Health News# ગર્ભાવસ્થા દરમિયાન સવારનો તડકો કેમ સંજીવની સમાન કામ કરે છે? જાણો ગર્ભસ્થ બાળકના વિકાસ અને માતાના સ્વાસ્થ્ય સાથે જોડાયેલી મહત્વની માહિતી.

સગર્ભા (pregnancy) મહિલાઓ માટે વરદાન છે સવારનો તડકો

ગર્ભાવસ્થા દરમિયાન માતા અને આવનાર બાળકની તંદુરસ્તી માટે સારો આહાર અને પૂરતી ઊઘ જેટલી જરૂરી છે, તેટલો જ જરૂરી કુદરતનો આ અણમોલ ઉપહાર પણ છે.તબીબી નિષ્ણાતો અને ગાયનેકોલોજિસ્ટ્સના મતે, સગર્ભા મહિલાઓ માટે સવારનો વહેલો તડકો એક સંજીવની સમાન કામ કરે છે.સવારના નવશેકા સૂર્યપ્રકાશમાં રહેવાથી માત્ર વિટેમિન-ડી જ નથી મળતું, પરંતુ તે ગર્ભમાં ઉઝરી રહેલા બાળકના હાડકાં અને મગજના વિકાસ માટે પણ અનિવાર્ય માનવામાં આવે છે.

ગર્ભાવસ્થામાં કેમ જરૂરી છે સૂર્યપ્રકાશ?

ડોક્ટરોના જણાવ્યા અનુસાર, સવારના કુમળા તડકામાંથી મળતું વિટામિન-ડી શરીરમાં કેલ્શિયમને પચાવવા માટે સૌથી મહત્વનું છે. જો સગર્ભા સ્ત્રીના શરીરમાં આ વિટામિનની ઉણપ સર્જાય, તો તેની સીધી અસર બાળકના શારીરિક વિકાસ પર પડે છે. આજના સમયમાં મોટાભાગની મહિલાઓ ઘરની અંદર જ વધુ સમય વિતાવે છે, જેના કારણે બાળકના જન્મ સમયે અનેક પ્રકારની હેલ્થ કોમ્પ્લિકેશન્સ ઊભી થવાનું જોખમ વધી જાય છે.

નિષ્ણાતોના મતે સૂર્યપ્રકાશના 5 મુખ્ય સ્વાસ્થ્ય લાભો

1.જો સગર્ભા મહિલાઓ રોજ સવારે 15 થી 20 મિનિટ સૂર્યપ્રકાશમાં વિતાવે, તો તેમને નીચે મુજબના અદભુત ફાયદા થાય છે:

2.બાળકના હાડકાંની મજબૂતી: સૂર્યપ્રકાશથી મળતા વિટામિન-ડી ના કારણે ગર્ભસ્થ બાળકના હાડકાં અને દાંતનો વિકાસ ખૂબ જ સારી રીતે થાય છે, અને બાળક ભવિષ્યમાં સુખતાન જેવી બીમારીઓથી સુરક્ષિત રહે છે.

3.રોગપ્રતિકારક શક્તિ અને મગજનો વિકાસ: સૂર્યના કિરણો ગર્ભમાં રહેલા બાળકના મગજના કોષોને સક્રિય કરે છે અને માતા તેમજ બાળક બંનેની ઇમ્યુનિટીને બૂસ્ટ કરવાનું કામ કરે છે.

4.મોર્નિંગ સિકનેસ અને ડિપ્રેશનમાં રાહત: સવારનો તડકો શરીરમાં સેરોટોનિન એટલે કે ‘હેપ્પી હોર્મોન’ નું સ્તર વધારે છે. તેનાથી સગર્ભા મહિલાઓનો મૂડ સારો રહે છે, તણાવ દૂર થાય છે અને રાત્રે ઊંઘ પણ ખૂબ સરસ આવે છે.

5.બ્લડ પ્રેશરનું નિયંત્રણ: રિસર્ચ અનુસાર, સૂર્યપ્રકાશના સંપર્કમાં આવવાથી ત્વચામાં નાઈટ્રિક ઓક્સાઇડ મુક્ત થાય છે, જે રક્તવાહિનીઓને આરામ આપે છે અને ગર્ભાવસ્થા દરમિયાન હાઈ બ્લડ પ્રેશર ના જોખમને ઘટાડે છે.

6.માતાની પીઠ અને સાંધાના દુખાવામાં રાહત:ગર્ભાવસ્થા દરમિયાન વજન વધવાને કારણે મહિલાઓને પીઠ અને કમરનો દુખાવો સામાન્ય થઈ જાય છે. કુદરતી તડકો સ્નાયુઓ અને સાંધાના અસહ્ય દુખાવામાં કુદરતી પેઈન કિલર તરીકે કામ કરે છે.

આ પણ વાંચો: મહેસાણા વિજાપુરમાં સગર્ભા મહિલા અને પતિ પર હુમલો, પહેલા પતિના ક્લેઇમ રૂપિયાને લઈને

આ પણ વાંચો: ડિલિવરી દરમિયાન હાર્ટ એટેક, માતા અને બાળકનું મોત, આ વિસ્તારની સગર્ભા મહિલાઓ ડરી

આ પણ વાંચો: સગર્ભા મહિલાના મોતથી રોષે ભરાયેલા પરિવારે નર્સિંગ હોમમાં મચાવ્યો હંગામો