આસામ અને મેઘાલય વચ્ચે 50 વર્ષથી ચાલી રહેલ સીમા વિવાદનો ઉકેલ આવી ગયો છે. મંગળવારે કેન્દ્રીય ગૃહમંત્રી અમિત શાહની હાજરીમાં બંને રાજ્યોના મુખ્યમંત્રીઓએ કરાર પર હસ્તાક્ષર કર્યા. આસામ અને મેઘાલય વચ્ચે સરહદ પર 12 જગ્યાએ વિવાદ ચાલી રહ્યો છે. પ્રથમ તબક્કામાં 6 વિવાદિત સરહદી સ્થળોનો ઉકેલ લાવવામાં આવ્યો છે, જ્યારે બીજા તબક્કામાં બાકીની 6 જગ્યાઓ પર ટૂંક સમયમાં હસ્તાક્ષર કરવામાં આવશે. અમિત શાહે આ કરારને ઐતિહાસિક ગણાવ્યો છે.
આ પણ વાંચો:કેન્દ્રીય તપાસ એજન્સીઓના ‘દુરુપયોગ’, મમતા બેનર્જીએ વિપક્ષની બેઠક બોલાવી
ગૃહમંત્રી અમિત શાહે કહ્યું, “આજનો દિવસ વિવાદ મુક્ત પૂર્વોત્તર માટે ઐતિહાસિક દિવસ છે. મહાન પ્રયાસો કરવામાં આવ્યા છે.
તેમણે વધુમાં કહ્યું કે, “મને ખુશી છે કે વિવાદના 12 સ્થળોમાંથી આજે આસામ અને મેઘાલય વચ્ચે સમજૂતી થઈ છે. સરહદની લંબાઈના દૃષ્ટિકોણથી, લગભગ 70 ટકા સરહદ આજે વિવાદ મુક્ત બની ગઈ છે. મને ખાતરી છે કે અમે નજીકના ભવિષ્યમાં બાકીની 6 જગ્યાઓ ઉકેલીશું.
કરાર બાદ આસામના મુખ્યમંત્રી હિમંતા બિસ્વા સરમાએ કહ્યું કે આ એમઓયુ પછી અમે બીજા તબક્કાનું કામ શરૂ કરીશું અને આગામી 6-7 મહિનામાં બાકીની 6 વિવાદિત જગ્યાઓનો ઉકેલ લાવવાનો પૂરો પ્રયાસ કરીશું.
સરમાએ કહ્યું, “કેન્દ્રીય ગૃહ પ્રધાન અમિત શાહે પણ આસામ અને અરુણાચલ પ્રદેશ વચ્ચેના સરહદ વિવાદને ઉકેલવા વિનંતી કરી હતી. મેં અરુણાચલ પ્રદેશના સીએમ સાથે મીટિંગ કરી હતી જ્યાં અમે 122 વિવાદિત મુદ્દાઓના સમાધાન માટે રોડ મેપ તૈયાર કર્યો હતો. મિઝોરમ અને નાગાલેન્ડના સીએમ સાથે પ્રાથમિક ચર્ચાઓ શરૂ થઈ ગઈ છે.” જ્યારે મેઘાલયના મુખ્યમંત્રી કોનરાડ સંગમાએ કહ્યું કે આગળ જઈને, અમે બાકીની જગ્યાઓ જ્યાં વિવાદો છે તેને ઉકેલવાનો પ્રયાસ કરીશું.
આ પણ વાંચો:નેહરુ મ્યુઝિયમનું નામ પણ બદલાયું, હવે PM મ્યુઝિયમ તરીકે ઓળખાશે, PM મોદી કરશે ઉદ્ઘાટન
આ પણ વાંચો:/ દિલ્હીમાં 1 એપ્રિલથી ડ્રાઇવિંગના નિયમો બદલાશે, બસો અને માલસામાનના વાહનો પર કડક લેન નિયમો થશે લાગુ
