બોલીવિયામાં એરફોર્સનું એક વિમાન ક્રેશ થયું. આ અકસ્માતમાં છ લોકોના મોત થયા છે. કહેવામાં આવી રહ્યું છે કે એરફોર્સનું એક વિમાન શનિવારે દેશના ઉત્તર-પૂર્વ ભાગમાં એમેઝોન જંગલમાં ક્રેશ થયું છે. આ દુર્ઘટનામાં વિમાનમાં સવાર છ લોકોના મોત થયા હતા. પોલીસે આ માહિતી આપી. પોલીસના જણાવ્યા અનુસાર વિમાનમાં બે લશ્કરી પાઇલટ અને ચાર નાગરિકો માર્યા ગયા હતા. પોલીસના જણાવ્યા અનુસાર ક્રેશ થયા બાદ વિમાનમાં આગ લાગી હતી. અકસ્માતનું કારણ તપાસવામાં આવી રહ્યું છે.
બોલીવિયન પોલીસના ડેપ્યુટી કમાન્ડર કર્નલ લુઈસ ક્યુવાસે પત્રકારોને જણાવ્યું હતું કે વિમાન રિબેરલ્ટા શહેરથી ઉડાન ભર્યાની માત્ર સાત મિનિટ બાદ એક ઝાડ સાથે અથડાયું હતું. વિમાનમાં ક્રૂ મેમ્બર્સ સહિત આરોગ્ય મંત્રાલયના નેશનલ ડેન્ગ્યુ-ચિકનગુનિયા પ્રોગ્રામના ચાર અધિકારીઓ સવાર હતા. આ ઘટનામાં દરેકના મોત થયા હતા. તેમણે કહ્યું કે દુર્ઘટનાનું કારણ તપાસવામાં આવી રહ્યું છે.
આરોગ્ય મંત્રાલયમાં પ્રચાર, રોગચાળા સર્વેલન્સ અને પરંપરાગત દવા નાયબ મંત્રી મારિયા રેની કાસ્ટ્રોએ જણાવ્યું હતું કે: “અમને એ જણાવતા દિલગીર છીએ કે આરોગ્ય મંત્રાલયની ટીમને રિબેરલ્ટાથી કોબીઝા લઈ જતું વિમાન ક્રેશ થયું છે. અમારા સાથીઓ નેશનલ ડેન્ગ્યુ-ચિકનગુનિયા પ્રોગ્રામને પૂર્ણ કરવામાં રોકાયેલા હતા, જે દેશ માટે ખૂબ જ મહત્વપૂર્ણ મિશન છે.
