કેનેડામાં ભારતીય મૂળના દંપતી અને તેમની સગીર પુત્રીનું "રહસ્યમય" આગમાં મૃત્યુ

Indian Origin-Canada/ કેનેડામાં ભારતીય મૂળના દંપતી અને તેમની સગીર પુત્રીનું “રહસ્યમય” આગમાં મૃત્યુ

ઓન્ટારિયો પ્રાંતમાં એક ભારતીય મૂળના દંપતી અને તેમની સગીર પુત્રીનું “રહસ્યમય” આગમાં મૃત્યુ થયું છે.

કેનેડા સમાચાર : ઓન્ટારિયો પ્રાંતમાં એક ભારતીય મૂળના દંપતી અને તેમની સગીર પુત્રીનું “રહસ્યમય” આગમાં મૃત્યુ થયું છે. પોલીસે જણાવ્યું કે આ ઘટના 7 માર્ચની છે. ઘરમાં આગ લાગવાને કારણે મૃતદેહો સંપૂર્ણપણે બળી ગયા હતા અને ગઈકાલે તેમની ઓળખ થઈ હતી. પીલ પોલીસે એક રિલીઝમાં જણાવ્યું હતું કે બ્રેમ્પટનના બિગ સ્કાય વે અને વેન કિર્ક ડ્રાઇવ વિસ્તારમાં 7 માર્ચે એક ઘરમાં શંકાસ્પદ સંજોગોમાં આગ લાગી હતી. આગ ઓલવ્યા બાદ પોલીસે જ્યારે ઘરની તપાસ કરી ત્યારે માનવ અવશેષો મળી આવ્યા હતા, પરંતુ તે સમયે માર્યા ગયેલા લોકોની ઓળખ અને સંખ્યા જાણી શકાઈ ન હતી.

મૃતદેહોની થઈ ઓળખ

પોલીસે જણાવ્યું કે શુક્રવારે મૃત્યુ પામેલા લોકોની ઓળખ ભારતીય મૂળના રાજીવ વારિકુ (51), તેની પત્ની શિલ્પા કોથા (47) અને પુત્રી મહેક વારિકુ (16) તરીકે થઈ છે. શરૂઆતમાં એવું કહેવામાં આવ્યું હતું કે આ રહેણાંકમાં આગ લાગી હતી, પરંતુ પ્રાથમિક તપાસ બાદ પોલીસે જણાવ્યું હતું કે આગ આકસ્મિક ન હોઈ શકે. પીલ પોલીસના કોન્સ્ટેબલ ટેરીન યંગે આગને “શંકાસ્પદ” ગણાવી અને કહ્યું કે તેઓ કારણ નક્કી કરવા માટે તમામ ઉપલબ્ધ પુરાવાઓની તપાસ કરી રહ્યા છે.

પડોશીએ આપી માહિતી

પોલીસ અધિકારીએ જણાવ્યું હતું કે, “આ સમયે, અમે અમારા હોમિસાઈડ બ્યુરો સાથે તેની તપાસ કરી રહ્યા છીએ, અને અમે તેને શંકાસ્પદ ગણી રહ્યા છીએ કારણ કે ઑન્ટારિયો ફાયર ટીમના ધ્યાનમાં આવ્યું છે કે આ આગ આકસ્મિક નથી.” પ્રત્યક્ષદર્શીઓએ જણાવ્યું હતું કે ઘરમાં આગ લાગી તે પહેલા તેઓએ જોરદાર વિસ્ફોટ સાંભળ્યો હતો. મૃતક પરિવારના પાડોશી કેનેથ યુસુફે જણાવ્યું કે આખું ઘર આગની લપેટમાં આવી ગયું હતું. જ્યારે અમે બહાર આવ્યા ત્યારે ઘરમાં આગ લાગી હતી. ખૂબ જ દુઃખદ. થોડા કલાકોમાં બધું જમીન પર પડી ગયું,” સીટીવીએ યુસેફને ટાંકીને જણાવ્યું હતું.

આગા બુઝાતા મળ્યા માનવ અવશેષો

આગ બુઝાવવામાં આવ્યા બાદ પોલીસને બળેલા ઘરની અંદર માનવ અવશેષો મળ્યા હતા, પરંતુ તે સમયે માર્યા ગયેલા લોકોની સંખ્યા નક્કી થઈ શકી ન હતી. પોલીસે એક નિવેદનમાં જણાવ્યું હતું કે, “ઘટનાની તપાસ કરતી વખતે, તપાસકર્તાઓને ઘરની અંદર માનવ અવશેષો મળ્યા હતા,” પોલીસે એક નિવેદનમાં જણાવ્યું હતું. પીલ પ્રાદેશિક પોલીસ હોમિસાઈડ બ્યુરોના ડિટેક્ટિવ્સ ચીફ કોરોનર ઓફિસ સાથે નજીકથી કામ કરી રહ્યા છે અને અવશેષોની ઓળખ કરી લીધી છે.

મૃતક રાજીવ વારિકુએ ટોરોન્ટો પોલીસમાં સ્વયંસેવક તરીકે કામ કર્યું હતું અને તેમનો કાર્યકાળ 2016માં પૂરો થયો હતો. જ્યારે મહેક વારિકુ એક આશાસ્પદ યુવા ફૂટબોલર હતી. તેના કોચે તેને મેદાન પર એક અસાધારણ પ્રતિભા ગણાવ્યો હતો. પોલીસનું કહેવું છે કે મૃત્યુની તપાસ હજુ ચાલુ છે. તેમણે આ કેસ વિશે માહિતી ધરાવનારને આગળ આવવા વિનંતી કરી છે.