હિમાચલ પ્રદેશના કિન્નૌર જિલ્લામાં ચીન સરહદે ચિતકુલમાં 11 ટ્રેકર્સ ગુમ થયા છે. જિલ્લા પ્રશાસને આ ટ્રેકર્સને શોધવા માટે ઇન્ડો-તિબેટીયન બોર્ડર પોલીસ (ITBP) ની મદદ માંગી છે. જેમાં આઠ ટ્રેકર્સ અને તેમના ત્રણ રસોઈયાનો સમાવેશ થાય છે. અગિયાર ટ્રેકર્સની ટીમ ઉત્તરકાશી જિલ્લામાં હરસીલ થઈને ચિતકુલ ગઈ હતી. તેમાંથી આઠ ટ્રેક કોલકાતા અને એક દિલ્હીનો છે.
તે બધા 11 ઓક્ટોબરે હરસીલથી ચિતકુલ જવા રવાના થયા હતા. તેઓ 19 ઓક્ટોબરે ત્યાં પહોંચવાના હતા. પરંતુ જ્યારે તેઓ મંગળવારે ત્યાં ન પહોંચ્યા ત્યારે ટ્રેકિંગ આયોજકોએ ઉત્તરકાશી જિલ્લા ડિઝાસ્ટર મેનેજમેન્ટ ઓફિસને તેના વિશે જાણ કરી હતી.
ટ્રેકિંગની ટીમમાં દિલ્હીની અનિતા રાવત (38) અને કોલકાતાની મિથુન દારી (31), તન્મય તિવારી (30), વિકાસ મકલ (33) સૌરવ ઘોષ (34) સવિયન દાસ (28), રિચાર્ડ મોંડલ (30) અને સુકેન માંઝી (43) સામેલ છે
રસોઈયાઓની ઓળખ દેવેન્દ્ર (37), જ્ઞાન ચંદ્ર (33) અને ઉપેન્દ્ર (32) તરીકે થઈ છે, જે ઉત્તરકાશીના પુરોલાના રહેવાસી છે. કહેવાય છે કે તેઓ લખવાગા પાસ પાસે અટવાઇ ગયા છે. જિલ્લાના ડેપ્યુટી કમિશનર આબિદ હુસેન સાદિકે જણાવ્યું હતું કે આઇટીબીપી અને પોલીસ ગુરુવારે સવારે બચાવ કામગીરી શરૂ કરશે.
