લોકસભા અને વિધાનસભામાં મહિલાઓ માટે 33 ટકા અનામતની જોગવાઈ કરતું મહિલા અનામત બિલ રાજ્યસભામાં બિનહરીફ પસાર થઈ ગયું છે. ત્યારે બુધવારે આ બિલને બે તૃતિયાંશ બહુમતીથી મંજૂરી આપવામાં આવી હતી. આ બિલની તરફેણમાં 215 વોટ પડ્યા જ્યારે તેની વિરુદ્ધમાં એક પણ વોટ પડ્યો ન હતો. રાજ્યસભામાં હાજર સભ્યોએ મતદાન માટે મલ્ટીમીડિયા ઉપકરણોનો ઉપયોગ કર્યો હતો જે લોકસભા દ્વારા પસાર થઈ ચૂક્યો હતો. મહિલા અનામત બિલ રાજ્યસભામાં પસાર થયા બાદ હવે તેને રાષ્ટ્રપતિ પાસે મોકલવામાં આવશે. રાષ્ટ્રપતિની મંજૂરીની સાથે જ આ બિલ ‘નારી શક્તિ વંદન એક્ટ’ બની જશે. બિલ પાસ થયા બાદ મહિલા સાંસદોએ અનોખી રીતે ખુશી વ્યક્ત કરી હતી.
રાજ્યસભામાં મહિલા અનામત બિલ પાસ થયા બાદ સંસદમાં હાજર તમામ મહિલા સાંસદોએ સંસદના ગેટ પર ઉભા રહીને પીએમ મોદીનો આભાર વ્યક્ત કર્યો હતો અને તેમને વિશેષ સન્માન આપ્યું હતું.
મહિલા આરક્ષણ બિલ રાજ્યસભા દ્વારા મંજૂર થયા બાદ મહિલા સાંસદોએ વડાપ્રધાનનું પુષ્પગુચ્છ અને શાલ આપીને સન્માન કર્યું હતું. આ દરમિયાન સાંસદ મીનાક્ષી લેખી પણ ત્યાં હાજર હતા.
સાંસદ મીનાક્ષી લેખીએ વડાપ્રધાન નરેન્દ્ર મોદીને શાલ ઓઢાડી હતી અને તેમની સાથે હાજર મહિલા સાંસદોએ તેમને સફેદ અને ગુલાબી ફૂલોનો ગુલદસ્તો અર્પણ કર્યો હતો.
પીએમ મોદી જેવા સંસદના ગેટ પર પહોંચ્યા કે તરત જ ઘણી મહિલા સાંસદો હાથમાં મીઠાઈના બોક્સ અને ફૂલોના ગુલદસ્તા લઈને ત્યાં હાજર હતા.PM મોદીએ પણ હાથ જોડી બધાનું અભિવાદન સ્વીકાર્યું હતું
પીએમ મોદી અને તમામ મહિલા સાંસદોએ સંસદના બંને ગૃહો દ્વારા મહિલા અનામત બિલ પસાર થવા પર ખુશી વ્યક્ત કરી હતી. બધાએ વિજય ચિન્હ બતાવીને આ બિલનું સ્વાગત કર્યું.
રાજ્યસભામાં મતદાન પહેલા પીએમ મોદીએ કહ્યું હતું કે આ બિલ માત્ર મહિલા શક્તિને વિશેષ સન્માન આપી રહ્યું નથી, પરંતુ બિલને લઈને તમામ રાજકીય પક્ષોની સકારાત્મક વિચારસરણી મહિલા શક્તિને નવી ઉર્જા આપશે.
આ પણ વાંચો :Jammu Kashmir/આતંકવાદી કાર્યકર્તા સાથે કથિત સંબંધોના આરોપમાં જમ્મુ અને કાશ્મીર પોલીસ અધિકારીની ધરપકડ કરાઈ
આ પણ વાંચો :India-Canada dispute/ભારત તેના પશ્ચિમી ભાગીદારો અને મિત્રોને પોતાની ચિંતા વ્યક્ત કરી
આ પણ વાંચો :reserves/ભાજપ મહિલાઓના મુદ્દે કોઈ રાજનીતિ કરતું નથી: નિર્મલા સીતારમણ
