વિશ્વના ઘણા દેશોમાં આ સમયે હવામાન ખૂબ જ ચર્ચાનો વિષય બની ગયું છે. ઘણા દેશોમાં લોકો આ સમયે કાળઝાળ ગરમીથી પરેશાન છે, જ્યારે ઘણા દેશોમાં લોકો ભારે વરસાદનો સામનો કરી રહ્યા છે. મુશળધાર વરસાદ વિશ્વના ઘણા દેશોમાં તબાહી મચાવી રહ્યો છે. ભારે વરસાદથી પરેશાન આ દેશોમાં દક્ષિણ કોરિયાનું નામ પણ સામેલ છે. આ સમયે દક્ષિણ કોરિયાના ઘણા વિસ્તારોમાં મુશળધાર વરસાદ જોવા મળી રહ્યો છે. દેશમાં ઘણા સ્થળોએ છેલ્લા 3 દિવસથી ભારે વરસાદ પડી રહ્યો છે, જેના કારણે લોકોની હાલત દયનીય છે.
દક્ષિણ કોરિયામાં ઘણી જગ્યાએ વરસાદને કારણે અત્યાર સુધીમાં લગભગ 24 લોકોના મોત થયા છે અને 10 લોકો લાપતા છે . છેલ્લા 3 દિવસથી પડી રહેલા વરસાદને કારણે દક્ષિણ કોરિયામાં ઘણી જગ્યાએ પૂર અને ભૂસ્ખલન પણ જોવા મળી રહ્યું છે. જેના કારણે દક્ષિણ કોરિયામાં અત્યાર સુધીમાં 24 લોકોના મોત થયા છે. તેમજ 10 જેટલા લોકો ગુમ થયા છે. જો વરસાદ આમ જ ચાલુ રહેશે તો બંને આંકડામાં વધારો થઈ શકે છે.
દક્ષિણ કોરિયામાં ભારે મુશળધાર વરસાદને કારણે 4,000 થી વધુ લોકોનું સ્થળાંતર કરવામાં આવ્યું છે , સમગ્ર દેશમાં અત્યાર સુધીમાં 4,763 લોકોનું સ્થળાંતર કરવામાં આવ્યું છે. દેશના હવામાન વિભાગના જણાવ્યા અનુસાર શનિવારે તેમજ રવિવારે પણ વરસાદ ચાલુ રહેવાની સંભાવના છે. આવી સ્થિતિમાં, સ્થળાંતર કરવામાં આવનાર લોકોની સંખ્યા પણ વધી શકે છે. સાઉથ કોરિયામાં ભારે વરસાદને કારણે ટ્રાફિક વ્યવસ્થા પણ ઠપ્પ થઈ ગઈ છે
રેલવે ટ્રેક પર પાણી ભરાઈ જવાને કારણે બુલેટ ટ્રેનની સાથે અન્ય ટ્રેનો પણ દોડી શકતી નથી. આ સાથે મુશળધાર વરસાદને કારણે બસ, વિમાન અને અન્ય વાહનોને પણ અસર થઈ રહી છે. આટલું જ નહીં, શાળા, કોલેજો અને ઘણી ઓફિસો પણ આ કારણે બંધ થઈ ગઈ છે.
આ પણ વાંચો:Heatwave in US/અમેરિકા અને યુરોપમાં રેકોર્ડ બ્રેક ગરમીથી લોકો પરેશાન, ઈટાલીના 16 શહેરો માટે રેડ એલર્ટ જારી
આ પણ વાંચો:UAE/PM મોદીએ કહ્યું- UAE સાથે વેપાર 85 થી વધારીને 100 બિલિયન ડોલર સુધી લઇ જશે; જાણો કયા કરારો પર થઈ હતી સહમતિ
આ પણ વાંચો:Vegan Lunch/ UAE માં કસર-અલ-વતન મહેલમાં PM મોદી માટે ભવ્ય ભોજન સમારંભ; જાણો UAE ના રાષ્ટ્રપતિએ શું સેવા આપી
