Washington News: ટેસ્લા (Tesla) અને એક્સ (X)ના માલિક એલોન મસ્ક (Elon Musk) અને યુએસ પ્રમુખ ડોનાલ્ડ ટ્રમ્પ (Donald Trump) વચ્ચેનો વિવાદ વધી રહ્યો છે. મસ્કે જેફરી એપસ્ટેઇન ફાઇલ્સ (Jeffrey Epstein Files) નામનો બોમ્બ ફેંકીને ટ્રમ્પ પર હુમલો કર્યો છે. ત્યારબાદ અમેરિકા સહિત સમગ્ર વિશ્વમાં જેફરી એપસ્ટેઇન (Jeffrey Epstein)ની ચર્ચા શરૂ થઈ ગઈ છે. મસ્કના તાજેતરના નિવેદનોથી ટ્રમ્પના એપસ્ટેઇન સાથેના ભૂતકાળના સંબંધો પર જાહેર ચર્ચા ફરી શરૂ થઈ છે અને એપસ્ટેઇનના નેટવર્ક અને સંભવિત રીતે સંકળાયેલા ઉચ્ચ-પ્રોફાઇલ વ્યક્તિઓ વિશે સંપૂર્ણ પારદર્શિતાની લાંબા સમયથી ચાલતી માંગ ફરી ઉઠવા લાગી છે.
મસ્કે X પર એક પોસ્ટમાં લખ્યું હતું કે હવે વાસ્તવિક બોમ્બ ફેંકવાનો સમય આવી ગયો છે. ડોનાલ્ડ ટ્રમ્પનું નામ એપ્સટિન (Jeffrey Epstein) ફાઇલોમાં નોંધાયેલું છે. તેથી જ આ ફાઇલો ક્યારેય જાહેર કરવામાં આવી ન હતી. આ પછી, તેમણે કટાક્ષમાં લખ્યું હતું કે ડોનાલ્ડ ટ્રમ્પ, શુભ દિવસ. એપ્સટિનના નામ પછી, આ જેફરી એપ્સટિન કોણ છે અને ટ્રમ્પ સાથે તેનો શું સંબંધ છે તે અંગે ચર્ચા વધી ગઈ છે.
જેફરી એપ્સ્ટેઇન કોણ હતા?
ડોનાલ્ડ ટ્રમ્પ અને જેફરી એપ્સ્ટેઈન (Jeffrey Epstein)ના સંબંધો 1980 અને 1990 ના દાયકાના છે, જ્યારે બંને પામ બીચ, ફ્લોરિડા અને ન્યુ યોર્ક શહેરના ઉચ્ચ વર્ગના લોકોમાં સામાજિક રીતે જાણીતા હતા. તેઓ સાથે સામાજિક કાર્યક્રમોમાં હાજરી આપતા હતા. જેફરી એપ્સ્ટેઈન (Jeffrey Epstein) એક અબજોપતિ અને કુખ્યાત ફાઇનાન્સર હતા, જેમના પર સગીર છોકરીઓના જાતીય શોષણ (Child sex offender) અને માનવ તસ્કરી (Human Trafficking) જેવા ગંભીર ગુનાઓનો આરોપ હતો.
તે જ સમયે, 2019 માં એપ્સટિનની ધરપકડ પછી, તેનું જેલમાં શંકાસ્પદ સંજોગોમાં મૃત્યુ થયું. જેફરીની સંપર્ક સૂચિને એપ્સટિન ફાઇલ્સ કહેવામાં આવે છે, જે લાંબા સમયથી કોર્ટ દ્વારા સીલ કરવામાં આવી છે. મસ્કે આ ફાઇલને જાહેર કરવાની માંગ કરી છે. અમેરિકામાં એપ્સટિનના ગ્રાહકોની સૂચિ એટલે કે તેમના હાઇ-પ્રોફાઇલ ગ્રાહકોની સૂચિ અંગે સતત ચર્ચા ચાલી રહી છે. આ ફાઇલોમાં ડઝનબંધ પ્રભાવશાળી વ્યક્તિઓના નામ હોવાનું કહેવાય છે, જેમાં રાજકારણીઓ, ઉદ્યોગપતિઓ અને હોલીવુડ સ્ટાર્સનો સમાવેશ થઈ શકે છે.
ટ્રમ્પે મિત્રતા સ્વીકારી હતી
2002માં એક ઇન્ટરવ્યુમાં ટ્રમ્પે કહ્યું હતું કે, “હું જેફને 15 વર્ષથી ઓળખું છું. તે એક અદ્ભુત વ્યક્તિ છે, તેની સાથે રહેવાની ખૂબ જ મજા આવે છે. એવું પણ કહેવાય છે કે તેને મારા જેટલી જ સુંદર સ્ત્રીઓ ગમે છે, અને તેમાંની ઘણી યુવતીઓ છે.”
આ પણ વાંચો:પૂર્વ અમેરિકી રાષ્ટ્રપતિ જો બિડેનનું મૃત્યુ 2020માં જ થયું હતું: ડોનાલ્ડ ટ્રમ્પ
