પ્રિન્સ હેરીના પત્ની મેગન માર્કલ હાલ પ્રેગ્નન્ટ છે.
હાલમાં જ તેમણે નવા મહેમાન આવ્યા પછી જે ઘરમાં રહેશે તે અંગેનો ખુલાસો કર્યો હતો.
વિન્સડરમાં આવેલ મહારાણી એલીઝાબેથ દ્વિતીયનું ઘર ફ્રોગમોર કોટેજમાં એક સમયે ભારતીય મુનશી વસવાટ કરતા હતા.મહારાણી વિક્ટોરિયા પોતાના ભારતીય વિશ્વાસુને મુનશી કહેતા હતા.
ભારત પર જયારે મહારાણી વિક્ટોરિયાનું શાસન હતું તે દરમ્યાન ફ્રોગમોર કોતેગમાં તેમના એક વિશ્વાસુ ભારતીય રહેતા હતા. અહી તેમના વિશ્વાસુ ભારતીય અને તેમના સહયોગી અબ્દુલ કરીમ તેમના પરિવાર સાથે રહેતા હતા.
કરીમ આશરે ૨૪ વર્ષની ઉંમરે આગ્રાથી લંડન ગયા હતા. વર્ષ ૧૮૮૭માં મહારાણી વિક્ટોરિયાના શાસનના ૫૦ વર્ષ પુરા થયાના અવસર પર ખાસ મોહર ઇનામમાં અબ્દુલને આ કોટેજ મહારાણી તરફથી આપવામાં આવ્યું હતું.
તમને જણાવી દઈએ કે આ કોટેજમાં વિક્ટોરિયાના રાણી ઘણી વખત અબ્દુલ કરીમ અને તેની પત્ની સાથે ચા પીવા માટે આવતા હતા.એટલું જ નહી પરંતુ વિક્ટોરિયા એન્ડ અબ્દુલ નામની બુકમાં પણ આ વાતનો ઉલ્લેખ કરવામાં આવ્યો છે.
વિક્ટોરિયા એન્ડ અબ્દુલ : ધ એક્સ્ટ્રાઓર્ડીનરી સ્ટોરી ઓફ ક્વીન્સ ક્લોઝેસ્ટ કોન્ફીડેંટની લેખિકા શરબની બસુનું કહેવું છે કે મહારાણી વિક્ટોરિયાએ અબ્દુલ કરીમને ખાસ ઇનામમાં રૂપે આ કોટેજ આપ્યું હતું. તેમણે કોતેજને ઘણી સુંદર વસ્તુઓથી સજાવ્યું હતું જેમાં ઘણી વસ્તુઓ યુરોપિયન રાજ પરિવારને મળતી આવે છે.