દિવાળીનાં પાવન તહેવાર પર પેટ્રોલ અને ડીઝલનાં સતત વધી રહેલા ભાવ વધારાથી તમામ દેશવાસીઓને કેન્દ્ર સરકારે એક્સાઈઝ ડ્યુટીમાં ઘટાડો કરી રાહત આપી છે. જો કે આ રાહત કેટલો સમય રહેશે તે વિશે પણ ચર્ચાઓ તેજ બની છે. આ વચ્ચે માહિતી મળી તે અનુસાર, આવનારા દિવસોમાં એકવાર ફરી પેટ્રોલ અને ડીઝલનાં ભાવમાં વધારો થઇ શકે છે.
આ પણ વાંચો – Diwali special / દિવાળી પર અહીબનાવવામાં આવે છે માટીનું ઘર, તો ચાલો જાણીએ તેની સાથે જોડાયેલી પૌરાણિક માન્યતા વિશે
કેન્દ્ર સરકારની એક્સાઈઝ ડ્યુટીમાં ઘટાડો અને રાજ્ય સરકારો દ્વારા વેટમાં કરાયેલા ઘટાડાથી પેટ્રોલ અને ડીઝલનાં ભાવમાં તાત્કાલિક ધોરણે 12 રૂપિયાનો ઘટાડો થયો હોવા છતાં આગામી દિવસોમાં ભાવમાં વધુ વધારો થશે. ન્યૂઝ એજન્સી ANI સાથે વાત કરતા ઉર્જા ક્ષેત્રનાં નિષ્ણાત નરેન્દ્ર તનેજાએ કહ્યું કે, આપણે સમજવું પડશે કે આપણે તેલની આયાત કરીએ છીએ. આ એક આયાતી વસ્તુ છે. આંતરરાષ્ટ્રીય બજારમાં તેલની કિંમતમાં વધારાનું એક મુખ્ય કારણ કોરોના મહામારી પણ છે. નરેન્દ્ર તનેજાએ વધુમાં કહ્યું કે, આજનાં સમયમાં આપણે આપણી જરૂરિયાતનાં લગભગ 86 ટકા તેલની આયાત કરીએ છીએ. આવી સ્થિતિમાં તેલની કિંમતો કોઈ સરકારનાં હાથમાં નથી. પેટ્રોલ અને ડીઝલ બંને નિયંત્રણમુક્ત કોમોડિટી છે. મનમોહન સિંહ સરકાર દ્વારા જુલાઈ 2010માં પેટ્રોલને નિયંત્રણમુક્ત કરવામાં આવ્યું હતું, જ્યારે 2014માં નરેન્દ્ર મોદી સરકારે ડીઝલને પણ નિયંત્રણમુક્ત કર્યું હતું. તનેજાનાં મતે, જ્યારે પણ માંગ અને પુરવઠામાં અસંતુલન હોય છે, ત્યારે ભાવ વધવા માટે બંધાયેલા છે. બીજું કારણ એ તમામ ક્ષેત્રોમાં રોકાણનો અભાવ છે, કારણ કે સરકારો સૌર ઉર્જા જેવા નવીનીકરણીય/ગ્રીન ઉર્જા ક્ષેત્રોને પ્રોત્સાહન આપી રહી છે. આ જ કારણ છે કે આવનારા મહિનામાં ક્રૂડ ઓઈલ વધુ મોંઘુ થશે. તેમણે કહ્યું કે, 2023માં કાચા તેલની કિંમતમાં 100 રૂપિયાનો વધારો થઈ શકે છે.
આ પણ વાંચો – Best from the West / આ રાજ્યમાં કચરામાંથી બનતું પેટ્રોલ અને ડીઝલનું વેચાણ શરૂ, કિંમત છે માત્ર 70 રૂપિયા લિટર
પેટ્રોલ અને ડીઝલ પર એક્સાઈઝ ડ્યુટી ઘટાડવાના કેન્દ્રનાં નિર્ણય અંગે તનેજાએ કહ્યું કે જ્યારે તેલનાં ભાવ ઓછા હોય છે, ત્યારે સરકાર એક્સાઈઝ ડ્યુટીમાં વધારો કરે છે, જ્યારે તેલ ખૂબ મોંઘું હોય છે, ત્યારે સરકાર એક્સાઈઝ ડ્યુટી ઘટાડે છે. કોરોના સમયગાળા દરમિયાન તેલનાં જથ્થાની તુલનામાં વપરાશ અને વેચાણમાં 40 ટકાનો ઘટાડો થયો હતો. જોકે, બાદમાં તે ઘટીને 35 ટકા થઈ ગયો હતો. જ્યારે વેચાણ ઘટશે, ત્યારે સરકારની આવક આપોઆપ ઘટશે, પરંતુ હવે વેચાણ કોરોના સમયગાળા પહેલાનાં સ્તરે પાછું આવ્યું છે. બીજું, GST કલેક્શન આર્થિક સુધારણા માટે સકારાત્મક સંકેતો દર્શાવે છે, એમ તેમણે જણાવ્યું હતું. સરકાર પહેલા કરતા પ્રમાણમાં આરામદાયક સ્થિતિમાં છે. વળી, આપણી અર્થવ્યવસ્થા ડીઝલ પર આધારિત છે. ડીઝલનાં ભાવ વધે તો દરેક વસ્તુનાં ભાવ વધી જાય છે. મોંઘવારી ઉંચે આવે છે. આ બાબતોને ધ્યાનમાં રાખીને સરકારે આ પગલું ભર્યું છે.
