Cultural Journey:  હોળી (Holi) એટલે માત્ર રંગો અને ગુલાલનો તહેવાર નથી, પણ ભારતના અલગ-અલગ પ્રાંતોમાં તેને ઉજવવાની રીતો એટલી અનોખી છે કે જાણીને તમે પણ દંગ રહી જશો. મથુરાની ગલીઓથી લઈને પંજાબના મેદાનો સુધી, દરેક જગ્યાએ હોળીનો એક અલગ જ મિજાજ જોવા મળે છે. ચાલો જાણીએ ભારતની એવી 5 પ્રખ્યાત હોળી વિશે જે વિશ્વભરમાં જાણીતી છે.

1.લાઠમાર હોળી – બરસાના (મથુરા)

ઉત્તર પ્રદેશના બરસાના અને નંદગાંવની લાઠમાર હોળી સૌથી વધુ લોકપ્રિય છે.

પરંપરા: અહીં મહિલાઓ પુરૂષોને લાકડીઓથી ફટકારે છે અને પુરૂષોએ ઢાલથી પોતાનો બચાવ કરવાનો હોય છે. આ હોળી રાધા-કૃષ્ણના પ્રેમનું પ્રતીક માનવામાં આવે છે.

2.ફૂલોની હોળી – વૃંદાવન (Holi)

વૃંદાવનના બાંકે બિહારી મંદિરમાં રંગોને બદલે તાજા ફૂલોથી હોળી રમવામાં આવે છે.

અનુભવ: એકાદશીના દિવસે રમાતી આ હોળીમાં હજારો ક્વિન્ટલ ફૂલોની પાંખડીઓ ભક્તો પર ઉડાડવામાં આવે છે. આ દ્રશ્ય એટલું દિવ્ય હોય છે કે જાણે આકાશમાંથી ફૂલોનો વરસાદ થઈ રહ્યો હોય.

3.હોલા મોહલ્લા – પંજાબ

શીખ સમુદાય હોળીને ‘હોલા મોહલ્લા’ તરીકે ઉજવે છે.

ખાસિયત: આનંદપુર સાહિબમાં આ દિવસે નિહંગ શિખો પોતાની શૌર્યકલા અને માર્શલ આર્ટ્સનું પ્રદર્શન કરે છે. અહીં હોળીની સાથે વીરતા અને સાહસનો સંગમ જોવા મળે છે.

4.રોયલ હોળી – ઉદયપુર (રાજસ્થાન)

રાજસ્થાનમાં હોળી (Holi) રાજસી ઠાઠથી ઉજવાય છે.

પરંપરા: ઉદયપુરના રાજવી પરિવાર દ્વારા સિટી પેલેસમાં ‘હોલિકા દહન’નો ભવ્ય કાર્યક્રમ યોજાય છે. હાથી-ઘોડા અને પારંપરિક પોશાકમાં સજ્જ લોકો આ તહેવારને શાહી લુક આપે છે.

5.જત્રા – પશ્ચિમ બંગાળ

બંગાળમાં તેને ‘ડોલ પૂર્ણિમા’ કે ‘ડોલ જત્રા’ કહેવામાં આવે છે.

ઉજવણી: શાંતિનિકેતનમાં રવીન્દ્રનાથ ટાગોર દ્વારા શરૂ કરાયેલ બસંત ઉત્સવ ખૂબ જ ધામધૂમથી મનાવાય છે. અહીં લોકો પીળા કપડાં પહેરીને ગીત-સંગીત અને નૃત્ય સાથે અબીલ-ગુલાલથી રમે છે.

6.શિગ્મો ઉત્સવ – ગોવા

ગોવામાં હોળી (Holi) ને ‘શિગ્મો’ કહેવામાં આવે છે, જે વસંતના આગમનનો જશ છે. અહીં ભવ્ય પરેડ અને લોકનૃત્યોનું આયોજન કરવામાં આવે છે, જેમાં ગોવાની સંસ્કૃતિની ઝલક જોવા મળે છે.

ભલે રીત-રિવાજો અલગ હોય, પણ હોળી (Holi) નો સંદેશ એક જ છે – અનિષ્ટ પર સજ્જનતાનો વિજય અને પરસ્પર પ્રેમ. આ વર્ષે તમે કઈ હોળીનો લ્હાવો લેવા માંગો છો?