હાલમાં જ અર્જુન કપૂરનો 37મો જન્મદિવસ હતો. જેના માટે તે તેની ગર્લફ્રેન્ડ મલાઈકા અરોરા સાથે પેરિસ ગયો હતો. ત્યારથી બંને ત્યાં રજાઓ માણી રહ્યાં છે, સાથે જ તેમની ખાસ પળોને સોશિયલ મીડિયા દ્વારા શેર કરી રહ્યાં છે. આ દરમિયાન બંનેએ દીપિકા પાદુકોણનો એક વીડિયો શેર કર્યો છે અને તેના પર ગર્વ વ્યક્ત કર્યો છે.
હકીકતમાં મલાઈકા અરોરા અને અર્જુન કપૂરે પેરિસ એરપોર્ટ પર એક હોર્ડિંગ જોયું, જેમાં દીપિકા પાદુકોણનો વીડિયો ચાલી રહ્યો હતો. પેરિસમાં દીપિકાનું પર્ફોર્મન્સ જોઈને અર્જુન-મલાઈકા પોતાને રોકી ન શક્યા અને તેનો એક વીડિયો બનાવીને તેની ઈન્સ્ટાગ્રામ સ્ટોરી પર શેર કર્યો અને દીપિકાના વખાણ કર્યા.
વીડિયો શેર કરતી વખતે અર્જુને લખ્યું- ‘દેશી ટચ ટુ ફોરેન હોલિડે. પેરિસ એરપોર્ટ પર જોઈને ખૂબ જ ગર્વ છે.” સાથે જ મલાઈકાએ લખ્યું- ‘ખૂબ સારું’ અને સાથે જ તેણે દીપિકાને ગાઈડ પણ કહી.
તાજેતરમાં જ દીપિકાને કાન્સ 2022માં આંતરરાષ્ટ્રીય સ્તરે ઓળખ મળી હતી, જ્યાં તેણે ભારતનું પ્રતિનિધિત્વ કર્યું હતું, ત્યારબાદ અભિનેત્રીએ ઘણી હેડલાઈન્સ બનાવી હતી. દીપિકાના વર્ક ફ્રન્ટ વિશે વાત કરીએ, તો તે આ દિવસોમાં શાહરૂખની આગામી ફિલ્મ પઠાણમાં વ્યસ્ત છે. તેની ફિલ્મ વર્ષ 2023માં રિલીઝ થશે.
