વર્લ્ડ હેલ્થ ઓર્ગેનાઈઝેશને સોમવારે બીજી મેલેરિયાની રસી અધિકૃત કરી છે, એક નિર્ણય જે દેશોને પરોપજીવી રોગ સામે વિશ્વના પ્રથમ શોટ કરતાં સસ્તો અને વધુ અસરકારક વિકલ્પ પ્રદાન કરી શકે છે. ડબ્લ્યુએચઓના ડાયરેક્ટર જનરલ ટેડ્રોસ એડહાનોમ ઘેબ્રેયેસસે જણાવ્યું હતું કે યુએન આરોગ્ય એજન્સી બે નિષ્ણાત જૂથોની સલાહના આધારે નવી મેલેરિયા રસી મંજૂરી આપી છે જેણે રોગના જોખમમાં બાળકોમાં તેનો ઉપયોગ કરવાની ભલામણ કરી હતી.બાળકોમાં મેલેરિયાના નિવારણ માટે WHO દ્વારા ભલામણ કરાયેલ નવી રસીનું નામ R21/Matrix-M છે. 25-29 સપ્ટેમ્બરના રોજ યોજાયેલી તેમની દ્વિવાર્ષિક બેઠક બાદ ઇમ્યુનાઇઝેશન પરના નિષ્ણાતોના વ્યૂહાત્મક સલાહકાર જૂથ (SAGE), મેલેરિયા નીતિ સલાહકાર જૂથ (MPAG) અને WHO ડિરેક્ટર-જનરલ દ્વારા તેનું સમર્થન કરવામાં આવ્યું હતું. કહેવામાં આવી રહ્યું છે કે આ રસી આવતા વર્ષે બજારમાં ઉપલબ્ધ થશે
Media briefing with @DrTedros and Strategic Advisory Group of Experts on Immunization https://t.co/nuESWir9Wp
— World Health Organization (WHO) (@WHO) October 2, 2023
નવી R21/Matrix-M રસી ઓક્સફોર્ડ યુનિવર્સિટી દ્વારા વિકસિત અને સીરમ ઇન્સ્ટિટ્યૂટ ઓફ ઇન્ડિયા દ્વારા ઉત્પાદિત છે, તેને ત્રણ આફ્રિકન દેશોમાં ઉપયોગ માટે પહેલેથી જ મંજૂરી આપવામાં આવી છે. એક ડોઝની કિંમત $2 અને $4ની વચ્ચે હશે એટલે કે અંદાજે રૂ. 166 થી 335 રૂપિયા હશે.
ઉલ્લેખનીય છે કે ઓક્સફર્ડ યુનિવર્સિટીએ સીરમ ઈન્સ્ટિટ્યૂટ ઓફ ઈન્ડિયાની મદદથી ત્રણ ડોઝની નવી રસી વિકસાવી છે. સંશોધન દર્શાવે છે કે તે 75% થી વધુ અસરકારક છે અને બૂસ્ટર સાથે ઓછામાં ઓછા બીજા વર્ષ સુધી રક્ષણ રહે છે. ટેડ્રોસે કહ્યું કે આ શોટની કિંમત લગભગ $2 થી $4 હશે અને તે આવતા વર્ષે કેટલાક દેશોમાં ઉપલબ્ધ થઈ શકે છે.
