ચીનની અગ્રણી રાજકીય શાળાના ભૂતપૂર્વ પ્રોફેસરે રાષ્ટ્રપતિ શી જિનપિંગ પર આકરા આરોપ લગાવ્યા છે. ચીનની કમ્યુનિસ્ટ પાર્ટીની ‘સેન્ટ્રલ પાર્ટી સ્કૂલ’માં લોકશાહી રાજનીતિના અધ્યાપક, કાઇ શીયાએ આરોપ લગાવ્યો છે કે જિનપિંગને હવે તેમના જ પક્ષની અંદર ઘણા વિરોધનો સામનો કરવો પડી રહ્યો છે. નોધનીય છે કે, શી જિનપિંગ સેન્ટ્રલ પાર્ટી સ્કૂલના વડા હતા.
ગુઆગાર્ડિયન ડોટ કોમને આપેલા ઇન્ટરવ્યુમાં, કાઇ શીએ રાષ્ટ્રપતિ શી જિનપિંગ પર તેમના પોતાના દેશને બરબાદ કરવાનો આરોપ લગાવ્યો હતો. કાઇ શીયાએ કહે છે કે જિનપિંગ ચીનને વિનાશ તરફ દોરી રહ્યા છે.
પૂર્વ પ્રોફેસર કાઇ શીએ કહ્યું હતું કે ચીનમાં સત્તામાં વધુ લોકો સામ્યવાદી પાર્ટીમાંથી બહાર આવવા માંગે છે. આ પહેલા સોમવારે, એક ઑડિયો લીક થતાં કાઇ શીયાને પાર્ટીમાંથી દૂર કરવામાં આવ્યા હતા. તે ઓડિયોમાં જિનપિંગની આલોચના કરી રહી હતી.
તે જ સમયે, ચીનની ‘સેન્ટ્રલ પાર્ટી સ્કૂલ’એ એક નિવેદનમાં કહ્યું હતું કે, કાઈ શિયા 1992 થી પ્રોફેસર હતા. તેમની ટિપ્પણીએ દેશની પ્રતિષ્ઠાને નુકસાન પહોંચાડ્યું. સાથે જ શીયાએ કહ્યું કે તેઓને પાર્ટીમાંથી હાંકી કાઢવાથી તેઓ ખુશ છે.
જિનપિંગ શા માટે વિશ્વ સામે ચીનને ઊભું કરી રહ્યા છે..? તેવા પ્રશ્નના જવાબમાં, કાઇ શિયાએ કહ્યું – ‘ચીન સામ્યવાદી પાર્ટી જિનપિંગના શાસન હેઠળ વિકાસ માટે કામ કરી રહી નથી, પરંતુ તે વિકાસની અડચણ બની રહી છે. મારું માનવું છે કે માત્ર હું જ પાર્ટીમાંથી બહાર રહેવાની ઇચ્છા રાખતો નથી. મેં ઘણા વર્ષો પહેલા પાર્ટી છોડવાનું મન બનાવી લીધું હતું.
કાઇ શિયાએ ચીનને ‘વિશ્વનો દુશ્મન’ બનાવવા માટે જિનપિંગને દોષી ઠેરવ્યા. કાઇ શિયાએ કહ્યું કે પાર્ટીમાં તમામ વિરોધ હોવા છતાં, લોકો બોલતા નથી કારણ કે તેઓ ડરતા હોય છે કે તેમનો બદલો રાજકીય રીતે લેવામાં આવશે અથવા તેમનો ભ્રષ્ટાચારનો આરોપ લગાવી શકાય. કાઈ શિયાએ કહ્યું કે જિનપિંગની તપાસ કરનાર કોઈ નથી, તેથી જ કોરોના રોગચાળાને હેન્ડલ કરવા જેવી ઘણી ભૂલો થઈ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.