વિશ્વભરમાં કોરોના વાયરસનાં કેસ વધીને 23.14 કરોડ થયા છે. આ મહામારીને કારણે અત્યાર સુધીમાં 47.4 લાખથી વધુ લોકોનાં મોત થયા છે. અત્યાર સુધીમાં 6.07 અબજથી વધુ લોકોને વેક્સિન આપવામાં આવી છે. જોન્સ હોપકિન્સ યુનિવર્સિટી દ્વારા આ આંકડા શેર કરવામાં આવ્યા છે. રવિવારે સવારે તેના તાજેતરનાં અપડેટમાં, યુનિવર્સિટીનાં સેન્ટર ફોર સિસ્ટમ્સ સાયન્સ એન્ડ એન્જિનિયરિંગ (CSSE) એ અહેવાલ આપ્યો છે કે વર્તમાન વૈશ્વિક કેસો, મૃત્યુની સંખ્યા અને રસીકરણની સંખ્યા અનુક્રમે વધીને 231,477,987, 4,742,762 અને 6,072,672,218 થઈ ગઈ છે. CSSE નાં જણાવ્યા અનુસાર, અમેરિકા વિશ્વમાં સૌથી વધુ અસરગ્રસ્ત દેશ છે અને સૌથી વધુ કેસ અને મોત અનુક્રમે- 42,901,854 અને 687,746 પર છે. વળી ભારતની વાત કરીએ તો અહી પણ કોરોનાનાં કેસમાં ઉતાર-ચઢાવ યથાવત છે.
આ પણ વાંચો – Covid-19 / અમેરિકામાં સામે આવ્યુ કોરોનાનું વધુ એક ખતરનાક R-1 વેરિઅન્ટ
આપને જણાવી દઇએ કે, રવિવારે છેલ્લા 24 કલાક દરમિયાન દેશમાં કોવિડ-19 નાં 28,326 કેસ નોંધાયા છે. ઉપરાંત, દેશમાં સક્રિય કેસો એક ટકાથી પણ ઓછા સામે આવ્યા છે. આ કુલ કેસોનાં 0.90 ટકા છે. કેન્દ્રીય આરોગ્ય મંત્રાલય દ્વારા જાહેર કરાયેલા આંકડા મુજબ, હવે દેશમાં સક્રિય કેસોની કુલ સંખ્યા ઘટીને 3,03,476 થઈ ગઈ છે. કોરોનાથી સંક્રમિત લોકો સતત ઠીક થઈ રહ્યા છે. આવી સ્થિતિમાં, સક્રિય કેસોમાં નોંધપાત્ર ઘટાડો છે. જો કે, છેલ્લા 24 કલાક દરમિયાન દેશમાં 260 લોકોનાં મોત થયા છે. ડેટા અનુસાર, છેલ્લા 24 કલાક દરમિયાન દેશમાં કોવિડ મહામારીથી 26,032 લોકો ઠીક થયા છે, જે પછી ઠીક થયેલા દર્દીઓની સંખ્યા વધીને 3 કરોડથી વધુ થઈ ગઈ છે. અત્યાર સુધીમાં કુલ 3,29,02,351 લોકો આ રોગચાળામાંથી ઠીક થવામાં સફળ થયા છે. આ સાથે, રિકવરી રેટ વધીને 97.77 ટકા થયો છે. કોરોનાનાં કેસોમાં ઘટાડો થવા પાછળ રસીકરણ પણ એક મોટું કારણ માનવામાં આવે છે, ભૂતકાળમાં રસીકરણને ઘણી વખત વેગ મળ્યો છે. જો કે, તે ગતિ જાળવી શકાઈ નથી. દેશમાં અત્યાર સુધીમાં કોરોનાની 85.60 કરોડ રસી ડોઝ આપવામાં આવી છે. છેલ્લા 24 કલાક દરમિયાન 68,42,786 લોકોને રસીનાં ડોઝ આપવામાં આવ્યા હતા. આ એક દિવસમાં રસીકરણની રેકોર્ડ સંખ્યા કરતા ઘણી ઓછી છે.
આ પણ વાંચો – અટકળો / બિહારના પ્રશાંત કિશોર બંગાળના ભવાનીપુરના મતદાર બન્યા,રાજ્યસભામાં મોકલવાની અટકળો તેજ
શનિવારની તુલનામાં રવિવારે કેસોમાં નોંધપાત્ર ઘટાડો થયો છે. આ સાથે, મૃત્યુમાં પણ ઘટાડો થયો છે. શનિવારે 24 કલાક દરમિયાન 29,616 કેસ નોંધાયા હતા, જ્યારે આજે એક હજારથી વધુ કેસ ઘટ્યા છે. બીજી બાજુ, શનિવારે કોરોનાને કારણે 290 દર્દીઓના મોત થયા હતા, પરંતુ આજના આંકડામાં, કોરોનાને કારણે 260 લોકોએ જીવ ગુમાવ્યા છે.
