Surat News:ગુજરાત ચૂંટણી પંચે મતદાર યાદી (Voter list) ચકાસણી માટે ખાસ સઘન સુધારણા (SIR) શરૂ કરી છે. ચૂંટણી પંચ સમક્ષ મતદારો (Voters) સામે અનેક વાંધા દાખલ કરવામાં આવ્યા છે પરંતુ ચૂંટણી પંચ કોંગ્રેસને ફોર્મ-7 ની વિગતો આપી રહ્યું નથી. સુરત કોંગ્રેસના પ્રમુખ વિપુલ ઉધનાવાલાએ તેમના એડવોકેટ ઝમીર શેખ દ્વારા સુરત કલેક્ટર અને સુરત વિધાનસભાના 12 ડેપ્યુટી કલેક્ટરને કાનૂની નોટિસ ફટકારી છે.
જેમાં માંગ કરવામાં આવી છે કે તેઓ મતદાર નોંધણી નિયમો 1960 ના નિયમ 15(1)(b) નું પાલન કરે અને વાંધા હેઠળના મતદારોની યાદી ડેપ્યુટી કલેક્ટર કચેરીના નોટિસ બોર્ડ પર પ્રદર્શિત કરે જેથી સામાન્ય લોકો ડ્રાફ્ટ મતદાર યાદી (Voter list) અને વાંધા હેઠળના મતદારોના નામ ચકાસી શકે. ઝમીર શેખે માંગ કરી હતી કે આ નોટિસ મળ્યાની તારીખથી 3 દિવસની અંદર જે મતદારોના નામ વાંધા હેઠળ છે તેમની યાદી નોટિસ બોર્ડ પર પ્રદર્શિત કરવામાં આવે, નહીં તો વિપુલ ઉધનાવાલા માનનીય ગુજરાત હાઇકોર્ટમાં તેમની વિરુદ્ધ અરજી દાખલ કરશે.
