શાહરૂખ ખાન આ દિવસોમાં તેની આગામી ફિલ્મ ‘પઠાન’ના વિવાદને લઈને ચર્ચામાં છે. આ દરમિયાન તેના એક પ્રશંસકે તેને ફિલ્મની રિલીઝ ડેટ લંબાવવા માટે કહ્યું, જેના પર શાહરૂખ ખાનનો જવાબ ચર્ચાનો વિષય બન્યો. જોકે, ફેન્સના સૂચન અને શાહરૂખના જવાબને ‘પઠાન’ના વિવાદ સાથે કોઈ લેવાદેવા નથી. આવો તમને જણાવીએ શું છે સમગ્ર મામલો…
હકીકતમાં, શાહરૂખ ખાન સોશિયલ મીડિયા પર આવ્યો હતો અને #AskSRK સેશનનું આયોજન કર્યું હતું, જેમાં તેના ચાહકોએ તેને વિવિધ પ્રશ્નો પૂછ્યા હતા અને શાહરૂખે તેમને ફની જવાબો પણ આપ્યા હતા.
એક ચાહકે શાહરુખ ખાનને તેના લગ્નનો હવાલો આપીને ટેગ કર્યો અને ‘પઠાન’ની રિલીઝ ડેટ લંબાવવાની વિનંતી કરી. ચાહકે લખ્યું, “સર, હું 25 જાન્યુઆરીએ લગ્ન કરી રહ્યો છું. શું તમે કૃપા કરીને ‘પઠાન’ને 26 જાન્યુઆરી સુધી મુલતવી રાખી શકો છો?”
શાહરૂખ ખાને ફેન્સની રિક્વેસ્ટ પર ફની જવાબ આપ્યો. તેણે લખ્યું, “તુમ શાદી કો કર લો 26 (રિપબ્લિક પરેડ પછી). તે દિવસે પણ રજા છે.” તેના ઘણા ચાહકોએ હસતા ચહેરા સાથે ઇમોજી શેર કરીને શાહરૂખ ખાનના જવાબ પર પ્રતિક્રિયા આપી છે.
જણાવી દઈએ કે ‘પઠાન’નું પહેલું ગીત ‘બેશરમ રંગ’ રિલીઝ થતાં જ તે વિવાદોમાં ફસાઈ ગયું હતું. દીપિકા પાદુકોણની ભગવા રંગની બિકીની અને ગીતના બોલ પર અનેક સામાજિક અને ધાર્મિક સંગઠનોએ વાંધો ઉઠાવ્યો છે. ગીતમાંથી વિવાદાસ્પદ ભાગ હટાવવા ઉપરાંત શાહરૂખ ખાન પાસેથી માફીની પણ માંગ કરવામાં આવી રહી છે. આમ નહીં કરવાની સ્થિતિમાં દેશના અનેક રાજ્યોમાં ફિલ્મ રિલીઝ નહીં કરવાની ધમકીઓ આપવામાં આવી રહી છે.
સિદ્ધાર્થ આનંદ દ્વારા નિર્દેશિત, શાહરૂખ ખાન ‘પઠાન’ સાથે લગભગ 4 વર્ષ પછી લીડ હીરો તરીકે મોટા પડદા પર પરત ફરી રહ્યો છે, જેમાં તે અને દીપિકા સિવાય જ્હોન અબ્રાહમ પણ મહત્વની ભૂમિકામાં છે. આ ફિલ્મ 25 જાન્યુઆરીએ સિનેમાઘરોમાં રિલીઝ થવાની છે. અગાઉ, મુખ્ય હીરો તરીકે શાહરૂખ ખાનની પાછલી ફિલ્મ ‘ઝીરો’ 2018 માં રિલીઝ થઈ હતી.
આ પણ વાંચો:અહીં બન્યો શ્રદ્ધા હત્યા જેવો વધુ એક કિસ્સો, પતિએ હેવાન બનીને પત્નીની હત્યા કરી લાશના કર્યા 12 ટુકડા
આ પણ વાંચો: ભારતે બાંગ્લાદેશને 188 રને હરાવ્યું, શ્રેણીમાં 1-0ની લીડ મેળવી
આ પણ વાંચો:ચીન સાથેના તણાવ વચ્ચે આજે પૂર્વોત્તર જશે પીએમ નરેન્દ્ર મોદી, આવો છે સંપૂણ કાર્યક્રમ
