Ahmedabad News: અમદાવાદ સહિત ગુજરાતના અનેક વિસ્તારોમાં ભારે વરસાદ વચ્ચે શહેરમાં દુર્ઘટના સર્જાઈ છે. શહેર કોટડા વિસ્તારમાં પાંચકૂવા દરવાજા પાછળ આવેલી લાલાભાઈની બારીમાં એક જર્જરિત મકાન અચાનક ધરાશાયી (Ahmedabad Panchkuva Building Collapse) થતાં કાટમાળ નીચે ત્રણ લોકો દટાયા હતા. ઘટનાની જાણ થતાં અમદાવાદ ફાયર બ્રિગેડની ટીમ તાત્કાલિક સ્થળ પર પહોંચી હતી અને રેસ્ક્યૂ ઓપરેશન હાથ ધર્યું હતું. ફાયર બ્રિગેડની ટીમે સ્થાનિકો અને મજૂરોની મદદથી ભારે જહેમત બાદ કાટમાળ હટાવી ત્રણેય લોકોને બહાર કાઢ્યા હતા. આ ઘટનામાં સોનલબેન રાણાનું દુઃખદ મોત થયું છે.
બીજા માળે દટાયેલા મહિલાનું બે કલાક બાદ રેસ્ક્યૂ
મકાન ધરાશાયી થયા બાદ સોનલબેન રાણા બીજા માળના કાટમાળમાં દટાયા હોવાની માહિતી મળી હતી. ફાયર બ્રિગેડના જવાનોએ ભારે જહેમત સાથે બચાવ કામગીરી શરૂ કરી હતી. આશરે બે કલાકની મહેનત બાદ સોનલબેનને કાટમાળમાંથી બહાર કાઢવામાં આવ્યા હતા. ત્યારબાદ તેમને હોસ્પિટલ લઈ જવાની કાર્યવાહી કરવામાં આવી હતી, પરંતુ હોસ્પિટલ પહોંચાડતા પહેલાં જ તેમનું મોત નીપજ્યું હતું. અન્ય બે લોકોને પણ કાટમાળમાંથી બહાર કાઢીને સારવાર માટે હોસ્પિટલ ખસેડવામાં આવ્યા હતા.
Ahmedabad Panchkuva Building Collapse: વરસાદ વચ્ચે પાંચકૂવા વિસ્તારમાં ગંભીર ઘટના
અમદાવાદમાં છેલ્લા કેટલાક સમયથી વરસાદી માહોલ જામ્યો છે. ગઈકાલે સાંજથી શહેરના વિવિધ વિસ્તારોમાં વરસાદના જોરદાર ઝાપટાં પડી રહ્યા છે. આજે પણ વરસાદનું જોર જોવા મળ્યું હતું. આ દરમિયાન પાંચકૂવા દરવાજા પાછળ લાલાભાઈની બારી વિસ્તારમાં આવેલું જૂનું અને જર્જરિત મકાન ધરાશાયી (Ahmedabad Panchkuva Building Collapse) થતાં અફરાતફરીનો માહોલ સર્જાયો હતો. ઘટનાની જાણ થતાં ફાયર બ્રિગેડની ટીમ ઘટનાસ્થળે પહોંચી હતી અને કાટમાળમાં ફસાયેલા લોકોને બહાર કાઢવા કામગીરી શરૂ કરી હતી.
Ahmedabad Panchkuva Building Collapse: અમદાવાદમાં વરસાદે ફરી જોર પકડ્યું
મકાન ધરાશાયી (Ahmedabad Panchkuva Building Collapse) થવાની ઘટના વચ્ચે અમદાવાદમાં આજે પણ વરસાદનું જોર યથાવત રહ્યું હતું. શહેરના અનેક વિસ્તારોમાં દિવસ દરમિયાન અંધારપટ જેવો માહોલ જોવા મળ્યો હતો. કાળા-ડિબાંગ વાદળો સાથે વાદળોના ગડગડાટ અને વીજળીના કડાકા-ભડાકા વચ્ચે વરસાદ વરસ્યો હતો. કેટલાક વિસ્તારોમાં પવનના સુસવાટા સાથે વરસાદ થતાં વાતાવરણમાં ઠંડક પ્રસરી હતી. થોડા સમયના વિરામ બાદ ફરી વરસાદ શરૂ થતાં શહેરમાં ચોમાસાનો માહોલ વધુ ગાઢ બન્યો હતો.
Ahmedabad Panchkuva Building Collapse: અમદાવાદમાં હજુ ભારે વરસાદની આગાહી
હવામાન વિભાગે અમદાવાદમાં હજુ ભારે વરસાદની આગાહી કરી છે. આજે ભારે વરસાદની શક્યતા વચ્ચે આગામી દિવસે શહેર માટે ઓરેન્જ એલર્ટ સાથે ભારે વરસાદની આગાહી કરવામાં આવી છે. હાલ ગુજરાતના હવામાન પર એકસાથે અનેક સિસ્ટમની અસર જોવા મળી રહી છે. તેમાં સાયક્લોનિક સર્ક્યુલેશન, મોન્સૂન ટ્રફ, વેસ્ટર્ન ડિસ્ટર્બન્સ અને લો-પ્રેશર સિસ્ટમનો સમાવેશ થાય છે. આ હવામાન પ્રણાલીઓની અસરને પગલે રાજ્યના વિવિધ વિસ્તારોમાં વરસાદનું જોર જોવા મળી રહ્યું છે. અમદાવાદમાં પણ આગામી સમયગાળા દરમિયાન ભારે વરસાદની શક્યતાને ધ્યાનમાં રાખીને નાગરિકોએ સાવચેતી રાખવી જરૂરી છે.
Ahmedabad Panchkuva Building Collapse: જર્જરિત મકાનોને લઈને ફરી ચિંતા
ભારે વરસાદ દરમિયાન જૂના અને જર્જરિત મકાનોની સ્થિતિ ચિંતાનો વિષય બની રહે છે. પાંચકૂવા વિસ્તારમાં બનેલી આ ઘટના બાદ આવા મકાનોમાં રહેતા લોકોની સુરક્ષા અંગે પણ સવાલો ઊભા થયા છે. ખાસ કરીને સતત વરસાદ દરમિયાન જૂના મકાનોની દિવાલો અને બાંધકામ નબળું પડવાની શક્યતા રહેતી હોવાથી નાગરિકોએ જોખમી ઇમારતો અંગે સંબંધિત તંત્રને જાણ કરવી અને સલામત સ્થળે ખસી જવાની તકેદારી રાખવી જરૂરી છે.
આ પણ વાંચો:અમદાવાદમાં વરસાદ વચ્ચે વધુ એક જર્જરિત મકાન ધરાશાયી! ઢાળની પોળમાં અચાનક મકાન પડતાં અફરાતફરી
આ પણ વાંચો:અમદાવાદના ઘી-કાંટા વિસ્તારમાં મકાન ધરાશાયી, એક મહિલાનું મોત, કાટમાળ નીચે લોકો ફસાયા હોવાની આશંકા
આ પણ વાંચો:વેરાવળના ખારવાવાડમાં 80 વર્ષ જૂનું મકાન ધરાશાયી, માતા-પુત્રી સહિત ત્રણના કરુણ મોત
