T20 World Cup 2026: વર્લ્ડ કપ 2026 શરૂ થાય તે પહેલા જ મોટો વિવાદ સર્જાયો છે. ભારતમાં રમવાની ના પાડનાર બાંગ્લાદેશને ICC એ સત્તાવાર રીતે ટુર્નામેન્ટમાંથી બહાર કરી દીધું છે અને તેની જગ્યાએ સ્કોટલેન્ડને એન્ટ્રી આપી દીધી છે.
પરંતુ ડ્રામા અહીં પૂરો નથી થતો. બાંગ્લાદેશને સપોર્ટ કરતા પાકિસ્તાન ક્રિકેટ બોર્ડ (PCB) ના ચીફ મોહસિન નકવીએ હવે ICC ને ધમકી આપી છે કે જો તેમની સરકાર મંજૂરી નહીં આપે, તો પાકિસ્તાન પણ આ વર્લ્ડ કપનો બહિષ્કાર કરશે.
પાકિસ્તાનની ધમકી: “બાંગ્લાદેશ સાથે અન્યાય થયો છે”
PCB ચીફ મોહસિન નકવીએ મીડિયાને આપેલા ઈન્ટરવ્યુમાં ICC પર બેવડા ધોરણો અપનાવવાનો આરોપ લગાવ્યો છે.
નકવીનું નિવેદન: “ICC એ બાંગ્લાદેશ સાથે ખોટો વ્યવહાર કર્યો છે. એક દેશને (ભારત/પાકિસ્તાન) ન્યુટ્રલ વેન્યુ મળે છે, જ્યારે બીજા દેશને (બાંગ્લાદેશ) ટુર્નામેન્ટમાંથી જ કાઢી મૂકવામાં આવે છે. આ અન્યાય છે. અમે અમારા વડાપ્રધાનના નિર્ણયની રાહ જોઈ રહ્યા છીએ. જો તેઓ ના પાડશે તો અમે પણ નહીં રમીએ. અમારી પાસે પ્લાન A, B, C અને D તૈયાર છે.”
બાંગ્લાદેશ આઉટ, સ્કોટલેન્ડ ઈન (World Cup)
ક્રિકબઝના રિપોર્ટ મુજબ, ICC એ બાંગ્લાદેશની જગ્યાએ સ્કોટલેન્ડને ગ્રુપ-C માં સામેલ કરી લીધું છે. હવે સ્કોટલેન્ડની ટીમ ઈંગ્લેન્ડ, વેસ્ટ ઈન્ડિઝ, નેપાળ અને ઈટાલી સામે ટકરાશે.
કેમ બહાર થયું?: બાંગ્લાદેશ ક્રિકેટ બોર્ડ (BCB) એ ખેલાડીઓની સુરક્ષાનું કારણ આગળ ધરીને પોતાની મેચો ભારતને બદલે શ્રીલંકામાં રમાડવાની માંગ કરી હતી. ICC અને ભારત સરકાર દ્વારા સુરક્ષાની ખાતરી આપવા છતાં તેઓ ન માન્યા, પરિણામે ICC એ આકરો નિર્ણય લીધો.
વિવાદનું મૂળ: IPL અને મુસ્તફિઝુર રહેમાન
આ આખા વિવાદની જડમાં IPL અને બાંગ્લાદેશી ખેલાડી મુસ્તફિઝુર રહેમાન છે.
KKR માંથી હકાલપટ્ટી: કોલકાતા નાઈટ રાઈડર્સ (KKR) એ મુસ્તફિઝુરને ₹9.2 કરોડમાં ખરીદ્યો હતો. પરંતુ બાંગ્લાદેશમાં હિન્દુઓની હત્યાના બનાવો વધતા ભારતમાં વિરોધ થયો અને BCCI ના કહેવાથી KKR એ તેને રિલીઝ કરી દીધો.
બાંગ્લાદેશનો ગુસ્સો: આના વિરોધમાં બાંગ્લાદેશ સરકારે દેશમાં IPL ના પ્રસારણ પર પ્રતિબંધ મૂક્યો અને સુરક્ષાના બહાને વર્લ્ડ કપ (World Cup) ની મેચો ખસેડવાની માંગ કરી.
આગળ શું થશે?
હાલ તો બાંગ્લાદેશ સત્તાવાર રીતે બહાર છે. બાંગ્લાદેશ બોર્ડે DRC (Dispute Resolution Committee) માં અપીલ કરી હતી, પણ ત્યાંથી કોઈ રાહત મળવાની શક્યતા નથી. હવે સૌની નજર પાકિસ્તાન સરકારના નિર્ણય પર છે. જો પાકિસ્તાન પણ પીછેહઠ કરશે, તો આ વર્લ્ડ કપ (World Cup) ઈતિહાસનો સૌથી વિવાદાસ્પદ વર્લ્ડ કપ (World Cup) બની રહેશે.
ક્રિકેટના મેદાનની લડાઈ હવે રાજકીય મેદાનમાં પહોંચી ગઈ છે. બાંગ્લાદેશની જીદ તેને ભારે પડી છે અને હવે પાકિસ્તાન પણ તે જ રસ્તે જઈ (World Cup) રહ્યું હોય તેવું લાગે છે.
