યુકેના હર્ટફોર્ડશાયરમાં 44 વર્ષીય ભારતીય મૂળના વ્યક્તિની હત્યા કરવા બદલ એક અદાલતે પાંચ લોકોને દોષિત ઠેરવ્યા છે. આ પાંચ લોકોની ગેંગમાં ત્રણ પુરૂષ અને બે મહિલાઓનો સમાવેશ થાય છે. મળતી માહિતી મુજબ, વિશાલ ગોહેલ 23 જાન્યુઆરી 2023ના રોજ તેના ઘરમાં મૃત હાલતમાં મળી આવ્યો હતો.
હનીટ્રેપની જાળમાં ફસાઈ ગયા
જણાવી દઈએ કે વિશાલ ગોહેલ પહેલા હનીટ્રેપની જાળમાં ફસાઈ ગયો હતો. આ પછી તેના ઘરની લૂંટ કરવામાં આવી હતી અને તેની હત્યા કરવામાં આવી હતી. સેન્ટ આલ્બન્સ ક્રાઉન કોર્ટની જ્યુરીના જણાવ્યા અનુસાર વિશાલ ગોહેલ મહિલાઓ સાથે સેક્સ માણવા માટે છેતરાયો હતો. હનીટ્રેપ કરીને મહિલાના સાગરિતો તેને લૂંટવા આવ્યા હતા અને તેના પર હુમલો કર્યો હતો.
પાડોશી ઘરમાં મૃત હાલતમાં મળી આવ્યા હતા
કોર્ટને જણાવવામાં આવ્યું હતું કે 22 જાન્યુઆરી, 2022ના રોજ વિશાલ ગોહેલને પાડોશી દ્વારા મૃત હાલતમાં મળી આવ્યો હતો. મળતી માહિતી મુજબ, જ્યારે પાડોશી વિશા ગોહેલના ઘરમાં પ્રવેશ્યા ત્યારે તેણે જોયું કે ગોહેલનું મોઢું બાંધેલું હતું અને તે અર્ધ મૃત હાલતમાં જમીન પર પડેલો હતો. પોસ્ટમોર્ટમમાં જાણવા મળ્યું હતું કે ગોહેલને માથામાં ગંભીર ઈજાઓ થઈ હતી.
કોર્ટે પાંચને દોષિત જાહેર કર્યા હતા
ફરિયાદી ચાર્લોટ નેવેલ કેસીએ કોર્ટને જણાવ્યું હતું કે ત્રણ મહિલાઓ અને ત્રણ પુરૂષો એક કેબમાં ગોહેલના ઘરે પહોંચ્યા હતા. તેણે કહ્યું કે પહેલા ઘરમાં તોડફોડ કરવામાં આવી હતી.
આ કેસમાં કોર્ટે પાંચ લોકોને દોષિત ઠેરવ્યા છે. જ્યારે છઠ્ઠા આરોપીને નિર્દોષ જાહેર કરવામાં આવ્યો હતો. કોર્ટે કહ્યું કે પાંચેયને 26 સપ્ટેમ્બરે સેન્ટ આલ્બન્સ ક્રાઉન કોર્ટમાં સજા સંભળાવવામાં આવશે.
આ પણ વાંચો:Heavy Rain In South Korea/દક્ષિણ કોરિયામાં ભારે વરસાદે મચાવી તબાહી, અત્યાર સુધીમાં 24 લોકોના મોત અને 10 લાપતા છે
આ પણ વાંચો:Heatwave in US/અમેરિકા અને યુરોપમાં રેકોર્ડ બ્રેક ગરમીથી લોકો પરેશાન, ઈટાલીના 16 શહેરો માટે રેડ એલર્ટ જારી
આ પણ વાંચો:UAE/PM મોદીએ કહ્યું- UAE સાથે વેપાર 85 થી વધારીને 100 બિલિયન ડોલર સુધી લઇ જશે; જાણો કયા કરારો પર થઈ હતી સહમતિ
