કરાચી,

આતંકીવાદીઓના સેફ હેવન કહેવાતા પાકિસ્તાનના કરાચી સ્થિત ચીનની એમ્બેસીની બહાર આતંકી હુમલો થયો હોવાની માહિતી સામે આવી છે.

#UPDATE Two policemen killed in firing near Chinese Consulate in Karachi's Clifton area: Geo News #Pakistan https://t.co/DNwHML692b

— ANI (@ANI) November 23, 2018

મળતી માહિતી મુજબ, શુક્રવાર સવારે કેટલાક અજાણ્યા હુમલાવરોએ બોમ્બ બ્લાસ્ટ કર્યો હતો અને ફાયરિંગ પણ કર્યું હતું. આ ઘટનામાં પાકિસ્તાન પોલીસના બે કર્મીઓના મોત થયા છે, જયારે ૩ હુમલાવરને ઠાર કરવામાં આવ્યા છે.

આ ઘટનાના એક સાક્ષીએ કહ્યું હતું કે, “શુક્રવાર સવારે અંદાજે ૯.૩૦ વાગ્યે કેટલાક લોકો હાથમાં હેન્ડ ગ્રેનેડ અને હથિયાર લઈને દૂતાવાસની બહાર ફાયરિંગ કરી રહ્યા હતા. આ લોકો ચીની એમ્બેસીમાં ઘૂસવાની કોશિશ કરી રહ્યા હતા”.

આ બ્લાસ્ટ કરાચીના ક્લિફ્ટોન વિસ્તારમાં થયો છે અને તેને રેડ ઝોન કહેવામાં આવ્યો છે.

બીજી બાજુ આ આતંકી હુમલા બાદ પાકિસ્તાન રેન્જર્સ અને કરાચી પોલીસના જવાનો દ્વારા ઘેરી લેવામાં આવ્યો છે. સ્થાનિક મીડિયાના જણાવ્યા મુજબ, આ બ્લાસ્ટમાં ૩ લોકો ઘાયલ થયા હોવાના સમાચાર પ્રાપ્ત થયા છે.