World News: યુરોપમાં LNGના ભાવમાં જુલાઈથી લગભગ 70%નો વધારો થયો છે. 21 સપ્ટેમ્બરે ભાવ €73/MWh સુધી પહોંચ્યા હતા. ગોલ્ડમેન સૅક્સે 2026ના ચોથા ક્વાર્ટરમાં સરેરાશ ભાવ 70/MWh રહેવાનું અનુમાન વ્યક્ત કર્યું છે.
યુરોપમાં ગેસ સંકટ કેમ ઘેરાયું?
મિડલ ઈસ્ટમાંથી LNG સપ્લાયમાં વિક્ષેપ અને યુરોપના ગેસ સ્ટોરેજમાં અપેક્ષા કરતાં ધીમી ભરતીએ ભાવ પર દબાણ વધાર્યું છે. ગોલ્ડમેન સૅક્સ (Goldman Sachs) મુજબ, પર્શિયન ગલ્ફમાંથી LNG નિકાસ યુદ્ધ પહેલાંના સ્તરની માત્ર 15થી 25% આસપાસ છે.
ઉનાળા પહેલાં યુરોપ (Europe)માં ગેસના ભાવ લગભગ €30થી €60/MWh વચ્ચે હતા, પરંતુ સપ્ટેમ્બર સુધીમાં તે €73/MWh સુધી પહોંચી ગયા છે. આ વધારાથી યુરોપના ઉદ્યોગો અને ઊર્જા બજાર પર દબાણ વધી શકે છે.
LNGના વધતા ભાવ ભારત માટે કેમ ચિંતાજનક?
યુરોપમાં ભાવ વધવાથી વૈશ્વિક LNG બજારમાં સપ્લાય માટે સ્પર્ધા વધી શકે છે. ભારત પણ LNGનો મોટો આયાતકાર હોવાથી આંતરરાષ્ટ્રીય બજારમાં ભાવ વધે તો ભારતીય આયાતકારો પર ખર્ચનું દબાણ (India Gas Impact)આવી શકે છે. તાજેતરના અહેવાલો અનુસાર, ભારતીય ઊર્જા કંપનીઓએ સ્પોટ માર્કેટમાં LNG (India LNG)માટે તાજેતરમાં ઘણા વર્ષોમાં સૌથી ઊંચા ભાવ ચૂકવ્યા છે. મિડલ ઈસ્ટમાં સપ્લાય વિક્ષેપ તેની પાછળનું એક મહત્વનું કારણ છે.
શિયાળામાં ભાવ વધુ વધી શકે?
યુરોપની આગામી શિયાળાની ઠંડી ગેસ બજાર માટે મહત્વની બની શકે છે. ગોલ્ડમેન સૅક્સના વિશ્લેષણ મુજબ, સામાન્ય કરતાં વધુ ઠંડી શિયાળાની સ્થિતિમાં ભાવનો વધારો તેના બેઝલાઇન અનુમાન કરતાં આશરે 75% વધારે થઈ શકે છે, જ્યારે સામાન્ય કરતાં ગરમ શિયાળામાં ભાવનું અનુમાન આશરે 30% નીચું રહી શકે છે. અર્થાત્, આગામી મહિનાઓમાં હવામાન અને પર્શિયન ગલ્ફમાંથી LNG સપ્લાયની સ્થિતિ ભાવની દિશા નક્કી કરવામાં મહત્વની રહેશે.
લાંબા ગાળે ગેસના ભાવમાં રાહતની શક્યતા
હાલની પરિસ્થિતિ ગંભીર હોવા છતાં લાંબા ગાળે સપ્લાય વધવાની શક્યતા છે. ગોલ્ડમેન સૅક્સના જણાવ્યા મુજબ અમેરિકા અને કતારમાં નવી LNG ઉત્પાદન ક્ષમતા વધવાથી ભવિષ્યમાં યુરોપના ગેસ બજારમાં સપ્લાય વધી શકે છે અને ભાવ પરનું દબાણ ઘટી શકે છે.
ગોલ્ડમેન સૅક્સના લાંબા ગાળાના અનુમાન મુજબ 2030થી 2035 દરમિયાન યુરોપિયન ગેસના ભાવ નોંધપાત્ર રીતે નીચા આવી શકે છે. એટલે હાલનો ગેસ સંકટ તાત્કાલિક દબાણ ઊભું કરી રહ્યો છે, પરંતુ આગળ જતાં વધતી LNG ક્ષમતા બજારને રાહત આપી શકે છે.
આ પણ વાંચો: કતારના LNG પ્લાન્ટમાં બ્લાસ્ટ: ખંભાળિયાના યુવાન કિરીટ કણજારીયાનું મોત, બે સંતાનોએ ગુમાવી પિતાની છત્રછાયા
આ પણ વાંચો: ભારત માટે તેલ નહીં, ગેસ સપ્લાય મોટી ચિંતા, LNG માટે નવા દેશો તરફ વળ્યું ભારત
આ પણ વાંચો: કતારથી તમારી કાર સુધી! LNG માંથી CNG કેવી રીતે બને છે, ગેસ ઉત્પાદન અને પરિવહનની સંપૂર્ણ વાર્તા જાણો
