સોશિયલ મીડિયા પ્લેટફોર્મ Facebook એ તેનું નામ બદલી નાખ્યું છે. હવેથી દુનિયા ફેસબુકને ‘Meta’ તરીકે ઓળખશે. ફાઉન્ડર માર્ક ઝુકરબર્ગે ગુરુવારે એક મીટિંગ દરમિયાન આ જાહેરાત કરી હતી. ઘણા સમયથી Facebook નું નામ બદલવાની ચર્ચા ચાલી રહી હતી. હવે આ જ પ્રક્રિયા પૂર્ણ થઈ ગઈ છે અને Facebook નું નવું નામ બદલીને ‘Meta’ કરવામાં આવ્યું છે.
આ પણ વાંચો – નામ બદલાયુ / ફેસબુક હવે મેટા નામથી ઓળખાશે,સૈાથી મોટા સોશિયલ પ્લેટફોર્મનું રિ-બ્રાન્ડિગ
Facebook નાં CEO માર્ક ઝુકરબર્ગે ગુરુવારે જાહેરાત કરી હતી કે તેઓ તેમની કંપનીનું નામ બદલીને ‘Meta’ પ્લેટફોર્મ ઇન્ક (Meta Platforms Inc.) કરી રહ્યા છે. રીબ્રાન્ડિંગ વિશે, ઝુકરબર્ગે કહ્યું કે, Facebook નામમાં તે તમામ સામેલ છે જે કંપની અત્યાર સુધી કરતી હતી. ઝુકરબર્ગે Meta ને ‘વર્ચ્યુઅલ એન્વાયર્નમેન્ટ’નું સ્વરૂપ આપ્યું છે. અગાઉ, ફેસબુકે જાહેરાત કરી હતી કે તે ઓગમેન્ટેડ અને વર્ચ્યુઅલ રિયાલિટી માટે અલગથી નાણાકીય પરિણામો પ્રકાશિત કરશે. ફેસબુકની આ નવી દુનિયામાં, Metaverse માં લોકો વર્ચ્યુઅલ રિયાલિટી હેડસેટ્સનો ઉપયોગ કરીને મળી શકે છે, કામ કરી શકે છે અને રમત રમી શકે છે.
Metaverse શું છે?
Metaverse એ વર્ચ્યુઅલ કોમ્પ્યુટર-જનરેટેડ જગ્યા છે જ્યાં લોકો ક્રિયાપ્રતિક્રિયા કરી શકે છે. આમાં વર્ચ્યુઅલ રિયાલિટી હાર્ડવેર આર્મ ઓક્યુલસ અને હોરાઇઝન વર્લ્ડ જેવા અનેક વિકસતા વ્યવસાયોનો સમાવેશ થાય છે, જેમાં ઘણા વર્ચ્યુઅલ રિયાલિટી સોફ્ટવેર હજુ પણ બીટા ટેસ્ટિંગ મોડમાં છે.
નવો લોગો:
જ્યારે પણ કોઈ પણ કંપની પોતાનું નામ બદલે છે ત્યારે તેનો લોગો પણ બદલી નાખે છે, ફેસબુકે પણ આવું જ કર્યું છે. Facebook નાં નવા લોગોને ઇનફિનિટી આકારમાં ડિઝાઇન કરવામાં આવ્યા છે, સહેજ ત્રાંસી, લગભગ pretzel ની જેમ કરવામાં આવેલ છે.
શું ફેસબુક અન્ય એપ્સનાં નામ બદલશે?
ફેસબુક એપ, જ્યાં યૂઝર્સ તેમની અંગત વિગતોમાં અપડેટ પોસ્ટ કરે છે અને લાઈક્સ એડ કરે છે, તે તેનું નામ બદલી રહી નથી. તેમજ ઇન્સ્ટાગ્રામ, વોટ્સએપ અને ફેસબુક મેસેન્જરનાં નામ બદલવામાં આવી રહ્યા નથી. કંપનીનું કોર્પોરેટ માળખું પણ બદલાશે નહીં. પરંતુ 1 ડિસેમ્બરથી તેનો સ્ટોક નવા ટીકર સિમ્બોલ MVRS હેઠળ ટ્રેડિંગ શરૂ કરશે.
આ પણ વાંચો – World / તાલિબાન સાથેની દોસ્તી પાકિસ્તાનને ભારે પડી, અફઘાનિસ્તાન સરહદ પર આતંકવાદી હુમલામાં 8 સૈનિકોના મોત
Metaverse એક નવી ઓનલાઈન જગ્યા હશે. આ જગ્યામાં, લોકો વાસ્તવિક દુનિયાની જેમ એકબીજા સાથે સંપર્ક કરી શકશે. આનાથી તમે વર્ચ્યુઅલ દુનિયામાં જઈ શકો છો. અહીં તમે તમારા મિત્રો અથવા સંબંધીઓ સાથે વાત કરી શકો છો અને તેમની સાથે ફરવા જઈ શકો છો. તમે અહીં ખરીદી કરી શકો છો. તમે Metaverse માં તમારી પોતાની કાર ખરીદી શકો છો અને વાસ્તવિક દુનિયાની જેમ જ તેનો ઉપયોગ કરી શકો છો. આમાં, યૂઝર્સ પાસે એક કેરેક્ટર હોય છે જે વાસ્તવિક દુનિયાની જેમ અન્ય ખેલાડીઓ સાથે ચાલી શકે છે અને વાતચીત પણ કરી શકે છે. આમાં, યુઝર્સ ક્રિપ્ટોકરન્સી સાથે વર્ચ્યુઅલ લેન્ડ અને અન્ય ડિજિટલ સંપત્તિઓ ખરીદી શકે છે.