બોલિવૂડ એક્ટર શક્તિ કપૂરનો એક વીડિયો હાલમાં સોશિયલ મીડિયા પર ખૂબ પસંદ કરવામાં આવી રહ્યો છે. વીડિયોમાં અભિનેતા તેમના માથા પર લાલ ડ્રમ મૂકીને ઘરની બહાર આવતા જોવા મળી રહ્યા છે. શક્તિ કપૂરને આમ કરતા જોઈને એક વ્યક્તિ તેમનો વીડિયો બનાવવાનું શરૂ કરે છે અને તેમને પૂછે છે કે તમે ક્યાં જાવ છો? આના પર શક્તિ કપૂર જવાબ આપે છે કે તે દારુ લેવા જઇ રહ્યા છે. અભિનેતાનો આ જવાબ સાંભળીને, વીડિયો બનાવતી વ્યક્તિ હસવા લાગે છે અને કહે છે કે આખી સોસાયટી માટે લઈને આવજો.
શક્તિ કપૂરનો આ વીડિયો સોશિયલ મીડિયા પર જોરદાર વાયરલ થઈ રહ્યો છે. લોકો ટિપ્પણી કરી રહ્યા છે અને પ્રતિકૂળ પ્રતિસાદ આપી રહ્યા છે. આ વીડિયો શક્તિ કપૂરે તેના ઇન્સ્ટાગ્રામ એકાઉન્ટ પર શેર કર્યો છે. આ વીડિયોને અત્યાર સુધીમાં 37 હજારથી વધુ લોકો જોઇ ચૂક્યા છે. અગાઉ શક્તિ કપૂરે પરપ્રાંતિય મજૂરો માટે ‘મુજે ઘર હૈ જાન’ ગીત બનાવ્યું હતું. જેને લોકોએ ખૂબ પસંદ કર્યું હતું. અભિનેતાઓ સોશિયલ મીડિયા દ્વારા તેમના ચાહકો સાથે જોડાયેલા રહે છે.
આપને જણાવી દઈએ કે દેશમાં અનલોક 1 નો તબક્કો શરૂ થઈ ગયો છે, જેમાં ઘણી વસ્તુઓ ખોલવાની મંજૂરી આપવામાં આવી છે. જો કે, દેશમાં કોરોના વાયરસથી સંક્રમિત દર્દીઓની સંખ્યા ઝડપથી વધી રહી છે. ભારતમાં કોરોના વાયરસથી પીડિત દર્દીઓની સંખ્યા 276583 થઈ છે. જ્યારે આ ચેપને કારણે 7745 લોકોએ પોતાનો જીવ ગુમાવ્યો છે. જ્યારે 135205 લોકો સ્વસ્થ થયા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
