સિંગાપુર,
છેલ્લા કેટલાક દિવસોથી જે ઐતિહાસિક પળની રાહ જોવામાં આવતી હતી, તે મંગળવારે સમાપ્ત થઇ છે. અમેરિકાનાં રાષ્ટ્રપતિ ડોનાલ્ડ ટ્રમ્પ અને ઉત્તર કોરિયાનાં સરમુખત્યાર કિમ જોંગ ઉન વચ્ચે સિંગાપુરમાં ઐતિહાસિક મુલાકાત થઇ છે. આ મુલાકાતમાં બંને રાષ્ટ્રપ્રમુખો ગર્મજોશીથી મળ્યા હતા અને કેટલાક મહત્વના કરારો પર પણ હસ્તાક્ષર કરવામાં આવ્યા છે.
WATCH: US President Donald Trump and North Korean leader Kim Jong Un sign agreements in Singapore https://t.co/Li4qjxkGFz
— ANI (@ANI) June 12, 2018
બંને દેશો વચ્ચે થયેલા મહત્વના કરારો બાદ આપવામાં આવેલા સંયુક્ત નિવેદનમાં તેઓએ જણાવ્યું, “દુનિયાને ટુંક જ સમયમાં ફેરફાર જોવા મળશે”. સાથે સાથે અમેરિકી રાષ્ટ્રપતિ ડોનાલ્ડ ટ્રમ્પે કિમ જોંગ ઉનને વ્હાઈટ હાઉસ આવવા માટે આમંત્રણ આપ્યું છે.
We have decided to let go the past & now the world will see a major change: Kim Jong Un, North Korean leader after signing 'comprehensive document' with US President Donald Trump at #SingaporeSummit pic.twitter.com/eoxBoTJH7t
— ANI (@ANI) June 12, 2018
ડોનાલ્ડ ટ્રમ્પે વધુમાં જણાવ્યું, “ઉત્તર કોરિયા જલ્દી જ પરમાણુ નિશસ્ત્રીકરણની કાર્યવાહી ઝડપી બનાવશે”.
Earlier visuals from the summit between US President Donald Trump and North Korean leader Kim Jong Un. #SingaporeSummit pic.twitter.com/rjrVzdNU0b
— ANI (@ANI) June 12, 2018
સિંગાપુરની ફાઈવ સ્ટાર હોટલ કેપેલા હોટેલમાં બંને નેતાઓ વચ્ચે બે દોરમાં ઐતિહાસિક મુલાકાત થઇ હતી. અ દરમિયાન એક મહત્વના દસ્તાવેજ પર હસ્તાક્ષર થયા છે જેમાં પરમાણુ હથિયારોના ખાત્મા માટેનો મહત્વનો કરાર પણ શામેલ છે. ત્યારબાદ બંને નેતાઓ એકસાથે લંચ પણ કરી ચુક્યા છે.
'We'll meet again & we'll met many times', says US President Donald Trump, when asked if he & North Korean leader Kim Jong Un will meet again in the future. #SingaporeSummit pic.twitter.com/CLEewpmyIr
— ANI (@ANI) June 12, 2018
અત્રે ઉલ્લેખનીય છે કે, છેલ્લા કેટલાક મહિનાઓથી અમેરિકી રાષ્ટ્રપતિ અને ઉત્તર કોરિયાના તાનાશાહ વચ્ચે વાંક યુદ્ધ જોવા મળી રહ્યું હતું, ત્યારે હવે આ મુલાકાત દરમિયાન બંને રાષ્ટ્રપ્રમુખો ગર્મજોશીથી મળ્યા છે.
બીજી બાજુ અમેરિકાના રાષ્ટ્રપતિએ પહેલીવાર કોઈ ઉત્તર કોરિયાઇ નેતા સાથે હાથ મીલાવ્યાં છે, જ્યારે નોર્થ કોરિયાની સત્તા સંભાળ્યા બાદ કિમ જોન ઉન પહેલીવાર આટલી લાંબી વિદેશ યાત્રા પર આવ્યાં છે.
મહત્વનું છે કે, દુનિયાભરમાં જે ઐતિહાસિક મુલાકાત માટે ચર્ચાઓ જોવા મળી રહી હતી, એ બેઠક માટે કોઈ પણ જાતની કમી ના રહે તે માટે સિંગાપુરમાં જોરદાર તૈયારીઓ કરવામાં આવી છે. સાથે સાથે સુરક્ષાના પુખ્તા બંદોબસ્ત કરાયો છે, તેમાજ આ બેઠક પર ૧૦૦ કરોડ રૂપિયાનો ખર્ચ કરવામાં આવ્યો છે.
