રાજસ્થાનના કોટાની જે.કે. લોન હોસ્પિટલમાં નવજાત શિશુઓના મોતનું તાંડવ થમવાનું નામ નથી લઇ રહી, અહીં નવજાતનો મૃત્યુઆંક 104 પર પહોંચી ગયો છે. 1 જાન્યુઆરીના રોજ ત્રણ બાળકોનું મોત નીપજ્યું હતું, જ્યારે એક બાળકનું ગુરુવારે મૃત્યુ થયું હતું. આ ગંભીર પરિસ્થિતિને ધ્યાને લઈને કોટા પ્રભારી પ્રતાપસિંહ ખાચારીવાસ અને આરોગ્ય પ્રધાન રઘુ શર્મા પણ આજે કોટા પહોંચી રહ્યા છે.
કોટાની સરકારી હોસ્પિટલમાં નવજાતનાં મોતનાં મામલે કેન્દ્ર સરકાર પણ હરકતમાં આવી છે. ગુરુવારે કેન્દ્રીય આરોગ્ય પ્રધાન ડો.હર્ષ વર્ધન દ્વારા રાજસ્થાનના સીએમ અશોક ગેહલોત સાથે ફોન પર વાત કર્યા પછી નિષ્ણાતની ટીમ મોકલવાની સૂચના આપી હતી. હોસ્પિટલની ખામીઓનું વિશ્લેષણ કર્યા પછી, ટીમ તાત્કાલિક પગલાની ભલામણ કરશે.
જોધપુર એઇમ્સના બાળ ચિકિત્સા વિભાગના વડા ડો. કુલદીપસિંઘ, મંત્રાલયના વરિષ્ઠ પ્રાદેશિક નિયામક ડો.દીપક સક્સેના, એઈમ્સ જોધપુરના નિયોનેટોલોજિસ્ટ અને એનએચએસઆરસી સલાહકારનો સમાવેશ થાય છે.
ડો.હર્ષ વર્ધનએ માહિતી આપતા જણાવ્યું હતું કે, નિષ્ણાતોની ટીમ રાજ્ય સરકારના સહયોગથી કોટા મેડિકલ કોલેજમાં માતા, નવજાત અને બાળરોગ સંભાળ સેવાઓની સમીક્ષા કરશે. ઉપરાંત, ખામીઓના વિશ્લેષણના આધારે સંયુક્ત યોજના તૈયાર કરવામાં આવશે. જેથી રાષ્ટ્રીય આરોગ્ય મિશન અને રાજ્ય તબીબી શિક્ષણ વિભાગ દ્વારા કોટા મેડિકલ કોલેજને આર્થિક સહાય પૂરી પાડી શકાય.
રાજ્ય સરકારના અધિકારીઓ સાથે નિષ્ણાત જૂથના સભ્ય 3 જાન્યુઆરીએ કોટા પહોંચશે. આ પછી, કેન્દ્રને એક વિગતવાર અહેવાલ પણ મોકલવામાં આવશે. હર્ષ વર્ધનએ કહ્યું કે અમે આ મામલે દરેક ટેકનીકલ સહાયતા આપવા તૈયાર છીએ.
ઉલ્લેખનિય છે કે 30-31 ડિસેમ્બરે કોટા જે.કે. લોન હોસ્પિટલમાં નવ નવજાત શિશુઓના મોત સાથે હોસ્પિટલમાં મૃત્યુ પામેલા શિશુઓની સંખ્યા 100 પર પહોંચી ગઈ હતી. છેલ્લા બે દિવસમાં વધુ ચાર બાળકોનાં મોત નીપજ્યાં. બીજી તરફ, હોસ્પિટલના બાળ ચિકિત્સા વિભાગના પ્રભારી ડો.એ.એલ.બેરવાએ જણાવ્યું હતું કે, વર્ષ 2018 માં અહીં 1,005 શિશુઓના મોત થયા હતા. 2019 માં આ આંકડો ઘટ્યો છે. મોટાભાગના મૃત્યુ ઓછા વજનના વજનના કારણે થાય છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
