વોશિંગ્ટન,
અમેરિકાના સિએટલ શહેરમાં ગૂગલની એક નિર્માણાધીન ઓફિસ પર ક્રેન પડી હતી. આ દુર્ઘટનામાં ચાર લોકોના મોત થયા છે જ્યારે ચાર લોકો ઇજાગ્રસ્ત થયા છે. ગૂગલની નવી ઓફિસ સહિત કેમ્પસનું નિર્માણકાર્ય ચાલી રહ્યું હતું તે સમયે આ ઘટના બની હતી.
શહેરના કેન્દ્રમાં સ્થિત આ પરિસરમાં ગૂગલના નવા કેમ્પસનું નિર્માણ થઇ રહ્યું છે. ક્રેન પડી તો તેની નીચે 6 ગાડીનો કુચડો બોલી ગયો હતો. આ દુર્ઘટનામાં મૃતકોમાં ત્રણ પુરુષ સહિત એક મહિલા સામેલ છે.
ઇજાગ્રસ્તોમાં 4 વર્ષની બાળકી પણ સામેલ
ઇજાગ્રસ્તમાં એક 27 વર્ષીય પુરુષ અને 25 વર્ષીય મહિલા સાથે એક ચાર મહિનાની બાળકી પણ સામેલ છે. આ દુર્ઘટના પાછળનું કારણ જાણવા માટે હાલ તો શ્રમ અને ઉદ્યોગ મંત્રાલયે તપાસના આદેશ જારી કર્યા છે. સિયેટલના મેયરે આ દુર્ઘટનાને ભયાવહ ગણાવી હતી અને લોકોને સર્તક રહેવાની પણ ચેતવણી આપી હતી.