Narmada News : SIRની કામગીરી હાલ ચુંટણી પંચ દ્વારા પૂરજોશ મા ચાલી રહી છે.જેમાં BLO દ્વારા કામગીરીના ભારણને લઇ વિરોધ ઉઠી રહ્યો છે. ક્યાંક બીએલઓની કામગીરી કરતા શિક્ષકોને આપઘાત કે હાર્ટએટેકના બનાવો બની રહ્યા છે. આ દરમિયાન રાજ્ય સરકારના મંત્રી દ્વારા ચોંકાવનારૂ નિવેદન આપવામાં આવ્યું છે. કોઈપણ હોય કામ તો કરવુ જ પડે, એમ મંત્રી ઈશ્વર પટેલે કહ્યું હતું.
નર્મદા જિલ્લામાં સંકલનની બેઠક યોજાઈ હતી. રાજ્ય સરકારના મંત્રી ઈશ્વર પટેલ પણ આ બેઠકમાં હાજર રહ્યા હતાં. તેમણે આગેવાનો અને અધિકારીઓ સાથે વિવિધ કામોને લઈને ચર્ચાઓ કરી હતી. ત્યાર બાદ , BLO હોય કે આપણે બધા હોય કામ તો કરવું જ પડે,એમ મીડિયા સામે તેમણે કહ્યું હતું .સમય મર્યાદામાં કામ કરવાનું હોય તો કરવું જ પડે. હજુ પણ કામ ધીમી ગતિએ ચાલી રહ્યું છે.
BLOની કામગીરીમાં હાર્ટ એટેક અને આપઘાતના બનાવો બાદ મંત્રીએ આ પ્રકારનું નિવેદન આપતા અનેક સવાલો ઉભા થયાં છે. કોંગ્રેસે તેમના આ નિવેદનને અશોભનિય ગણાવ્યું છે. હાલમાં બીએલઓની કામગીરી બાબતે પણ કર્મચારીઓમાં રોષ ફેલાયો છે.
