વિશ્વાસ ભોજાણી-મંતવ્ય ન્યુઝ
ગોંડલ શહેર પંથકમાં કોરોના એ ઘણા પરિવાર ના માળા વીંખી નાખ્યા છે ત્યારે સ્ટેશનપ્લોટ વિસ્તારમાં રહેતા જેઠવાની પરિવારના વટવૃક્ષ સમાન 85 વર્ષના વૃદ્ધા એ કોરોના ને 13 દિવસમાં હરાવી પરિવાર ઉપર પોતાના હૈયાતી ની છત્રછાયા યથાવત રાખી છે પરિવારે વાજતેગાજતે વૃદ્ધા ને દવાખાને થી ઘરે લાવ્યો હતો.
ઘરના વડીલો બુજુર્ગો ચારધામ જેવી જાત્રા એથી પરત ઘરે આવે ત્યારે ગામના ચોરેથી તેમનું ફુલહાર પહેરાવી વાજતેગાજતે સ્વાગત કરવામાં આવતું હોય છે આવીજ રીતે સ્ટેશન પ્લોટ વિસ્તારમાં રહેતા રૂપબેન જેરામભાઇ જેઠવાની ઉ.વ. 85 કોરોનાથી સંક્રમિત થતા ગોંડલ સિવિલ હોસ્પિટલ ખાતે કોવિડ સેન્ટર માં દાખલ કરવામાં આવ્યા હતા 13 દિવસની સારવાર બાદ ફરી તંદુરસ્ત થઈ જતા પરિવારજનો ફુલહાર પહેરાવી વાજતેગાજતે ઘરે પરત લાવ્યા હતા.
ગોંડલ મામલતદાર ઓફિસમાં કોમ્પ્યુટર ઓપરેટર તરીકે કામ કરતા રૂપબેન ના પૌત્ર મિલન ભરતભાઇ જેઠવાની એ જણાવ્યું હતું કે દાદી માં કોરોના સંક્રમિત થતા અમારા પરિવારના 64 સદસ્યો ચિંતાતુર બન્યા હતા દાદીમાના 7 દીકરા 3 દીકરીઓ ના પરિવાર ના 64 સદસ્યો તેઓના ઘરે પરત આવવાની કાગડોળે રાહ જોતા હતા હાલ રૂપાબેન પુત્ર અશોકભાઈ ની સાથે રહે છે જ્યારે મોટા ભાગના સંતાનો ગોંડલમાં ચા પાન ની દુકાન ચલાવી ઘર ગુજરાન ચલાવી રહ્યા છે પરિવારના વટ વૃક્ષ સમાન દાદી માં ઘરે પરત આવતા જેઠવાની પરિવાર માં ખુશીઓ નો પાર રહ્યો ન હતો.
