કોંગ્રેસ પ્રમુખ પદની ચૂંટણીની રેસમાં આમ તો મલ્લિકાર્જુન ખડગે, શશિ થરૂર અને પૂર્વ મંત્રી કેએન ત્રિપાઠીનો સમાવેશ કરવામાં આવ્યો છે, પરંતુ ખડગેને પસંદગીના ઉમેદવાર માનવામાં આવી રહ્યા છે. ચૂંટણી રેસમાં સામેલ થવા પર, ભૂતપૂર્વ સીએમ દિગ્વિજય સિંહે તેમને વરિષ્ઠ ગણાવીને નોમિનેશન ફોર્મ ભર્યું ન હતું. જયારે તેઓ ગાંધી પરિવારના ખૂબ નજીકના મિત્ર પણ માનવામાં આવે છે. કોંગ્રેસ માટે આ ચૂંટણી માત્ર અધ્યક્ષ પદ સુધી સીમિત નથી, પરંતુ તેનાથી પાર્ટી 2024ની લોકસભા ચૂંટણીમાં મોટા બદલાવની આશા રાખી રહી છે. દેશની બીજી સૌથી મોટી પાર્ટી આગામી સામાન્ય ચૂંટણી માટે નવી ફોર્મ્યુલા ઘડવાના પ્રયાસ કરી રહી છે. આવી સ્થિતિમાં નવા અધ્યક્ષ કોણ હશે તે 2024માં પાર્ટીની રણનીતિ નક્કી કરશે.
G-23નું સમર્થન
મલ્લિકાર્જુન ખડગેને પણ G-23નું સમર્થન છે. તેમના સમર્થકો આનંદ શર્મા, પૃથ્વીરાજ ચવ્હાણ, મનીષ તિવારી અને ભૂપેન્દ્ર હુડ્ડા જેવા નેતાઓ હતા, જેઓ G-23 જૂથનો ભાગ રહી ચૂક્યા છે. બીજી તરફ શશિ થરૂર જે પોતે જી-23માં હતા પરંતુ તેમની સાથે જી-23ના નેતા નથી. આવી સ્થિતિમાં ખડગે પાર્ટીના આગામી અધ્યક્ષ બની શકે તેવી પ્રબળ સંભાવના છે. મલ્લિકાર્જુન ખડગેની ઉમેદવારી પણ મજબૂત છે કારણ કે તેમના હરીફ શશિ થરૂર પણ તેમને પાર્ટીના ભીષ્મ પિતામહ કહી રહ્યા છે.
શા માટે મલ્લિકાર્જુન ખડગે પ્રથમ પસંદગી
એક સમયે કોંગ્રેસ અધ્યક્ષ પદની ચૂંટણીની રેસમાં સામેલ સીએમ અશોક ગેહલોતે પણ મલ્લિકાર્જુન ખડગેને સમર્થન આપ્યું હતું અને કહ્યું હતું કે તમામ નેતાઓ અને કાર્યકરોમાં ઉત્સાહ છે. તેમના અનુભવનો લાભ સમગ્ર કોંગ્રેસને મળશે. અમે આનાથી ખૂબ જ ખુશ છીએ. ખડગે સામે ચૂંટણી લડી રહેલા શશિ થરૂરે પણ નોમિનેશન ફોર્મ ભર્યા બાદ સંકેત આપ્યો હતો કે તેઓ ગાંધી પરિવારની પ્રથમ પસંદગી છે કારણ કે તેઓ “સતત ઉમેદવાર” છે. એમ પણ કહ્યું કે જો તમારે યથાસ્થિતિ જાળવી રાખવી હોય તો તેમને જ મત આપો.
કોઈ સત્તાવાર ઉમેદવાર નથી
કોંગ્રેસ સેન્ટ્રલ ઇલેક્શન ઓથોરિટીના અધ્યક્ષ મધુસૂદન મિસ્ત્રીએ કહ્યું કે પાર્ટીના વચગાળાના અધ્યક્ષ સોનિયા ગાંધી પ્રત્યક્ષ કે આડકતરી રીતે કોઈને પણ સમર્થન આપી રહ્યાં નથી. તેઓ તટસ્થ રહેશે કારણ કે ત્રણ નેતાઓમાંથી કોઈ પણ પક્ષના સત્તાવાર ઉમેદવાર નથી. તેઓ પોતાની મરજીથી ચૂંટણી લડી રહ્યા છે. નોંધનીય છે કે કોંગ્રેસ અધ્યક્ષ પદ માટે 17 ઓક્ટોબરે ચૂંટણી થશે અને તેનું પરિણામ 19 ઓક્ટોબરે આવશે. પક્ષના 9,100 પ્રતિનિધિઓને મત આપવાનો અધિકાર છે.
