Health News: ઘણીવાર આપણે શરીરના અંગોમાં દુ:ખાવો (Body pain) અનુભવીએ છીએ. ક્યારેક આ દુ:ખાવો સામાન્ય હોય છે અને ક્યારેક અસહ્ય હોય છે. પરંતુ શું તમે ક્યારે વિચાર્યું છે કે આ સમસ્યા શા માટે થાય છે? ખરેખર, શરીરનો દુ:ખાવો થવો એ એક સમસ્યા છે, જે જણાવે છે કે શરીરમાં કઈ સમસ્યા તમને થઈ રહી છે. આ એક સંકેત છે કે આપણે અપણા સ્વાસ્થ્ય (Health) પર ધ્યાન આપવું જોઈએ. આજે અપણે જાણીએ કે શરીરના દુ:ખાવા પાછળ કારણ શું છે અને તેના ઉપાય શું છે.

પીડાનો અનુભવ કેવી રીતે થાય છે?

આપણી નર્વસ સિસ્ટમ (Nervous system) (ચેતાતંત્ર) દુ:ખાવાનો અનુભવ કરવા માટે જવાબદાર છે. જ્યારે પણ શરીરના કોઈપણ ભાગને ઇજા થાય છે, ત્યાં સ્નાયુઓ (Muscles)માં ખેંચાણ આવે છે અથવા આંતરિક સમસ્યાને કારણે કોઈ અસામાન્યતા હોય છે, નર્વસ સિસ્ટમ (Nervous system) તરત જ મગજને સંકેતો મોકલે છે. આ સંકેતને અપણે દુ:ખાવાના રૂપમાં અનુભવીએ છીએ.

દુ:ખાવાના પ્રકાર

તીવ્ર દુ:ખાવો(Acute Pain): આ દુ:ખાવો અચાનક થાય છે અને થોડા સમયમાં ઠીક થઇ જાય છે. જેમકે ઇજા, બર્નિંગ અથવા સ્નાયુ ખેચાણ.

ક્રોનિક દુ:ખાવો(chronic pain): આ દુ:ખાવો લાંબા સમય સુધી રહે છે અને ઘણીવાર કોઈ રોગ, બળતરા અથવા ચેતા, જેમ કે સંધિવા અથવા આધાશીશીને કારણે થાય છે.

શરીરના દુ:ખાવાના મુખ્ય કારણો

1. સ્નાયુઓનો થાક અથવા ખેચાણ

જો તમે ખૂબ શારીરિક મહેનત કરો છો અથવા કસરત દરમિયાન સ્નાયુ પર દબાણ આપવામાં આવે તો શારીરિક દુખાવો થઇ શકે છે. આ એટલા માટે થાય છે કારણ કેલેક્ટિક એસિડ સ્નાયુઓમાં એકઠા થાય છે, જે પીડા અને કડકતા અનુભવે છે.

2. શરીરમાં પોષણની કમી

જો શરીરમાં કેલ્શિયમ, વિટામિન ડી, મેગ્નેશિયમ અથવા આયર્નની ઉણપ હોય, તો હાડકાં અને સ્નાયુઓ નબળા થઈ જાય છે, જે દુખાવાનું કારણ બની શકે છે.

3. ડિહાઇડ્રેશન

શરીરમાં પાણીની ઉણપના કારણે, સ્નાયુ ખેચાઇ શકે છે, જે દુખાવાને વધારે છે. તેથી શરીરમાં પાણીની ઉણપ ન થવા દો.

4. વધારે તણાવ અને માનસિક દબાણ

ઘણીવાર માનસિક તણાવ માણસના શરીરના દુખાવાનું કારણ હોય છે. જયારે વ્યક્તિ વધારે તણાવ માં હોય છે, ત્યારે બોડીમાં કોર્ટિસોલ નામનું હોર્મોન વધી જાય છે, જેનાથી સ્નાયુમાં પીડા થાય છે.

5. ખોટું બોડી પોસ્ચર (Wrong Body Posture)

લાંબા સમય સુધી એક જ સ્થિતિમાં બેસવું, ખોટી રીતે સૂવું અથવા લાંબા સમય સુધી મોબાઈલ કે લેપટોપનો સતત ઉપયોગ કરવાથી ગળા, પીઠ અને કમરમાં દુખાવો થાય છે.

6. ચેપ અથવા વાયરલ રોગ

ફ્લુ, ડેન્ગ્યુ, ચિકનગુનિયા જેવી બીમારીના કારણે શરીરમાં તીવ્ર દુખાવો થાય છે. આ શરીરમાં વાયરસ ફેલાવના કારણે અને રોગપ્રતિકારક શક્તિને પ્રતિકાર આપવાના કારણે થાય છે.

7. ક્રોનિક રોગ (Chronic Disease)

સંધિવા, ડાયાબીટીસ, થાઈરોઈડ જેવી બીમારીના કારણે પણ શરીરના અલગ-અલગ ભાગમાં દુખાવો થાય છે.

દુ:ખાવાથી રાહત મેળવવાનાં ઉપાય

1. યોગ્ય આહાર લેવો અને શરીરને જરૂરી પોષણ આપવું
2. રોજ સામાન્ય કસરત કરવી
3. યોગ્ય માત્રામાં પાણી પીવું જેનાથી શરીર હાઇડ્રેટેડ રહે.
4. વધારે તણાવ મા ન રહેવું અને આરામદાયક પ્રવૃત્તિ અપનાવી.
5. લાંબા સમય સુધી બેસવાનું ટાળો અને શરીરને વચ્ચે વચ્ચે ખેંચો.
6. જો દુ:ખાવો સતત રહે છે તો, ડોક્ટરનો સંપર્ક કરવો.

આ પણ વાંચો:

આ પણ વાંચો:

આ પણ વાંચો: