Himachalpradesh News : હિમાચલ પ્રદેશમાં ટોયલેટ સીટ ટેક્સને લઈને હોબાળો થઈ રહ્યો છે. સરકારે શહેરી વિસ્તારોમાં શૌચાલય ટેક્સ વસૂલવાનો નિર્ણય કર્યો છે. આર્થિક સંકટનો સામનો કરી રહેલી સુખુ સરકારના આ નિર્ણયનો ચારેબાજુ વિરોધ થયો હતો. દરમિયાન હવે શૌચાલય ટેક્સને લઈને મુખ્યમંત્રીનું નિવેદન સામે આવ્યું છે. CMએ કહ્યું કે, અગાઉની ભાજપ સરકારે ચૂંટણી પહેલા અનેક ‘રાવરીઓ’ વહેંચી હતી. જેમાં તેણે પાણીનું બિલ ફ્રી કર્યું હતું. અમે હવે તમામ ઘરો માટે 100 રૂપિયાના પાણીના બિલની સૂચના બહાર પાડી છે. વિપક્ષો જાણીજોઈને તેને પ્રેરિત કરી રહ્યા છે, એવું કંઈ નથી. શૌચાલય પર કોઈપણ પ્રકારનો ટેક્સ નહીં લાગે.
મળતી માહિતી મુજબ, અગાઉ સરકારે શહેરી વિસ્તારોમાં શૌચાલયના હિસાબે ટેક્સ વસૂલવાનો નિર્ણય લીધો હતો. એટલું જ નહીં, સરકારે આ અંગે એક નોટિફિકેશન પણ બહાર પાડ્યું હતું. ગટર અને પાણીના બિલ સંબંધિત સરકારી નોટિફિકેશનમાં કહેવામાં આવ્યું છે કે શહેરી વિસ્તારોમાં રહેતા લોકોએ તેમના ઘરમાં બનેલા શૌચાલયની સીટ દીઠ 25 રૂપિયા ફી ચૂકવવી પડશે.
આ વધારાની ફી સીવરેજ બિલ સાથે જલ શક્તિ વિભાગના ખાતામાં ટ્રાન્સફર કરવામાં આવશે.આ ફી શહેર અને ગામડાના એવા લોકોએ જ ભરવાની હતી જેમના ઘરમાં ગટરની સુવિધા છે. જ્યાં ગટરની સુવિધા ન હતી ત્યાં આ વેરો વસૂલવાનો ન હતો. આ સાથે રાજ્ય સરકારે લોકોને મફત પાણી આપવાનું પણ બંધ કરી દીધું હતું. નોટિફિકેશન મુજબ લોકોને દર મહિને 100 રૂપિયાનું પાણીનું બિલ ચૂકવવું પડશે. આવી સ્થિતિમાં લોકોએ પાણીના બિલની સાથે ગટરના ચાર્જ પણ ચૂકવવા પડશે.સરકારના આ નિર્ણય બાદ વિપક્ષે સરકાર પર જોરદાર પ્રહારો કર્યા હતા. વિપક્ષના નેતા જયરામ ઠાકુરે પણ સરકારના આ આદેશનો વિરોધ કર્યો હતો. આવી સ્થિતિમાં હવે દિલ્હી પ્રવાસ પર આવેલા સીએમ સુખુએ ટોયલેટ ટેક્સ અંગે વાત કરવાનો ઈન્કાર કરી દીધો છે.
આ પણ વાંચો:તિરુપતિના પ્રસાદમાં હજુ પણ શ્રદ્ધા કાયમ, માત્ર 4 દિવસમાં 14 લાખ લાડુ વેચાયા
આ પણ વાંચો:તિરુપતિ મંદિરના પ્રસાદમાં પશુઓની ચરબીના ખુલાસા બાદ લોકોમાં આક્રોશ, CBI તપાસની માંગ
