World News : સાઉદી અરેબિયાની રાજધાની રિયાધમાં આવેલા કિંગ ખાલિદ આંતરરાષ્ટ્રીય એરપોર્ટ પર 10 ઓક્ટોબર, 2026ના રોજ થયેલા મિસાઇલ હુમલા (Riyadh Airport Attack)માં 12 લોકોનાં મોત થયાં છે, જ્યારે 309 લોકો ઘાયલ થયા છે. આ Riyadh Airport Attack બાદ એરપોર્ટની કામગીરી અસ્થાયી રીતે અટકાવી દેવામાં આવી હતી. ફ્લાઇટ ટ્રેકિંગના આંકડા મુજબ, છેલ્લા 24 કલાકમાં 225 ફ્લાઇટ્સ રદ થઈ હતી. સાઉદી સત્તાવાળાઓએ હુમલામાં જાનહાનિની પુષ્ટિ કરી છે.
Riyadh Airport Attack : 12નાં મોત, 309 ઘાયલ
સાઉદી નાગરિક ઉડ્ડયન સત્તાવાળાઓના જણાવ્યા અનુસાર, મૃતકોમાં ચાર સાઉદી નાગરિકો, બે બાંગ્લાદેશી નાગરિકો અને અમેરિકા, ઇજિપ્ત, જોર્ડન, પેલેસ્ટાઇન, સીરિયા તથા સુદાનના એક-એક નાગરિકનો સમાવેશ થાય છે. ઘાયલોમાં કેટલાકની હાલત ગંભીર હોવાનું જણાવાયું છે. તેમને સારવાર માટે હોસ્પિટલમાં ખસેડવામાં આવ્યા છે.
હુમલાને પગલે એરપોર્ટ પર સુરક્ષા વધારવામાં આવી હતી અને નુકસાનનું મૂલ્યાંકન કરવા કામગીરી અસ્થાયી રીતે સ્થગિત કરવામાં આવી હતી. આ સપ્તાહ દરમિયાન એરપોર્ટ પર થયેલો આ ત્રીજો હુમલો હોવાનું આંતરરાષ્ટ્રીય અહેવાલોમાં જણાવાયું છે.
યમનમાં સંઘર્ષ વધતાં સાઉદી અરેબિયામાં તણાવ
યમનમાં હુથી બળવાખોરો (Houthi Rebels)અને સાઉદી સમર્થિત સરકારી દળો વચ્ચે સંઘર્ષ વધુ તીવ્ર બન્યો છે. સાઉદી અરેબિયા સરકારી દળોને હવાઈ સહાય પૂરી પાડી રહ્યું છે, જ્યારે યમનની સરકારી સેના હુથીઓના કબજાવાળા વિસ્તારોમાં આગળ વધવાનો પ્રયાસ કરી રહી છે.
લાલ સમુદ્ર અને બાબ અલ-મંડેબ જળમાર્ગનું વ્યૂહાત્મક મહત્ત્વ ઘણું મોટું છે. આ માર્ગ વૈશ્વિક વેપાર અને ઊર્જાના પરિવહન માટે મહત્વપૂર્ણ હોવાથી, અહીં વધતી લશ્કરી અથડામણોની અસર આંતરરાષ્ટ્રીય વેપાર પર પણ પડી શકે છે.
એર ઇન્ડિયા સહિતની એરલાઇન્સે ફ્લાઇટ્સ રદ કરી
હુમલા અને સુરક્ષાની ચિંતાઓને કારણે એર ઇન્ડિયા, ફ્લાયદુબઈ, લુફ્થાન્સા ગ્રુપ સહિતની કેટલીક આંતરરાષ્ટ્રીય એરલાઇન્સે સાઉદી અરેબિયા માટેની સેવાઓ સ્થગિત કરી અથવા તેમાં ફેરફાર કર્યા છે. મુસાફરોને એરપોર્ટ પર જતાં પહેલાં પોતાની ફ્લાઇટની સ્થિતિ તપાસવાની સલાહ આપવામાં આવી છે.
યુરોપિયન યુનિયનની એવિએશન સેફ્ટી એજન્સીએ પણ સાઉદી હવાઈ ક્ષેત્રની સુરક્ષા અંગે ચેતવણી આપી છે. ફ્લાઇટ્સ રદ થવાથી હજારો મુસાફરોની મુસાફરી યોજનાઓ ખોરવાઈ શકે છે.
ટ્રમ્પનું નિવેદન અને ભારતની પ્રતિક્રિયા
હુમલા બાદ અમેરિકાના રાષ્ટ્રપતિ ડોનાલ્ડ ટ્રમ્પે (Donald Trump)હુથી બળવાખોરો સામે સાઉદી અરેબિયા સાથે સંયુક્ત લશ્કરી કાર્યવાહી કરવાની શક્યતા અંગે પૂછાયેલા સવાલના જવાબમાં કહ્યું કે અમેરિકા આવું કરી શકે છે. તેમના નિવેદનથી સંઘર્ષ વધુ વિસ્તરવાની શક્યતા અંગે ચર્ચા તેજ બની છે.
ભારતે પણ નાગરિકો અને નાગરિક સુવિધાઓને નિશાન બનાવતા હુમલાઓ તાત્કાલિક બંધ કરવાની અપીલ કરી છે. ભારતે સાઉદી અરેબિયાની સુરક્ષા અને સાર્વભૌમત્વને સમર્થન આપતાં પ્રદેશમાં શાંતિ પુનઃસ્થાપિત થાય તેવી આશા વ્યક્ત કરી છે.
રિયાધ એરપોર્ટ પર સતત થઈ રહેલા હુમલાઓને કારણે મધ્યપૂર્વમાં (Middle East Conflict)સુરક્ષા અને હવાઈ પરિવહન અંગે ચિંતાઓ વધી છે. હવે આંતરરાષ્ટ્રીય સમુદાયની નજર સાઉદી અરેબિયાના આગામી પગલાં અને સંઘર્ષને અટકાવવાના પ્રયાસો પર છે.
