Dharma & Bhakti News : ભારતીય સંસ્કૃતિ અને હિંદુ ધર્મમાં ઘરમાં નવી કાર, બાઇક, ઈલેક્ટ્રોનિક ઉપકરણો, વાસણો કે ઘરનો નવો સામાન આવે ત્યારે તેનો ઉપયોગ શરૂ કરતા પહેલાં તેની વિધિવત પૂજા કરવાની પ્રાચીન પરંપરા રહી છે. પૂજા-અર્ચના દરમિયાન નવી વસ્તુ પર હળદર અને કંકુનું તિલક કે ચાંદલો ખાસ કરવામાં (ancient traditionof turmeric and vermilion)આવે છે.
શું તમે ક્યારેય વિચાર્યું છે કે કોઈપણ નવી વસ્તુ ખરીદતી વખતે હળદર-કંકુ જ કેમ લગાવવામાં આવે છે અને તેની પાછળ કયું ધાર્મિક તેમજ વૈદિક વિજ્ઞાન છુપાયેલું છે?આવો જાણીએ આ પવિત્ર પરંપરા પાછળ જોડાયેલા રસપ્રદ કારણો અને તેનું મહત્વ.
ancient traditionof turmeric and vermilion: શુભતા અને પવિત્રતાથી નવા કાર્યની શરૂઆત
ભારતીય પરંપરા (Indian Tradition)અનુસાર, કોઈપણ નવા કાર્ય કે વસ્તુની શરૂઆત ઈશ્વરના નામસ્મરણ અને પૂજાથી થાય તો તેમાં સકારાત્મક ઊર્જા જળવાઈ રહે છે. ધાર્મિક દ્રષ્ટિએ હળદરને પવિત્રતા, સમૃદ્ધિ અને આર્યોગ્યનું પ્રતીક માનવામાં આવે છે, જ્યારે કંકુને મંગળ અને સૌભાગ્યનું પ્રતીક ગણવામાં આવે છે. નવી વસ્તુ પર હળદર-કંકુ લગાવવાનો મુખ્ય હેતુ એ છે કે તે વસ્તુ સાથે શુભતા જોડાય અને તેનો ઉપયોગ પરિવાર માટે સદાય કલ્યાણકારી નીવડે.
હળદરને કેમ ગણવામાં આવે છે અત્યંત શુભ?
શાસ્ત્રોમાં હળદરનો સંબંધ ભગવાન વિષ્ણુ, દેવગુરુ બૃહસ્પતિ (Devaguru Brihaspati)અને માતા લક્ષ્મી સાથે જોડવામાં આવ્યો છે. લગ્ન પ્રસંગથી લઈને પૂજા-પાઠના દરેક શુભ કાર્યમાં હળદરનો ઉપયોગ અનિવાર્ય છે. હળદર નકારાત્મક ઊર્જાને દૂર કરીને વાતાવરણમાં શુદ્ધતા અને પોઝિટિવ વાઇબ્સ લાવે છે. આ જ કારણે નવી ગાડી કે ઘરના દરવાજા પર હળદર લગાવવાથી ઘરમાં સુખ અને શાંતિનો વાસ થાય છે.
કંકુ (સિંદૂર) લગાવવાનું ધાર્મિક મહત્વ
કંકુને મંગળ ગ્રહ, શક્તિ અને દેવી દુર્ગા સાથે જોડીને જોવામાં આવે છે. કોઈપણ પૂજા-વિધિ (Worship Ritual)માં દેવી-દેવતાઓને કંકુ અર્પણ કરવું અત્યંત શુભ ગણાય છે. નવી ગાડીની પૂજા કરતી વખતે બોનેટ કે આગળના ભાગે કંકુથી સ્વાસ્તિક (સાથીયો) કે તિલક કરવામાં આવે છે. માનવામાં આવે છે કે તેનાથી વાહન પર ઈશ્વરીય આશીર્વાદ જળવાઈ રહે છે અને અકસ્માત કે નકારાત્મક શક્તિઓથી રક્ષણ મળે છે.
માતા લક્ષ્મી અને દેવી દુર્ગા સાથેનો પવિત્ર સંબંધ
ધાર્મિક માન્યતાઓ મુજબ, હળદર-કંકુ એ સાક્ષાત લક્ષ્મીજી અને શ્રી હરિ વિષ્ણુના આશીર્વાદનું પ્રતીક છે. ઘણા પરિવારો તેને લક્ષ્મી-દુર્ગાના રૂપ તરીકે પૂજે છે. નવી વસ્તુ ખરીદીને તેને હળદર-કંકુ અર્પણ કરવાનો ભાવ એ જ હોય છે કે તે સાધન કે વસ્તુ ઘરમાં ઉત્તરોત્તર વૃદ્ધિ, સમૃદ્ધિ અને આનંદ લઈને આવે.
આ પણ વાંચો :
આ પણ વાંચો :
આ પણ વાંચો :
