ભારત સહિત વિશ્વના અનેક દેશોમાં લોકપ્રિય મેસેજિંગ પ્લેટફોર્મ વોટ્સએપના (WhatsApp )ગ્રાહકો માટે એક ચિંતાજનક સમાચાર સામે આવ્યા છે. અસંખ્ય યુઝર્સના એકાઉન્ટ કોઈ પણ પૂર્વ ચેતવણી (Warning)વગર અચાનક 24 કલાક માટે સસ્પેન્ડ કે “અંડર રિવ્યૂ” (Under Review) થઈ રહ્યા છે. જેના કારણે હજારો લોકોને ભારે હાલાકીનો સામનો કરવો પડી રહ્યો છે.
અચાનક ‘એકાઉન્ટ અંડર રિવ્યૂ’ નો મેસેજ અને સુવિધાઓ ઠપ્પ
અચાનક જ યુઝર્સ (Users)ને સ્ક્રીન પર એકાઉન્ટ (Account)રિવ્યૂમાં હોવાનો મેસેજ દેખાવા લાગે છે, જેના લીધે આખી સિસ્ટમ અટકી જાય છે . આ મેસેજ આવ્યા બાદ યુઝર્સ ચેટિંગ, વોઈસ કે વિડીયો કોલિંગ જેવી કોઈપણ સુવિધાનો ઉપયોગ કરી શકતા નથી. ચોંકાવનારી વાત એ છે કે, જે લોકોએ કોઈ સ્પેમ મેસેજ મોકલ્યા નથી અથવા કોઈપણ પ્રકારની થર્ડ-પાર્ટી એપનો ઉપયોગ કર્યો નથી, તેઓ પણ આ ટેકનિકલ સમસ્યાનો ભોગ બની રહ્યા છે.
જો તમારું એકાઉન્ટ રિવ્યૂમાં જાય તો શું કરવું?
જો તમને પણ વોટ્સએપ પર આવો મેસેજ દેખાય, તો ગભરાવાને બદલે આટલી બાબતોનું ખાસ ધ્યાન રાખવું જોઈએ
ઓફિશિયલ એપનો જ ઉપયોગ: હંમેશા ગૂગલ પ્લે સ્ટોર કે એપલ એપ સ્ટોર પરથી ડાઉનલોડ કરેલી ઓફિશિયલ વોટ્સએપ એપનો જ ઉપયોગ કરો. GB WhatsApp કે YoWhatsApp જેવી મોડિફાઈડ એપ્સ વાપરવાનું ટાળો.
રિવ્યૂ રિક્વેસ્ટ મોકલો: જો સ્ક્રીન પર ‘Request a Review’ નું બટન દેખાય, તો તેના પર ક્લિક કરીને તમારી વિનંતી સબમિટ કરો.
ધૈર્ય રાખો: ચકાસણી પ્રક્રિયા પૂર્ણ થવામાં 24 કલાક સુધીનો સમય લાગી શકે છે, માટે રાહ જોવી જરૂરી છે.
મેટાએ કન્ફર્મ કરી સમસ્યા; ભૂલથી એકાઉન્ટ બ્લોક થયાની કબૂલાત
આ સમગ્ર મામલે વોટ્સએપની પેરેન્ટ કંપની મેટા (Meta) નું અધિકૃત નિવેદન પણ સામે આવ્યું છે કંપનીના જણાવ્યા મુજબ, પ્લેટફોર્મને સુરક્ષિત રાખવા માટે તેમની ઓટોમેટેડ સિક્યોરિટી સિસ્ટમ શંકાસ્પદ પ્રવૃત્તિઓ પર સતત નજર રાખે છે. મેટાએ સ્વીકાર્યું છે કે ઓટોમેશન સિસ્ટમની ભૂલને કારણે કેટલાક નિર્દોષ યુઝર્સના એકાઉન્ટ પણ બ્લોક થઈ ગયા છે. કંપનીએ આશ્વાસન આપ્યું છે કે જેમના એકાઉન્ટ ભૂલથી રિવ્યૂમાં ગયા છે, તેમના સેટિંગ્સ સુધારીને વહેલી તકે સેવાઓ પૂર્વવત કરી દેવામાં આવશે.
આ પણ વાંચો :TRAIની નવી MyCall એપ લોન્ચ: હવે કોલ પૂરો થતાં જ આપો રિયલ-ટાઇમ ફીડબેક, નેટવર્ક સુધારવામાં મળશે મદદ
આ પણ વાંચો :ગુજરાતમાં વાહન ટ્રાન્સફર અને NOC માટે આધાર લિંકિંગ ફરજિયાત: જાણો RTO ના નવા નિયમો અને ઓનલાઇન પ્રોસેસ
આ પણ વાંચો :મોબાઈલ નંબર વગર કરો વાત! જાણો વોટ્સએપના નવા ફીચરના ફાયદા
