Ahmedabad News:અમદાવાદના વાસણા વિસ્તારમાં આવેલા ચંદ્રનગર BRTS કોરિડોરમાં મોડી રાત્રે એક ભયંકર અકસ્માત સર્જાયો હતો. વાછરડા (ગૌવંશ) ભરેલી એક કારે બેફામ ઝડપે BRTS ટ્રેક પર દોડતા બસ સ્ટેન્ડનો દરવાજો તોડી નાખ્યો, લાઈટના થાંભલા સાથે જોરદાર અથડામણ કરી અને ડિવાઈડરને પણ ભારે નુકસાન પહોંચાડ્યું. આ અકસ્માત (Accident)માં કારના એરબેગ ખુલી ગયા હતા અને કારની સ્થિતિ ખરાબ થઈ ગઈ હતી.
પ્રાથમિક માહિતી અનુસાર, આ કારમાં ખૂબ જ ખરાબ હાલતમાં ચાર વાછરડાં ખીચોખીચ ભરેલાં હતાં.ગાડીમાંથી ઉતરીને કારમાં સવાર ત્રણ વ્યક્તિઓ ઘટનાસ્થળેથી ફરાર થઈ ગઈ હતી, જ્યારે એક વ્યક્તિને સ્થાનિક લોકોએ તાત્કાલિક પકડી પાડ્યો હતો. અકસ્માત (Accident)નો અવાજ સાંભળતાં જ આસપાસના લોકો ઘટનાસ્થળે દોડી આવ્યા હતા અને તેમણે જોયું કે કારમાં ગૌવંશ ભરેલા છે.
અકસ્માત (Accident)માં બેફામ ડ્રાઈવિંગથી જાહેર સંપત્તિને ભારે નુકસાન
માહિતી અનુસાર, આ કાર ગૌવંશની તસ્કરી કરી રહી હતી. ગૌરક્ષકો દ્વારા તેનો પીછો કરવામાં આવી રહ્યો હતો. પીછો ટાળવા માટે કારચાલકે અતિ ઝડપે ગાડી ચલાવી હતી અને BRTS ટ્રેક પર ચઢી ગયો હતો, જ્યાં આ અકસ્માત (Accident) થયો. BRTS કોરિડોરમાં ખાનગી વાહનોને પ્રવેશ પર પ્રતિબંધ હોવા છતાં આવી બેફામ ડ્રાઈવિંગથી જાહેર સંપત્તિને ભારે નુકસાન થયું છે.
અકસ્માત (Accident)ની જાણ થતાં જ વાસણા પોલીસ ઘટનાસ્થળે પહોંચી હતી. પોલીસે ઘટનાસ્થળે પહોંચીને કારનું નિરીક્ષણ કર્યું અને એક આરોપીને અટકાયતમાં લીધો છે. બાકીના ત્રણ ફરાર આરોપીઓની શોધખોળ ચાલુ છે.
આ પણ વાંચો:અમદાવાદમાં રોડ અકસ્માતનો કહેર યથાવત, રોંગસાઇડ કારએ એક્ટિવા ચાલકને ઉડાવ્યો
આ પણ વાંચો:અમદાવાદમાં વધુ એક ડમ્પર ચાલકે લીધો નિર્દોષનો જીવ, અકસ્માતમાં 22 વર્ષીય નર્સનું કરુણ મોત
આ પણ વાંચો:અમદાવાદમાં ભયાનક અકસ્માત, ટ્રકની ટક્કરે સ્કૂટર સવાર મહિલાનું ઘટનાસ્થળે કરુણ મોત
