Banaskantha News: બનાસકાંઠાના થરા શહેરમાં ભારે વરસાદ દરમિયાન આકાશી વીજળી (Lightning Strike) પડતાં મોટું નુકસાન થયું છે. પંચવટી સોસાયટી વિસ્તારમાં આવેલા મોબાઇલ ટાવર (Mobile Tower) પર વીજળી ત્રાટકતાં આસપાસના મકાનો અને દુકાનોમાં વીજ ઉપકરણો બળી ગયા હતા. ઘટનાથી સ્થાનિકોમાં ભયનો માહોલ સર્જાયો હતો.
Lightning Strike: ટાવર પર આકાશી વીજળી પડતાં અફરાતફરી
પ્રાપ્ત માહિતી અનુસાર, થરાની પંચવટી સોસાયટીમાં આવેલા ટાવર પર અચાનક આકાશી વીજળી (Thunderstorm)પડી હતી. જોરદાર કડાકા સાથે થયેલી આ ઘટનાથી સમગ્ર વિસ્તારમાં અફરાતફરી મચી ગઈ હતી અને થોડા સમય માટે લોકો ઘરની બહાર નીકળી આવ્યા હતા.
ટીવી, પંખા સહિતના ઉપકરણો બળીને ખાખ
વીજળી પડવાના કારણે અનેક ઘરોમાં ટીવી, પંખા, સેટ-ટોપ બોક્સ, વીજ મીટર અને અન્ય ઇલેક્ટ્રોનિક ઉપકરણો બળી ગયા હતા. નજીકના શોપિંગ સેન્ટરમાં પણ અનેક વીજ સાધનોને નુકસાન (Electronic Damage) પહોંચ્યું હોવાનું સામે આવ્યું છે, જેના કારણે વેપારીઓને પણ આર્થિક ફટકો પડ્યો છે.
વીજપુરવઠો ખોરવાતા લોકો મુશ્કેલીમાં
ઘટના બાદ સમગ્ર વિસ્તારમાં વીજપુરવઠો ખોરવાઈ ગયો હતો. વીજ કંપનીની ટીમોએ સ્થળ પર પહોંચી પુરવઠો પુનઃસ્થાપિત કરવાની કામગીરી હાથ ધરી હતી. સ્થાનિકોએ નુકસાનનું સર્વેક્ષણ કરીને યોગ્ય વળતર આપવા પણ માંગ કરી છે.
સદનસીબે કોઈ જાનહાનિ નહીં
આકાશી વીજળીની આ ઘટનામાં સદનસીબે કોઈ જાનહાનિ કે ઈજા થઈ નથી. જોકે, વીજળી પડતાં લાખો રૂપિયાના ઇલેક્ટ્રોનિક સાધનોને નુકસાન પહોંચ્યું હોવાનું પ્રાથમિક અંદાજ છે. તંત્રે વરસાદી માહોલ દરમિયાન સલામતીના નિયમોનું પાલન કરવાની અપીલ કરી છે.
આ પણ વાંચો: ઘેટાં ચરાવતા બાળકનું તળાવમાં ડૂબી જવાથી કરુણ મોત, 3.5 કલાક બાદ મળ્યો મૃતદેહ
આ પણ વાંચો: અમદાવાદમાં નકલી વિદેશી દારૂની ફેક્ટરીનો પર્દાફાશ! સસ્તા દારૂને મોંઘી બ્રાન્ડમાં ફેરવી વેચાતો ખેલ
