કોરોના વાયરસ અને લોકડાઉન વચ્ચે, ઉત્તર પ્રદેશનાં આગ્રા જિલ્લામાંથી એક વીડિયો સામે આવ્યો છે, જે તમને પરેશાન પણ કરી શકે છે. જણાવી દઇએ કે, આગ્રામાં કોરોના ચેપનાં કેસ વધી રહ્યા છે. અત્યાર સુધીમાં અહીં 138 ચેપગ્રસ્ત દર્દીઓ નોંધાયા છે. માત્ર આ જ નહીં, અહીં સૌથી વધુ હોટસ્પોટ્સ છે. દરમિયાન, સોમવારે એક ચોંકાવનારો વીડિયો બહાર આવ્યો છે. અહીં, રસ્તા પર પડેલુ દૂધને જ્યારે એક શખ્સ માટીનાં વાસણમાં એકત્રિત કરવાનો પ્રયાસ કરી રહ્યો છે, ત્યારે બે-ત્રણ કૂતરા પણ આ દૂધથી ભૂખ ઓછી કરવાનો પ્રયત્ન કરી રહ્યા છે.
મળતી માહિતી મુજબ, આ કેસ આગ્રાનાં રામબાગ ચોકડીનો છે. અહીં એક રસ્તા પર દૂધવાળાનો ડબ્બો પડી ગયો હતો. જેના કારણે સમગ્ર દૂધ રસ્તા પર ફેલાઈ ગયું હતું. આ જોઈને ભૂખ્યા માણસો અને કૂતરા દોડી આવ્યા હતા. એક બાજુ જ્યાં કૂતરાઓ ભૂખ સંતોષવા આ દૂધ પી રહ્યા હતા, બીજી તરફ એક વ્યક્તિએ તેને એક વાસણમાં રાખી રહ્યા હતો. ત્યાં કોઈકે આ ઘટનાનો વીડિયો બનાવી દીધો હતો. હવે તે સોશિયલ મીડિયા પર વાયરલ થયો છે.
વળી, જ્યારે આ સમગ્ર ઘટના અંગે આગ્રાનાં અપર જિલ્લા મેજિસ્ટ્રેટ (શહેર) સાથે વાત કરવામાં આવી હતી, ત્યારે તેમણે કહ્યું હતું કે, આ અંગે કોઈ માહિતી નથી. આ સાથે તેમણે કહ્યું કે અમે તેના વિશે જાણકારી મેળવીશું, ત્યારબાદ અમે કોઇ નિવેદન આપીશું. તેમણે એમ પણ કહ્યું કે નજીકમાં એક પોલીસ સ્ટેશન છે અને ત્યાં ખાવાનું વહેંચવાનું કામ ચાલી રહ્યુ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
