UFO First Selfie: યુએફઓ (અનઆઈડેન્ટિફાઈડ ફ્લાઈંગ ઓબ્જેક્ટ) વિશે આખી દુનિયામાં ચર્ચા છે, પરંતુ તેનો કોઈ પુરાવો મળ્યો નથી અને ન તો તેનાથી સંબંધિત વધુ માહિતી બહાર આવી છે. હવે UFO સાથે લેવાયેલી ‘પ્રથમ સેલ્ફી’ વાયરલ થઈ રહી છે. એવો દાવો કરવામાં આવી રહ્યો છે કે એક સંશોધકે યુએફઓ સાથે પ્રથમ સેલ્ફી લીધી હતી, જે હવે સોશિયલ મીડિયા પર શેર કરવામાં આવી રહી છે. હકીકતમાં, યુએફઓ જોવાની વિશ્વસનીયતા અને અધિકૃતતા વિશે ઘણી ચર્ચાઓ છે.
બ્રાઝિલના એલિયન સંશોધક એડી મીરેલેસે દાવો કર્યો છે કે તેણે યુએફઓ સાથે પ્રથમ સેલ્ફી લીધી છે. ફોટામાં દેખાઈ રહ્યું છે કે પીળા રંગના પ્રકાશ સાથે ગોળાકાર યુએફઓ જમીનની ખૂબ નજીક છે. એડી મીરેલેસે આ UFO નો ફોટો લીધો છે અને તેની સાથે સેલ્ફી પણ લીધી છે. જેથી તેમના દાવા પર કોઈ સવાલ ઉઠાવી ન શકે.
આ ફોટો વર્ષ 2011માં લેવામાં આવ્યો હતો
જણાવવામાં આવી રહ્યું છે કે આ ફોટો બ્રાઝિલના ચાપડા ડાયમન્ટિના નેશનલ પાર્કમાં ઊંચાઈવાળી જગ્યા પરથી લેવામાં આવ્યો છે. એડી મીરેલ્સ જંગલમાં હાજર “લા કાસ્કેડ ડે લા પ્યુરિફિકેશન” નામના ધોધ પર ગયા હતા, જ્યાં તેમણે વર્ષ 2011 માં આ દુર્લભ દૃશ્ય જોયું હતું. આ તસવીરો જોઈને કેટલાક લોકો તેને UFOની શોધની દિશામાં મહત્વનું પગલું ગણાવે છે જ્યારે કેટલાક લોકો કહે છે કે આ માત્ર એક છેતરપિંડી છે.
એડી મીરેલેસ કહે છે કે તે રાષ્ટ્રીય ઉદ્યાનમાંથી પસાર થઈ રહ્યો હતો, જે સુંદર ધોધ અને દુર્લભ પ્રજાતિઓ માટે જાણીતું છે. આ દરમિયાન તેણે આ રહસ્યમય વાહન આકાશમાં હાજર જોયું. મીરેલેસે કહ્યું કે તેણે તરત જ તેનો કેમેરો કાઢ્યો અને ઘણી તસવીરો ક્લિક કરી. તે કહે છે કે યુએફઓ તેની કાર પર લાંબા સમય સુધી ફરતો હતો. આ દરમિયાન તે તેની સાથે સેલ્ફી લેવા માટે રોકાયો હતો.
મીરેલેસે જણાવ્યું કે આના થોડા સમય બાદ મારી કાર કોઈ કારણ વગર બંધ થઈ ગઈ. તેણે જણાવ્યું કે કાર UFO ની નજીક હોવાના કારણે પ્રભાવિત થઈ હતી. મેં કારનો દરવાજો ખોલ્યો અને ત્યાંથી ભાગી ગયો. બીજા દિવસે કારને ટોવ કરવાની હતી. તપાસ કરતાં કારના તમામ વાયર બળી ગયા હોવાનું જાણવા મળ્યું હતું.
આ પણ વાંચો: બીજેપી નેતાએ ફરી ઉઠાવી પશ્ચિમ બંગાળના વિભાજનની માંગ,જાણો પાર્ટી આ મુદ્દાને કેમ તાજો રાખવા માંગે છે
આ પણ વાંચો: પશ્ચિમ બંગાળમાં છોકરીને જાહેરમાં માર મારવાનો ભયાનક વીડિયો વાયરલ થતા તપાસની માગ
આ પણ વાંચો: પશ્ચિમ બંગાળના ન્યુ જલપાઈગુડીમાં ટ્રેન અકસ્માતમાં 5 લોકોના મોત, 20થી વધુ લોકો ગંભીરપણે ઘાયલ
