Vastu Tips: રસોડું ઘરનું હૃદય કહેવાય છે. એ ઘરનો અત્યંત મહત્વનો ભાગ છે. અહિં પ્રેમપૂર્વક બનાવવામાં આવતુ ભોજન સમગ્ર પરિવારના સ્વાસ્થ્ય સાથે સંલગ્ન હોય છે. વાસ્તુ શાસ્ત્ર (Kitchen Vastu)માં રસોડા અર્થાત્ કિચનને સુખ-સમૃદ્ધિ તથા આર્થિક સ્થિતિ (Economic Condition) સાથે જોડીને મૂલવવામાં આવે છે.
આ જ કારણ છે કે રસોડું કઈ દિશા (Kitchen Direction)માં હોવું જોઈએ એ ઉપરાંત, અન્ય બાબતો પણ ઘણી મહત્વની હોય છે. ગૅસના ચૂલા તથા પ્લેટફોર્મના સ્લૅબ પર કઈ-કઈ વસ્તુઓ રાખવામાં આવેલી છે એ અનુસાર પણ વાસ્તુના અમુક નિયમો છે. કિચનમાં રાખેલી આ 5 વસ્તુઓથી માતા લક્ષ્મી (Mata Lakshmi) રિસાઈ શકે છે
કિચન વાસ્તુ અનુસાર આટલી વસ્તુઓ ન રાખવી (Kitchen Vastu Tips)
મોટાભાગે લોકો કિચનના સ્લૅબ (Kitchen Slab) પર પોતાની સુવિધા અનુસાર, દવાઓ, તૂટેલા વાસણો, ખાલી ડબ્બા અને સફાઈનો સામાન મૂકી રાખતા હોય છે. પરંતુ વાસ્તુ માન્યતાઓ અનુસાર, કેટલીક વસ્તુઓને ખોટી જગ્યાએ મૂકવાથી પણ વાસ્તુદોષ ઉત્પન્ન થઈ શકે છે.
એવી માન્યતા છે કે રસોડામાં વાસ્તુદોષ (Vastudosh) હોય તો ઘરમાં આર્થિક અસ્થિરતા, વ્યર્થ ખર્ચાઓ અને પૈસાની બચતનો અભાવ જેવી મુશ્કેલ પરિસ્થિતિઓ ઉત્પન્ન થઈ શકે છે. કેટલીક માન્યતાઓ અનુસાર, ઘનના સ્થગિત થવા અને આવકની સામે ખર્ચ વધવા સાથે પણ એને જોડવામાં આવે છે. શું તમે જાણો છો કે કિચન સ્લૅબ પર કઈ 5 વસ્તુઓને રાખવાથી બચવાની સલાહ આપવામાં આવે છે અને વાસ્તુ અનુસાર અમુક પ્રકારની મુશ્કેલીઓ સાથે જોડીને જોવામાં આવે છે.
1. કિચન સ્લૅબ પર તૂટેલો સામાન ન રાખવો (Broken Items)
વાસ્તુ શાસ્ત્રની (Kitchen Vastu) માન્યતાનુસાર, રસોડામાં તૂટેલા અને તિરાડવાળા વાસણો રાખવાનું અશુભ માનવામાં આવે છે. એમને દરિદ્રતા અને નકારાત્મકતા (Poverty & Negativity) સાથે જોડીને જોવામાં આવે છે. એવી માન્યતા છે કે આવા વાસણો ઘરમાં રાખવાથી ઘરની સુખ-સમૃદ્ધિમાં વિઘ્ન આવી શકે છે અને આર્થિક મુશ્કેલીઓ વધી શકે છે.
બેંક બેલેન્સ અને આવક પર શું અસર?
વાસ્તુ માન્યતાઓ (Kitchen Vastu) અનુસાર આને ધનની કમી, બચત ન થવા અને નાણાકીય તંગી સાથે જોડીને જોવામાં આવે છે.
2. કિચન સ્લૅબ પર દવાઓ રાખવાથી બચવું (Medicines)
ઘણા ઘરોમાં દવાઓ લેવાનું યાદ રહે એટલે એમને કિચનના સ્લૅબ પર મૂકી દેવામાં આવે છે. વાસ્તુની કેટલીક માન્યતાઓમાં રસોડામાં દવાઓ રાખવાનું ઉચિત માનવામાં નથી આવતું. રસોડાને ભોજન અને પોષણનું સ્થાન માનવામાં આવે છે, જ્યારે દવાઓને બીમારી સાથે જોડીને જોવામાં આવે છે. આ જ કારણે આ બંનેને એક જ જગ્યાએ રાખવાથી બચવાની સલાહ આપવામાં આવે છે.
બેંક બેલેન્સ અને આવક પર શું અસર?
વાસ્તુ સંબંધી માન્યતાઓમાં એને સ્વાસ્થ્ય સંબંધી સમસ્યાઓ અને ઈલાજ પર વધતા ખર્ચ સાથે જોડવામાં આવે છે. આનાથી બચત પણ પ્રભાવિત થઇ શકે છે.
3. કિચન સ્લૅબ પાસે અરીસો ન રાખવો (Mirror)
વાસ્તુ શાસ્ત્ર અનુસાર રસોડાને અગ્નિ તત્વ સંબંધિત માનવામાં આવે છે. કેટલીક વાસ્તુ માન્યતાઓ અનુસાર, રસોડામાં અરીસાની સ્થિતિ અને એનું ગૅસની સામે હોવું મહત્વપૂર્ણ માનવામાં આવે છે. એવી માન્યતા છે કે ગૅસની ફ્લૅમનું પ્રતિબિંબ જોવાથી અગ્નિતત્વનો પ્રભાવ વધી શકે છે અને ઘરનું વાતાવરણ અસંતુલિત થઇ શકે છે. આથી જ રસોડામાં અરીસો રાખવો ન જોઈએ.
બેંક બેલેન્સ અને આવક પર શું અસર?
કેટલાક વાસ્તુ વિશેષજ્ઞોના મતે રસોડામાં અરીસો રાખવાથી આર્થિક અસ્થિરતા, વ્યર્થ ખર્ચ અને ધન સંચયમાં વિઘ્ન ઉત્પન્ન થાય છે.
4. કિચન સ્લૅબ પાસે સફાઈનો સામાન ન રાખવો (Cleaning Equipment)
રસોડામાં સફાઈ માટે ઉપયોગમાં લેવાતા કપડા, બ્રશ તથા અન્ય ઉપકરણોને કિચન સ્લૅબ પર રાખવા એ ઘણા ઘરમાં સામાન્ય ગણાય છે. પરંતુ વાસ્તુ માન્યતાઓ અનુસાર, આને ગંદકી તથા નકારાત્મકતા સાથે જોડીને જોવામાં આવે છે. આથી જ સાવરણી, પોતું અને સફાઈનો સામાન ભોજન બનાવવા માટેના સ્થળથી દૂર રાખવો જોઇએ.
બેંક બેલેન્સ અને આવક પર શું અસર?
વાસ્તુની કેટલીક માન્યતાઓ અનુસાર, રસોઈની ગંદકી અને ઘરમાં બરકતની કમી તથા ખર્ચ પર નિયંત્રણ ન રહેવાની સમસ્યા સાથે આને જોડીને જોવામાં આવે છે.
5. કિચન સ્લૅબ પર ખાલી અનાજ અને મસાલાના ડબ્બા (Empty Boxes)
રસોડામાં લોટ, ચોખા, દાળ અને મસાલાના ડબ્બાનો રોજ વપરાશ થાય છે. સામાન પૂરો થઈ ગયા પછી કેટલાય લોકો ખાલી ડબ્બાઓને સ્લૅબ પર છોડી દે છે. વાસ્તુ માન્યતાઓ અનુસાર, અનાજને સમૃદ્ધિ અને ભરપૂર સંસાધનોનું પ્રતીક માનવામાં આવે છે. આ જ કારણથી ખાલી ડબ્બાઓને લાંબા સ્ય સુધી રસોડાના સ્લૅબ પર રાખવાની મનાઈ કરવામાં આવે છે.
બેંક બેલેન્સ અને આવક પર શું અસર?
કેટલીક માન્યતાનુસાર, ખાલી ડબ્બાઓ અભાવનું પ્રતીક માનવામાં આવે છે અને એમને ધનની બચતમાં વિઘ્ન સાથે જોડીને જોવામાં આવે છે.
આ પણ વાંચો :
આ પણ વાંચો : નવી ગાડી કે ઘરનો સામાન ખરીદતી વખતે કેમ કરવામાં આવે છે હળદર-કંકુનો ઉપયોગ? જાણો આ પ્રાચીન પરંપરા પાછળનું ધાર્મિક મહત્વ
આ પણ વાંચો : સવાર-સવારમાં આટલી ભૂલો ન કરવી! ઉઠતા જ અરીસો જોવો એ વાસ્તુદોષ બની શકે!!
