Sports News : ટીમ ઈન્ડિયાના રન મશીન અને કરોડો ચાહકોના દિલ પર રાજ કરનાર વિરાટ કોહલી (Virat Kohli) એ ફરી એકવાર સાબિત કરી દીધું છે કે ‘કિંગ’ હંમેશા ‘કિંગ’ જ રહે છે. ICC એ જાહેર કરેલા તાજેતરના વન-ડે રેન્કિંગમાં મોટો ઉલટફેર થયો છે. વિરાટ કોહલીએ પોતાના સાથી ખેલાડી અને કેપ્ટન રોહિત શર્માને પછાડીને ફરીથી નંબર-1 નું સ્થાન હાંસલ કરી લીધું છે.
વડોદરામાં ન્યુઝીલેન્ડ સામે રમાયેલી મેચમાં કોહલીની તોફાની ઈનિંગે તેને ફરી ટોચ પર પહોંચાડી દીધો છે.
37 વર્ષે પણ વિરાટની (Virat) ફિટનેસ અને ફોર્મ અકબંધ
વિરાટ કોહલી (Virat) માટે આ ઉપલબ્ધિ ખાસ છે કારણ કે:
પુનરાગમન: જુલાઈ 2021 પછી પહેલીવાર વિરાટ કોહલી (Virat) રેન્કિંગમાં ટોપ પર પહોંચ્યો છે.
મેચ વિનિંગ ઈનિંગ: વડોદરા વન-ડેમાં ભારત સામે 300 રનનો મુશ્કેલ ટાર્ગેટ હતો. ત્યારે કોહલીએ 91 બોલમાં 93 રન ફટકારીને એકતરફી મેચ જિતાડી દીધી હતી.
ઓસ્ટ્રેલિયા પ્રવાસથી શરૂ થયું તોફાન
વિરાટ કોહલીનું બેટ છેલ્લા કેટલાક સમયથી આગ ઓકી રહ્યું છે. ઓસ્ટ્રેલિયા પ્રવાસથી લઈને અત્યાર સુધી તેની છેલ્લી 5 ઈનિંગ્સના આંકડા જુઓ તો આંખો પહોળી થઈ જશે:
74, 135, 102, 65, 93
આ સાતત્યપૂર્ણ પ્રદર્શનને કારણે જ તે સચિન તેંડુલકરના રેકોર્ડની પણ નજીક પહોંચી રહ્યો છે.
રોહિત શર્મા ત્રીજા નંબરે સરક્યો
એક તરફ કોહલીનો ઉદય થયો છે, તો બીજી તરફ હિટમેન રોહિત શર્માને નુકસાન થયું છે.
રોહિત શર્મા હવે બે સ્થાન નીચે ઉતરીને ત્રીજા નંબરે (3rd Rank) આવી ગયો છે. તેનું રેટિંગ 775 છે.
જ્યારે ન્યુઝીલેન્ડનો ડેરિલ મિશેલ 84 રનની ઈનિંગ રમીને બીજા નંબર પર આવી ગયો છે. તે વિરાટ (785 પોઈન્ટ) કરતા માત્ર 1 પોઈન્ટ પાછળ છે.
825 દિવસ નંબર-1 રહેવાનો રેકોર્ડ
વિરાટ કોહલી (Virat) ભારતીય ક્રિકેટના ઈતિહાસમાં સૌથી લાંબો સમય નંબર-1 રહેનાર બેટ્સમેન બની ગયો છે. તે કુલ 825 દિવસ સુધી ટોચ પર રહ્યો છે.
વિશ્વમાં સૌથી વધુ સમય નંબર-1 રહેવાનો રેકોર્ડ વિવ રિચાર્ડ્સ (2306 દિવસ) ના નામે છે.
બોલિંગમાં મોહમ્મદ સિરાજ ચમક્યો
બેટિંગની સાથે બોલિંગમાં પણ ભારતીય ખેલાડીએ કમાલ કરી છે.
મોહમ્મદ સિરાજ: તેણે 5 સ્થાનનો કુદકો લગાવીને 15મું સ્થાન મેળવ્યું છે.
કાયલ જેમિસન: ભારત સામે 4 વિકેટ લેનાર ન્યુઝીલેન્ડના જેમિસને 27 સ્થાનની છલાંગ લગાવીને 69મું સ્થાન મેળવ્યું છે.
વિરાટ કોહલી (Virat) એ સાબિત કર્યું છે કે ઉંમર માત્ર એક નંબર છે. 37 વર્ષે પણ તેની રમતનું સ્તર યુવા ખેલાડીઓ માટે પ્રેરણારૂપ છે. હવે જોવું રહ્યું કે ડેરિલ મિશેલ સાથેની આ રેસમાં વિરાટ કેટલો સમય નંબર-1 ટકી શકે છે.
