના ડિજિટલ યુગમાં વોટ્સએપ (WhatsApp) આપણા જીવનનો અનિવાર્ય ભાગ બની ગયું છે, પરંતુ તેની વધતી લોકપ્રિયતાની સાથે સાયબર ગુનેગારો પણ સક્રિય થયા છે. છેલ્લા કેટલાક સમયથી ઇન્ટરનેશનલ અને અજાણ્યા નંબરો પરથી કોલ્સ આવવાનું પ્રમાણ ચિંતાજનક રીતે વધ્યું છે. આ કોલ્સ માત્ર હેરાનગતિ જ નથી, પરંતુ સાયબર ઠગી (Cyber Fraud), ડેટા ચોરી અથવા બ્લેકમેલિંગ જેવા ગંભીર ગુનાઓનું કારણ પણ બની શકે છે.

અજાણ્યા કોલ્સ કેમ ખતરનાક છે?

ઘણીવાર સાયબર ગુનેગારો વિદેશી નંબરો પરથી કોલ કરીને લોકોને લોભામણી ઓફરો આપે છે અથવા ડરાવી-ધમકાવીને પૈસા પડાવવાનો પ્રયાસ કરે છે. આ જોખમને ધ્યાનમાં રાખીને WhatsApp ‘Silence Unknown Callers’ (સાયલન્સ અનનોન કોલર્સ) નામનું એક શક્તિશાળી ફીચર રજૂ કર્યું છે, જે તમને આવા શંકાસ્પદ કોલ્સથી બચાવશે.

WhatsApp માં આ રીતે સેટિંગ ઓન કરો :

તમારા વોટ્સએપ પર પ્રાઈવસી મજબૂત કરવા માટે નીચેના સરળ સ્ટેપ્સ ફોલો કરો:

વોટ્સએપ ઓપન કરો: સૌથી પહેલા તમારું વોટ્સએપ ઓપન કરી ઉપરના જમણા ખૂણે આપેલા ત્રણ ડોટ્સ પર ક્લિક કરો.

સેટિંગ્સમાં જાઓ: હવે સેટિંગ્સના વિકલ્પમાં જઈને ‘પ્રાઈવસી’ (Privacy) પર ટેપ કરો.

કોલ્સ ઓપ્શન પસંદ કરો: પ્રાઈવસી સેટિંગ્સમાં નીચે સ્ક્રોલ કરતા તમને ‘કોલ્સ’ (Calls) નો વિકલ્પ દેખાશે.

ફીચર ઓન કરો: તેમાં ગયા પછી ‘Silence Unknown Callers’ ના ઓપ્શનને ‘ON’ કરી દો.

આ સેટિંગ ઓન કરવાથી તમારા કોન્ટેક્ટ લિસ્ટમાં ન હોય તેવા નંબર પરથી આવતા કોલ વાગશે નહીં, તે આપમેળે સાયલન્ટ થઈ જશે. જોકે, તમે તમારા ‘કોલ લોગ’ માં જોઈ શકશો કે કોણે કોલ કર્યો હતો, જેથી જો કોઈ જરૂરી વ્યક્તિ હોય તો તમે વળતો કોલ કરી શકો.

સુરક્ષા માટે આ વાતોનું પણ રાખો ખાસ ધ્યાન:

વિગતો શેર ન કરો: કોઈ પણ અજાણ્યા નંબર પર તમારી બેંક વિગતો, પાસવર્ડ કે OTP ક્યારેય શેર ન કરો.

શંકાસ્પદ લિંક્સ: અજાણ્યા નંબર પરથી આવેલી કોઈ પણ લિંક પર ક્લિક કરવાનું ટાળો, તે તમારા ફોનને હેક કરી શકે છે.

બ્લોક અને રિપોર્ટ: જો કોઈ શંકાસ્પદ નંબર પરથી વારંવાર કોલ આવે, તો તેને તુરંત ‘બ્લોક અને રિપોર્ટ’ (Block and Report) કરો.

અપડેટ રહો: હંમેશા વોટ્સએપનું (WhatsApp)લેટેસ્ટ વર્ઝન વાપરવાનો આગ્રહ રાખો, કારણ કે તેમાં લેટેસ્ટ સિક્યોરિટી પેચ હોય છે.

આ પણ વાંચો:હવે બાળકોના WhatsApp પર રહેશે માતા-પિતાનો કંટ્રોલ! આવી રહ્યું છે ‘Parent-Managed Accounts’ ફીચર

આ પણ વાંચો: સિમ વગર ચાલતા WhatsApp-Telegram પર લાગશે રોક! સાયબર ક્રાઈમ રોકવા સરકારનો કડક નિયમ

આ પણ વાંચો: એક લિંક, એક નંબર અને આખું WhatsApp એકાઉન્ટ હેક! CERT-In ની મોટી ચેતવણી