Bhavnagar News: ભાવનગર શહેરના વડવા તલાવડી વિસ્તારમાં સગીરાને સીટી મારીને હેરાન કરતા યુવકને ઠપકો આપવો એક પરિવારને ભારે (Bhavnagar Minor Harassment Case) પડ્યો હતો. આ બાબતે ઉશ્કેરાયેલા ચાર શખ્સોએ મહિલા પર છરી, લોખંડના પાઇપ અને ધોકા વડે હુમલો કર્યો હોવાનો આક્ષેપ છે. પત્નીને બચાવવા વચ્ચે પડેલા તેના પતિને પણ માર મારવામાં આવ્યો હતો. ઇજાગ્રસ્ત મહિલાને સારવાર માટે સર ટી. હોસ્પિટલમાં ખસેડવામાં આવી હતી. આ મામલે નિલમબાગ પોલીસે ચાર આરોપીઓ સામે ગુનો નોંધીને તપાસ શરૂ કરી છે.
Bhavnagar Minor Harassment Case: દીકરીને હેરાન કરવા બદલ યુવકને ઠપકો આપ્યો
પોલીસ ફરિયાદ મુજબ, વડવા તલાવડી વિસ્તારમાં (Vadva Talavdi Incident) રહેતી મહિલા ગત રાત્રે આશરે 11 વાગ્યે પોતાના ઘરની બહાર ઊભી હતી. તે દરમિયાન ત્યાં હાજર સાહિલ ડાભી નામનો યુવક તેની દીકરી જ્યારે ઘરની બહાર નીકળે ત્યારે સીટી મારીને તેને હેરાન કરતો હોવાની વાત મહિલાએ જણાવી હતી. મહિલાએ આ બાબતે સાહિલને ઠપકો આપતાં તે ઉશ્કેરાઈ ગયો હતો અને અપશબ્દો બોલવા લાગ્યો હતો.
છરી, પાઇપ અને ધોકા વડે હુમલો કર્યાનો આક્ષેપ
ફરિયાદમાં જણાવ્યા અનુસાર, થોડી જ વારમાં અક્ષય ડાભી અને કિશન ડાભી લોખંડના પાઇપ સાથે, જ્યારે જયલો ઉર્ફે જાગો ધોકા સાથે ત્યાં આવી પહોંચ્યા હતા. ત્યારબાદ સાહિલે છરી વડે મહિલા પર હુમલો કર્યો (Couple Attacked) હોવાનો આક્ષેપ છે. અન્ય ત્રણ શખ્સોએ પણ પાઇપ અને ધોકા વડે મહિલાને માર માર્યો હતો.
પત્ની પર હુમલો થતો જોઈ તેના પતિએ વચ્ચે પડી બચાવ કરવાનો પ્રયાસ કર્યો હતો. જોકે, હુમલાખોરોએ તેમને પણ ઢીકાપાટુ તેમજ પાઇપ અને ધોકા વડે માર માર્યો હોવાની ફરિયાદ નોંધાઈ છે.
લોકો એકઠા થતાં આરોપીઓ ફરાર
ઘટનાને પગલે આસપાસના લોકો એકઠા થઈ જતાં ચારેય શખ્સો ત્યાંથી ભાગી ગયા હતા. હુમલામાં ઘાયલ થયેલી મહિલાને લોહીલુહાણ હાલતમાં સારવાર માટે સર ટી. હોસ્પિટલમાં લઈ જવામાં આવી હતી.
નિલમબાગ પોલીસે ચાર સામે ગુનો નોંધ્યો
આ ઘટનાને લઈને મહિલાએ નિલમબાગ પોલીસ મથકમાં સાહિલ ડાભી, અક્ષય ડાભી, કિશન ડાભી અને જયલો ઉર્ફે જાગો સામે ફરિયાદ નોંધાવી છે. પોલીસે (Bhavnagar Police) ભારતીય ન્યાય સંહિતા (BNS)ની કલમ 118(1), 115(2), 352 અને 54 તેમજ ગુજરાત પોલીસ અધિનિયમની કલમ 135 હેઠળ ગુનો દાખલ કરીને આગળની કાર્યવાહી હાથ ધરી છે.
આ પણ વાંચો: અમદાવાદમાં સગીરાની છેડતીની ફરિયાદ કરવા જતાં માતા-દીકરી પર હુમલો
આ પણ વાંચો: છેડતી કરતાં યુવકને કિન્નરે જાહેરમાં શીખવ્યો પાઠ! વાળ પકડી બે લાફા ઝીંકતાં દશામાના વિસર્જનમાં બબાલ
