Sports News : ભારત અને ન્યુઝીલેન્ડ વચ્ચેની વન-ડે સિરીઝના પ્રારંભ પહેલા ટીમ ઈન્ડિયાનો માહોલ ખૂબ જ હળવો અને મસ્તીભર્યો જોવા મળી રહ્યો છે. આવતીકાલે એટલે કે 11 જાન્યુઆરીથી વડોદરાના BCA સ્ટેડિયમમાં મહામુકાબલો શરૂ થવાનો છે. તે પહેલા પ્રેક્ટિસ સેશનમાં ‘કિંગ કોહલી’ (King Kohli) એક અલગ જ અંદાજમાં જોવા મળ્યા હતા.
પોતાના આક્રમક અંદાજ માટે જાણીતા વિરાટ કોહલીએ મેદાન પર કંઈક એવું કર્યું કે સાથી ખેલાડીઓ પણ હસવું રોકી શક્યા નહીં. કોહલીએ યુવા બોલર અર્શદીપ સિંહની બોલિંગ એક્શનની નકલ ઉતારી હતી, જેનો વીડિયો હવે વાયરલ થઈ રહ્યો છે.
અર્શદીપની નકલ અને કોહલીની મસ્તી
શુક્રવારે (9 જાન્યુઆરી) ટીમ ઈન્ડિયા વડોદરામાં પ્રેક્ટિસ કરી રહી હતી. તે દરમિયાન વિરાટ કોહલી (Virat Kohli)ફૂલ મૂડમાં હતા.
શું કર્યું?: વિરાટ કોહલી (Virat Kohli)એ અચાનક ડાબોડી ફાસ્ટ બોલર અર્શદીપ સિંહની જેમ રન-અપ લીધો અને તેની બોલિંગ એક્શનની આબેહૂબ નકલ કરી બતાવી.
રિએક્શન: કોહલી (Kohli) ને અર્શદીપની જેમ દોડતા જોઈને ત્યાં હાજર તમામ ખેલાડીઓ ખડખડાટ હસી પડ્યા હતા. આ ઘટના બતાવે છે કે ડ્રેસિંગ રૂમનું વાતાવરણ કેટલું પોઝિટિવ છે, જે મોટી મેચ પહેલા શુભ સંકેત છે.
બે વર્ષ પછી કોહલીએ શેર કર્યા ફોટા
વિરાટ કોહલી સામાન્ય રીતે ટ્રેનિંગ સેશનના ફોટા ઓછા શેર કરે છે. પરંતુ લાંબા સમય પછી (લગભગ 2 વર્ષ પછી) તેણે પોતાના ઇન્સ્ટાગ્રામ પર પ્રેક્ટિસ સેશનના ફોટા શેર કર્યા છે. આ તસવીરોમાં તે કે.એલ. રાહુલ, યશસ્વી જયસ્વાલ અને હર્ષિત રાણા સાથે હસતા-રમતા જોવા મળી રહ્યો છે.
કોહલી (Kohli) નું પ્રચંડ ફોર્મ: સાઉથ આફ્રિકાથી વિજય હઝારે સુધી
વિરાટ કોહલી હાલમાં તેના કરિયરના શ્રેષ્ઠ ફોર્મમાં છે.
સાઉથ આફ્રિકા સિરીઝ: તાજેતરમાં પૂરી થયેલી વન-ડે સિરીઝમાં કોહલીએ ધમાકેદાર પ્રદર્શન કર્યું હતું. તેણે 151 ની એવરેજથી 302 રન બનાવ્યા હતા, જેમાં 2 સદી અને 1 અડધી સદી સામેલ હતી. તેને ‘પ્લેયર ઓફ ધ સિરીઝ’ જાહેર કરવામાં આવ્યો હતો.
વિજય હઝારે ટ્રોફી: 15 વર્ષ પછી દિલ્હી માટે રમતા કોહલીએ આંધ્ર પ્રદેશ સામે 131 રન અને ગુજરાત સામે 77 રનની ઇનિંગ રમીને સાબિત કરી દીધું કે ‘શેર બૂઢા નહીં હુઆ હૈ’.
Virat Kohli is mimicking Arshdeep Singh’s running style, and Rohit Sharma, watching from behind, is smiling during today’s practice session.❤️ pic.twitter.com/mI3Uj98NT5
— ⁴⁵ (@rushiii_12) January 9, 2026
ન્યુઝીલેન્ડ સામે કોહલીના આંકડા ડરામણા છે
વડોદરામાં કિવી ટીમ માટે કોહલીને રોકવો મોટો પડકાર હશે. આંકડા જુઓ તો:
કુલ મેચ: 33 વન-ડે
રન: 1657
એવરેજ: 55.23
સદી/અડધી સદી: 6 સદી અને 9 અડધી સદી
હાઈએસ્ટ: 154* અણનમ
હાલમાં ICC રેન્કિંગમાં રોહિત શર્મા નંબર-1 પર છે અને વિરાટ કોહલી નંબર-2 પર છે. વડોદરાની મેચમાં આ બંને દિગ્ગજો પાસેથી મોટી ઇનિંગની અપેક્ષા છે.
વડોદરાના ક્રિકેટ રસિકો માટે આ મેચ યાદગાર બની રહેવાની છે. કોહલીની મસ્તી અને ફોર્મ જોઈને લાગે છે કે ન્યુઝીલેન્ડના બોલરોની ખેર નથી!
